| e-texts navigator |
| Wylie |
140b1 འབྲས་བུ་ཡིན། །སྤོས་དང་མེ་ཏོག་རོལ་མོ་དང་། །དེ་བཞིན་དུ་ནི་གོས་རྣམས་ཀྱང་། །གང་དག་ཇི་ལྟར་འདོད་པ་བཞིན། །དེ་དག་དེ་བཞིན་འབྱུང་བར་འགྱུར། །ནེའུ་གསིང་དག་ནི་སྔོན་པོ་ལ། །ཤིང་བལ་ལྟ་བུར་རབ་འཇམ་པ། །གང་དུ་དེ་དག་རྟག་རྩེ་བ། །དེ་ནི་སྔོན་བྱིན་འབྲས
140b2 བུ་ཡིན། །དེ་དག་ལ་ནི་ཁྲོ་མེད་ཅིང་། །སེར་སྣ་དང་ནི་ཕྲག་དོག་མེད། །ཕན་ཚུན་དག་ཏུ་རྩེ་བྱེད་པ། །དེ་ནི་སྔོན་བྱིན་འབྲས་བུ་ཡིན། །མཚན་མོ་ཐུན་ཚོད་དང་པོ་ལ། །སྐད་ཅིག་ཙམ་ཞིག་ཆར་འབེབས་ཅིང་། །རྡུལ་རྣམས་མེད་པར་བྱེད་པ་སྟེ། །དེ་ནི་སྔོན་བྱིན་འབྲས་བུ་ཡིན། །དེ
140b3 དག་ཡོངས་སུ་འཛིན་མེད་པས། །མ་དང་བུར་ཡང་མི་ཤེས་ཤིང་། །སྡུག་བསྔལ་མེད་པས་མྱ་ངན་མེད། །དེ་ནི་སྔོན་བྱིན་འབྲས་བུ་ཡིན། །མ་དག་གིས་ཀྱང་རང་གི་བུ། །ལམ་སྟོང་དག་ཏུ་བོར་ཏེ་འགྲོ། །མཐེ་བོ་ལས་ནི་འོ་མ་འཛག་།དེ་ནི་སྔོན་བྱིན་འབྲས་བུ་ཡིན། །དེ་དག
140b4 གང་ཡང་ངུ་བ་མེད། །ཤི་ན་ཡང་ནི་བོར་ཏེ་འགྲོ། །བྱ་དག་གིས་ནི་གླིང་འཕྱག་པ། །དེ་ནི་སྔོན་བྱིན་འབྲས་བུ་ཡིན། །ཁོར་ཡུག་ཏུ་ནི་འོབས་ཀྱིས་བསྐོར། །གླུ་གར་ཡིད་དུ་འོང་བ་ཡིས། །གང་དུ་རྩེ་ཞིང་དགའ་བར་བྱེད། །དེ་ནི་སྔོན་བྱིན་འབྲས་བུ་ཡིན། །མི་ཡི་ཚེ་ནི
140b5 ལོ་སྟོང་པོ། །ཟད་པ་དག་ཏུ་བྱས་ནས་ནི། །བར་མ་དོར་ནི་འཆི་མེད་པ། །དེ་ནི་སྔོན་བྱིན་འབྲས་བུ་ཡིན། །དཔལ་ནི་རྒྱས་པར་སྤྱད་ནས་སུ། །མི་ཡི་ལུས་ནི་བོར་ནས་ཀྱང་། །ལྷ་ཡི་ནང་དུ་སྐྱེ་བར་འགྱུར། །དེ་ནི་སྔོན་བྱིན་འབྲས་བུ་ཡིན། །དགེ་སློང་དག་འཛམ་བུའི་གླིང
140b6 གི་མི་རྣམས་ལ་ནི་ཡར་འཕེལ་བ་དང་། མར་འགྲིབ་པ་ཡོད་དེ། དགེ་སློང་དག་འཛམ་བུའི་གླིང་གི་མི་རྣམས་ནི་ཚེ་ལོ་དཔག་ཏུ་མེད་པར་ཡང་འགྱུར། ཚེ་ལོ་བརྒྱད་ཁྲི་པ་དང་། ཚེ་ལོ་བརྒྱ་པ་དང་། ཚེ་ལོ་བཅུ་པར་ཡང་འགྱུར་རོ། །དགེ་སློང་དག་འཛམ་བུའི་གླིང་གི་མི་རྣམས
140b7 ཀྱི་ད་ལྟར་གྱི་ཚེའི་ཚད་ནི་ལོ་བརྒྱ་པ་ཡིན་ནོ། །དགེ་སློང་དག་ད་ལྟར་ནི་འཛམ་བུའི་གླིང་གི་མི་རྣམས་ལས་རིང་དུ་འཚོ་བ་གང་ཡིན་པས་ལེགས་པར་བདེ་བར་གནས་ན་ལོ་བརྒྱ་འམ། ལོ་བརྒྱ་ལས་ཅིག་ལྷག་པར་ཐུབ་བོ། །དགེ་སློང་དག་འཚོ་བའི་གནས་སྐབས་ནི་བཅུ་མྱོང་བར
iiif viewer powered by OpenSeadragon
