| e-texts navigator |
| Wylie |
256a1 བས་ཁྱབ་པར་མ་གྱུར་པ་དང་། ཁྱབ་པར་མ་བྱས་པ་ཀྱང་མེད་དོ། །ཀུན་དགའ་བོ་དེ་ལྟར་ན་དགེ་སློང་སེམས་ནང་ཁོ་ནར་འཇོག་པར་བྱེད། ཡང་དག་པར་འཇོག་པར་བྱེད། བསྡུས་ཏེ་འཇོག་པར་བྱེད། ཉེ་བར་འཇོག་པར་བྱེད། དུལ་བར་བྱེད། ཞི་བར་བྱེད།
256a2 ཉེ་བར་ཞི་བར་བྱེད། རྒྱུད་གཅིག་ཏུ་བྱེད་ཅིང་། ཏིང་ངེ་འཛིན་དུ་བྱེད་པ་ཡིན་ཏེ། ཀུན་དགའ་བོ་དགེ་སློང་དེས་ནི་སེམས་ནང་ཁོ་ནར་བཞག་།ཡང་དག་པར་བཞག་།བསྡུས་ཏེ་བཞག་།ཉེ་བར་བཞག་།དུལ་བར་བྱས། ཞི་བར་བྱས། ཉེ་བར་ཞི་བར་བྱས། རྒྱུད་གཅིག་ཏུ་བྱས་ཤིང་། ཏིང
256a3 ངེ་འཛིན་དུ་བྱས་ཏེ། ཕྱི་སྟོང་པ་ཉིད་ཡིད་ལ་བྱའོ། །ཀུན་དགའ་བོ་དགེ་སློང་དེ་ཕྱི་སྟོང་པ་ཉིད་ཡིད་ལ་བྱེད་པས་སེམས་རྣམ་པར་གཡོ་བར་འགྱུར་ཞིང་། འདི་ལྟ་སྟེ། ཕྱི་སྟོང་པ་ཉིད་ལ་དེའི་སེམས་འཇུག་པར་མི་འགྱུར། དང་བར་མི་འགྱུར། གནས་པར་མི་འགྱུར། མོས་པར་མི་འགྱུར་ལ། ཀུན
256a4 དགའ་བོ་གལ་ཏེ་དགེ་སློང་དེ་དེ་ལྟར་སོ་སོར་རྟོག་པའི་ཚེ་བདག་ཕྱི་སྟོང་པ་ཉིད་ཡིད་ལ་བྱེད་པ་ན་སེམས་རྣམ་པར་གཡོ་བར་འགྱུར་ཞིང་། འདི་ལྟ་སྟེ། ཕྱི་སྟོང་པ་ཉིད་ལ་སེམས་འཇུག་པར་མི་འགྱུར། དང་བར་མི་འགྱུར། གནས་པར་མི་འགྱུར། མོས་པར་མི་འགྱུར་བར་ཤེས་པར་གྱུར་ན། ཀུན
256a5 དགའ་བོ་དགེ་སློང་དེས་ནང་སྟོང་པ་ཉིད་ཡིད་ལ་བྱའོ། །ཀུན་དགའ་བོ་དགེ་སློང་དེ་ནང་སྟོང་པ་ཉིད་ཡིད་ལ་བྱེད་པ་ན་ཡང་སེམས་རྣམ་པར་གཡོ་བར་འགྱུར་ཞིང་། འདི་ལྟ་སྟེ། ནང་སྟོང་པ་ཉིད་ལ་སེམས་འཇུག་པར་མི་འགྱུར། དང་བར་མི་འགྱུར། གནས་པར་མི་འགྱུར། མོས་པར་མི་འགྱུར
256a6 ལ། ཀུན་དགའ་བོ་གལ་ཏེ་དགེ་སློང་དེ་དེ་ལྟར་སོ་སོར་རྟོག་པའི་ཚེ་བདག་ནང་སྟོང་པ་ཉིད་ཡིད་ལ་བྱེད་པ་ན་ཡང་སེམས་རྣམ་པར་གཡོ་བར་འགྱུར་ཞིང་། འདི་ལྟ་སྟེ། ནང་སྟོང་པ་ཉིད་ལ་སེམས་འཇུག་པར་མི་འགྱུར། དང་བར་མི་འགྱུར། གནས་པར་མི་འགྱུར། མོས་པར་མི་འགྱུར་བར་ཤེས
256a7 པར་གྱུར་ན། ཀུན་དགའ་བོ་དགེ་སློང་དེས་ཕྱི་ནང་སྟོང་པ་ཉིད་ཡིད་ལ་བྱའོ། །ཀུན་དགའ་བོ་དགེ་སློང་དེ་ཕྱི་ནང་སྟོང་པ་ཉིད་ཡིད་ལ་བྱེད་པ་ན་ཡང་སེམས་རྣམ་པར་གཡོ་བར་འགྱུར་ཞིང་། འདི་ལྟ་སྟེ། ཕྱི་ནང་སྟོང་པ་ཉིད་ལ་སེམས་འཇུག་པར་མི་འགྱུར། དང་བར་མི་འགྱུར། གནས་པར་མ་འགྱུར།
iiif viewer powered by OpenSeadragon
