| e-texts navigator |
| Wylie |
155a1 པ་ཐམས་ཅད་ཡི་རངས་ཏེ་མངོན་པར་བསྟོད་དོ། །འཆི་འཕོ་བ་ཇི་ལྟར་འགྱུར་བ་བསྟན་པའི་མདོ་རྫོགས་སོ།། །།བསྟན་པ་སྔ་དར་བའི་ཚེ་འགྱུར་བ་ལས་སྐད་གསར་ཆད་ཀྱིས་ཀྱང་མ་བཅོས་པའོ།། །།
155a2 @##། །རྒྱ་གར་སྐད་དུ། ཨ་ནི་ཏྱ་སཱུ་ཏྲ། བོད་སྐད་དུ། མི་རྟག་པ་ཉིད་ཀྱི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་མཉན་ཡོད་ན་རྒྱལ་བུ་རྒྱལ་བྱེད་ཀྱི་ཚལ
155a3 མགོན་མེད་ཟས་སྦྱིན་གྱི་ཀུན་དགའ་ར་བ་ན། དགེ་སློང་གི་དགེ་འདུན་ཆེན་པོ་དང་ཐབས་ཅིག་ཏུ་བཞུགས་ཏེ། དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ཆོས་བཞི་པོ་འདི་དག་ནི་འཇིག་རྟེན་ཐམས་ཅད་ལ་སྡུག་པ། དབེན་པ།
155a4 ཕངས་པ། ཡིད་དུ་འོང་བ། མངོན་པར་དགའ་བར་བྱ་བའོ། །བཞི་གང་ཞེ་ན། དགེ་སློང་དག་ནད་མེད་པ་ནི་འཇིག་རྟེན་ཐམས་ཅད་ལ་སྡུག་པ། དབེན་པ། ཕངས་པ། ཡིད་དུ་འོང་བར་མངོན་པར་དགའ་བར་བྱ་བའོ། །ནད་མེད་པ་དེའི་མཐའ་ཡང་ནད་ཡིན་ཏེ།
155a5 དགེ་སློང་དག་ནད་ནི་འཇིག་རྟེན་ཐམས་ཅད་ལ་མི་སྡུག་པ། མི་དབེན་པ། མི་ཕངས་པ། ཡིད་དུ་མི་འོང་བ་མངོན་པར་དགའ་བར་བྱ་བ་མ་ཡིན་པའོ། །དགེ་སློང་དག་ལང་ཚོ་ནི་འཇིག་རྟེན་ཐམས་ཅད་ལ་སྡུག་པ། དབེན་པ། ཕངས་པ། ཡིད་དུ་འོང་བ་མངོན་པར
155a6 དགའ་བར་བྱ་བའོ། །ལང་ཚོ་འདིའི་མཐའ་ཡང་རྒ་བ་ཡིན་ཏེ། དགེ་སློང་དག་རྒ་བ་ནི་འཇིག་རྟེན་ཐམས་ཅད་ལ་མི་སྡུག་པ། མི་དབེན་པ། མི་ཕངས་པ། ཡིད་དུ་མི་འོང་བ། མངོན་པར་དགའ་བར་བྱ་བ་མ་ཡིན་པའོ། །དགེ་སློང་དག་འབྱོར་པ་ནི་འཇིག་རྟེན་ཐམས
155a7 ཅད་ལ་སྡུག་པ། དབེན་པ། ཕངས་པ། ཡིད་དུ་འོང་བ་མངོན་པར་དགའ་བར་བྱ་བའོ། །འབྱོར་པ་དེའི་མཐའ་ཡང་རྒུད་པ་ཡིན་ཏེ། དགེ་སློང་དག་རྒུད་པ་ནི་འཇིག་རྟེན་ཐམས་ཅད་ལ་མི་སྡུག་པ། མི་དབེན་པ། མི་ཕངས་པ། ཡིད་དུ་མི་འོང་བ། མངོན་པར་དགའ
iiif viewer powered by OpenSeadragon
