| e-texts navigator |
| Wylie |
258a1 དང་། སྐོམ་གྱི་གཏམ་དང་། གོས་ཀྱི་གཏམ་དང་། ལམ་སྲང་གི་གཏམ་དང་། སྨད་འཚོང་མའི་གཏམ་དང་། འཇིག་རྟེན་གྱི་གཏམ་རྒྱུད་ཀྱི་གཏམ་དང་། ལམ་ངན་པའི་གཏམ་རྒྱུད་ཀྱི་གཏམ་དང་། རྒྱ་མཚོའི་གཏམ་རྒྱུད་ཀྱི་གཏམ་དང་། ཡུལ་གྱི་མི་དང་། སྣ་ཆེན
258a2 པོ་ལ་གཏོགས་པའི་གཏམ་རྒྱུད་ཀྱི་གཏམ་དང་། དེ་ལྟ་བུའི་གཏམ་གང་དག་ཡིན་པ་དེ་དག་མངོན་པར་སྤངས་ལ། འཕགས་པའི་ཡོ་བྱད་བསྙུངས་པ་སེམས་ཀྱི་སྒྲིབ་པ་མེད་པ་དང་འཐུན་པར་འགྱུར་བའི་གཏམ་འདི་ལྟ་སྟེ། ཚུལ་ཁྲིམས་ཀྱི་གཏམ་དང་། ཏིང་ངེ་འཛིན་གྱི་གཏམ་དང་། ཤེས
258a3 རབ་ཀྱི་གཏམ་དང་། རྣམ་པར་གྲོལ་བའི་གཏམ་དང་། རྣམ་པར་གྲོལ་བའི་ཡེ་ཤེས་མཐོང་བའི་གཏམ་དང་། འདོད་པ་ཆུང་བའི་གཏམ་དང་། ཆོག་ཤེས་པའི་གཏམ་དང་། མི་སོགས་པའི་གཏམ་དང་། ཡོ་བྱད་བསྙུངས་པའི་གཏམ་དང་། འདུ་འཛི་མེད་པའི་གཏམ་དང་། སྤོང
258a4 བའི་གཏམ་དང་། འདོད་ཆགས་དང་བྲལ་བའི་གཏམ་དང་། འགོག་པའི་གཏམ་དང་། སྟོང་པ་ཉིད་ཀྱི་གཏམ་དང་། རྐྱེན་འདི་ཉིད་ཀྱི་རྟེན་ཅིང་འབྲེལ་པར་འབྱུང་བའི་གཏམ་དང་། དེ་ལྟ་བུའི་གཏམ་གང་དག་ཡིན་པ་དེ་དག་གི་གཏམ་བྱའོ། །དེ་དེ་ལྟར་གཏམ་ཟེར་བ་ན་འཇིག་རྟེན
258a5 ལ་བརྣབ་སེམས་དང་། ཡིད་མི་བདེ་བ་དང་། སྡིག་པ་མི་དགེ་བའི་ཆོས་རྣམས་སེམས་ཀྱི་རྗེས་སུ་མི་འབྲང་ཞིང་དེ་དེ་ལྟར་དྲན་པ་དང་ཤེས་བཞིན་ཅན་དུ་འགྱུར་རོ། །ཀུན་དགའ་བོ་འཕགས་པ་ཉན་ཐོས་ཀྱིས་མ་ལ་བདག་གིས་སེམས་འདོད་པའི་ཡོན་ཏན་ལྔ་པོ་འདི་དག་ལས་འདོད་པའི་ཡོན
258a6 ཏན་གང་ཡང་རུང་བ་ལ་བརྟེན་ནས་ཀུན་དུ་འབྱུང་བ་ཡོད་དམ། འོན་ཏེ་བདག་གི་སེམས་འདོད་པའི་ཡོན་ཏན་ལྔ་པོ་འདི་དག་ལས་འདོད་པའི་ཡོན་ཏན་གང་ཡང་རུང་བ་ལ་བརྟེན་ནས་ཀུན་དུ་འབྱུང་བ་མེད་ཅེས་ཡང་དང་ཡང་དུ་འདོད་པའི་ཡོན་ཏན་ལྔ་པོ་འདི་དག་ལ་རང་གི་སེམས་སོ་སོར་བརྟག་པར
258a7 བྱ་སྟེ། ཀུན་དགའ་བོ་ང་ནི་འདོད་པའི་ཡོན་ཏན་ལྔ་པོ་དག་ལས་གཞན་པ་ལ་སེམས་ཀུན་དུ་འབྱུང་བར་མི་སྨྲའོ། །ཀུན་དགའ་བོ་གལ་ཏེ་དགེ་སློང་དེ་དེ་ལྟར་སོ་སོར་རྟོག་པའི་ཚེ་བདག་གི་སེམས་འདོད་པའི་ཡོན་ཏན་ལྔ་པོ་འདི་དག་ལས་འདོད་པའི་ཡོན་ཏན་གང་ཡང་རུང་བ་ལ་བརྟེན་ནས་ཀུན
iiif viewer powered by OpenSeadragon
