| e-texts navigator |
| Wylie |
132a1 གཅིག་པ་ཉིད་ནི་ལན་གཉིས་སུ་འདུག་པ་སྤོང་བ་ཡིན་ནོ། །ཟས་ཆོག་པ་པ་ཉིད་ནི་ཟས་མང་པོ་སྤོང་བ་ཡིན་ནོ། །ཟས་ཕྱིས་མི་ལེན་པ་ཉིད་ནི་ཟས་ལྷག་པར་ལེན་པ་སྤོང་བ་ཡིན་ནོ། །དགོན་པ་པ་ཉིད་ནི་གྲང་མཐར་གནས་པ་སྤོང་བ་ཡིན་ནོ། །
132a2 ཤིང་དྲུང་པ་ཉིད་ནི་གཡོགས་པར་གནས་པ་སྤང་བ་ཡིན་ནོ། །བླ་གབ་མེད་པ་ཉིད་ནི་གཡོགས་པ་དང་། ཤིང་དྲུང་དུ་གནས་པ་སྤང་བ་ཡིན་ནོ། །དུར་ཁྲོད་པ་ཉིད་ནི་གཞན་དུ་གནས་པ་སྤོང་བ་ཡིན་ནོ། །གཞི་ཇི་བཞིན་པ་ཉིད་ནི་བརྐམ་ཆགས་ཀྱི་གནས་མལ་སྤོང
132a3 བ་ཡིན་ནོ། །ཅོག་པུ་པ་ཉིད་ནི་ཉལ་བ་སྤོང་བ་ཡིན་ནོ། །དེ་ལ་ཕྱག་དར་ཁྲོད་པ་ཉིད་ཇི་ལྟར་ཡང་དག་པར་ལེན་ཞེ་ན། ཁྱིམ་བདག་གི་གོས་ཚོལ་བ་ཉིད་དང་། ཡོངས་སུ་འཛིན་པ་དང་། གཞན་ལ་གསོལ་བ་བྱེད་པའི་ཉེས་དམིགས་ཀྱང་མཐོང་། ཕྱག་དར་ཁྲོད
132a4 པ་ཉིད་ཀྱི་ཡོན་ཏན་ཡང་མཐོང་ནས་གོས་ནར་མ་ལ་གནས་པ་འདི་སྐད་དུ། དེང་སླན་ཆད་ཁྱིམ་བདག་གི་གོས་སྤོང་སྟེ། ཕྱག་དར་ཁྲོད་པ་ཉིད་ནི་ཡང་དག་པར་ལེན་ཏོ་ཞེས་ཡང་དག་པར་ལེན་ཏོ། །དེ་ལ་ཕྱག་དར་ཁྲོད་པ་ཉིད་ཀྱི་ཡོན་ཏན་ནི་འདི་དག་ཡིན་ཏེ། གནས
132a5 དམ་བཅས་པ་ཉིད་དང་འཐུན་པ་ཉིད་དང་། གཞན་ལ་རག་མ་ལས་པ་ཉིད་དང་། མ་རུང་ན་མི་འབྱེད་པ་ཉིད་དང་། ཡོངས་སུ་སྤྱོད་པ་ན་ལྷག་པར་མ་ཆགས་པ་ཉིད་དང་། བརྐམ་ཆགས་མེད་པ་ཉིད་དང་། ཆོམ་རྐུན་གྱིས་མི་འཕྲོགས་པ་ཉིད་དང་། དུས་མ་ལགས་པ་ཉིད
132a6 དང་། འབགས་པ་ཆུང་བ་ཉིད་དང་། ཡོ་བྱད་བསྙུངས་པའི་ཚུལ་ཅན་དང་། སྐྱེས་བུ་དམ་པའི་སྤྱོད་པ་ཉིད་དང་། དང་བར་བྱེད་པའི་ཡོན་ཏན་དང་ལྡན་པ་ཉིད་དང་། སྐྱེས་བུ་ཕྱི་མས་མཐོང་ནས་རྗེས་སུ་འཇུག་པ་ཉིད་དང་། ཡང་དག་པའི་སྒྲུབ་པ་སྣང་བ་ཉིད་དང་། རྒྱལ
132a7 བས་བསྔགས་པ་སྟེ། དེ་ལྟ་བུ་ལ་སོགས་པ་ནི་ཕྱག་དར་ཁྲོད་པ་ཉིད་ཀྱི་ཡོན་ཏན་དག་ཡིན་ནོ། །ཕྱག་དར་ཁྲོད་པ་ཉིད་ནི་རྣམ་པ་དུ་ཞིག་།ཕྱག་དར་ཁྲོད་པ་ནི་གང་ཞིག་ཡིན། གང་གིས་ནི་ཕྱག་དར་ཁྲོད་པ་ཉིད་འཇིག་ཅེ་ན། ཕྱག་དར་ཁྲོད་པ་ནི་རྣམ་པ་གཉིས་ཏེ། བདག་པོ
iiif viewer powered by OpenSeadragon
