| e-texts navigator |
| Wylie |
257b1 འདུ་ཤེས་ཀྱིས་བཅག་པར་བྱའོ། །དེ་དེ་ལྟར་འཆག་པ་ན་འཇིག་རྟེན་ལ་བརྣབ་སེམས་དང་། ཡིད་མི་བདེ་བ་དང་། སྡིག་པ་མི་དགེ་བའི་ཆོས་རྣམས་སེམས་ཀྱི་རྗེས་སུ་མི་འབྲང་ཞིང་། དེ་དེ་ལ་དྲན་པ་དང་ཤེས་བཞིན་ཅན་དུ་འགྱུར་རོ། །ཀུན་དགའ་བོ་དགེ་སློང་དེ་གནས་པ་འདིས་གནས
257b2 པ་ན། གལ་ཏེ་འདུག་པ་ལ་སེམས་འཇུག་པར་གྱུར་ན། ཀུན་དགའ་བོ་དགེ་སློང་དེས་གཙུག་ལག་ཁང་གི་ཕྱི་རོལ་དུ་རྐང་པ་བཀྲུས་ཏེ་གཙུག་ལག་ཁང་གི་ནང་དུ་ཞུགས་ལ་སྐྱིལ་མོ་ཀྲུང་བཅས་ཏེ་ལུས་དྲང་པོར་བསྲང་ལ་དྲན་པ་མངོན་དུ་བཞག་སྟེ་འདུག་པར་བྱའོ། །དེ་དེ་ལྟར་འདུག་པ་ན་འཇིག
257b3 རྟེན་ལ་བརྣབ་སེམས་དང་། ཡིད་མི་བདེ་བ་དང་། སྡིག་པ་མི་དགེ་བའི་ཆོས་རྣམས་སེམས་ཀྱི་རྗེས་སུ་མི་འབྲང་ཞིང་། དེ་དེ་ལ་དྲན་པ་དང་ཤེས་བཞིན་ཅན་དུ་འགྱུར་རོ། །ཀུན་དགའ་བོ་དགེ་སློང་དེ་གནས་པ་འདིས་གནས་པ་ན། གལ་ཏེ་རྣམ་པར་རྟོག་པ་དག་ལ་སེམས་འཇུག་པར
257b4 གྱུར་ན། ཀུན་དགའ་བོ་དགེ་སློང་དེས་མི་དགེ་བ། སྡུག་བསྔལ་བ། འཕགས་པ་མ་ཡིན་པ། གནོད་པ་དང་ལྡན་པའི་རྣམ་པར་རྟོག་པ་འདི་ལྟ་སྟེ། འདོད་པའི་རྣམ་པར་རྟོག་པ་དང་། གནོད་སེམས་ཀྱི་རྣམ་པར་རྟོག་པ་དང་། རྣམ་པར་འཚེ་བའི་རྣམ་པར་རྟོག་པ་དང་། དེ་ལྟ་བུའི་རྣམ་པར
257b5 རྟོག་པ་གང་དག་ཡིན་པ་དེ་དག་མངོན་པར་སྤངས་ལ། དགེ་བ་བདེ་བ་འཕགས་པ་གནོད་པ་མེད་པ་དང་ལྡན་པའི་རྣམ་པར་རྟོག་པ་འདི་ལྟ་སྟེ། ངེས་པར་འབྱུང་བའི་རྣམ་པར་རྟོག་པ་དང་། གནོད་སེམས་མེད་པའི་རྣམ་པར་རྟོག་པ་དང་། རྣམ་པར་མི་འཚེ་བའི་རྣམ་པར་རྟོག་པ་དང་། དེ་ལྟ་བུའི་རྣམ
257b6 པར་རྟོག་པ་གང་དག་ཡིན་པ་དེ་དག་ལ་རྣམ་པར་བརྟག་པར་བྱའོ། །དེ་དེ་ལྟར་རྣམ་པར་རྟོག་པ་ན་འཇིག་རྟེན་ལ་བརྣབ་སེམས་དང་། ཡིད་མི་བདེ་བ་དང་། སྡིག་པ་མི་དགེ་བའི་ཆོས་རྣམས་སེམས་ཀྱི་རྗེས་སུ་མི་འབྲང་ཞིང་། དེ་དེ་ལ་དྲན་པ་དང་ཤེས་བཞིན་ཅན་དུ་འགྱུར་རོ། །ཀུན་དགའ་བོ
257b7 དགེ་སློང་དེ་གནས་པ་འདིས་གནས་པ་ན། གལ་ཏེ་གཏམ་ལ་སེམས་འཇུག་པར་གྱུར་ན། ཀུན་དགའ་བོ་དགེ་སློང་དེས་མི་དགེ་བ་འཕགས་པ་མ་ཡིན་པ་གནོད་པ་དང་ལྡན་པའི་གཏམ་འདི་ལྟ་སྟེ། རྒྱལ་པོའི་གཏམ་དང་། རྐུན་པོའི་གཏམ་དང་། འཐབ་མོའི་གཏམ་དང་། ཟས་ཀྱི་གཏམ
iiif viewer powered by OpenSeadragon
