| e-texts navigator |
| Wylie |
52a1 ཡི་སེམས་ནི་དང་བར་འགྱུར། །རྟག་ཏུ་འཇིག་རྟེན་མགོན་མཐོང་ནས། །མཆོད་པ་དམ་པ་བྱེད་པར་འགྱུར། །མཚན་རྣམས་འདི་དག་འཛིན་བྱེད་པ། །བསྐལ་པ་བྱེ་བ་གྲངས་མེད་དུ། །དེ་ནི་འདུ་བའི་སྒོ་རྙེད་ཅིང་། །དེ་ནི་རྟག་ཏུ་བཀུར་བར
52a2 འགྱུར། །མཚན་རྣམས་འདི་དག་འཛིན་བྱེད་པ། །བསྐལ་པ་བྱེ་བ་གྲངས་མེད་དུ། །ལྷ་རྣམས་ཀྱིས་ནི་རྟག་ཏུ་མཆོད། །མྱུར་དུ་བྱང་ཆུབ་འཚང་རྒྱར་འགྱུར། །མཚན་རྣམས་འདི་དག་འཛིན་བྱེད་པ། །དེ་ནི་ཤེས་རབ་འཆལ་པའམ། །བླུན་པའམ་འོན་པར་ཡོང་མི
52a3 འགྱུར། །ཀུན་དུ་སངས་རྒྱས་མཐོང་བར་འགྱུར། །སངས་རྒྱས་རྣམས་ཀྱི་མཚན་འཛིན་པ། །དེ་ལ་ལྷ་ཀླུ་གནོད་སྦྱིན་དང་། །གསང་བ་ལྷ་དང་ལྷ་མིན་རྣམས། །ཉིན་དང་མཚན་དུ་སྲུང་བར་བྱེད། །མཚན་རྣམས་འདི་དག་འཛིན་བྱེད་པ། །དེ་ནི་གཟུགས་མཚན་ཕུན་སུམ
52a4 ཚོགས། །འབྱོར་པའི་རིགས་སུ་སྐྱེ་འགྱུར་ཞིང་། །དེ་ནི་སྦྱིན་པའི་བདག་པོར་འགྱུར། །ཐུབ་པ་རྣམས་ཀྱི་མཚན་འཛིན་པས། །བསྐལ་པ་བྱེ་བ་བརྒྱ་མང་དུ། །དེ་ཡི་ཁ་ནས་དྲི་འབྱུང་བ། །དྲི་བསུང་ཞིམ་པོ་འབྱུང་བར་འགྱུར། །ཐུབ་པ་རྣམས་ཀྱི་མཚན་འཛིན་པ། །རྫུ
52a5 འཕྲུལ་ཆེ་ཞིང་ཡིད་གཞུངས་ལ། །འདབ་མ་བྱེ་བ་སྟོང་ལྡན་པའི། །རིན་ཆེན་པད་མར་སྐྱེ་བར་འགྱུར། །མཚན་རྣམས་འདི་དག་འཛིན་བྱེད་པ། །ཕ་དང་མ་དང་རྩ་ལག་དང་། །སྤུན་རྣམས་ཀྱི་ནི་ཡིད་འོང་ཞིང་། །ནམ་ཡང་ཕོངས་པ་མཐོང་མི་འགྱུར། །བུད་མེད་ཀྱིས
52a6 ཀྱང་བློ་ལྡན་པ། །དེ་དག་རྣམས་ཀྱི་མཚན་ཐོས་ན། །བུད་མེད་ལུས་ལ་ཡིད་བྱུང་ནས། །མཁས་ཤིང་སྐྱེས་པར་སྐྱེ་བར་འགྱུར། །ལུས་ཅན་ཀུན་ལ་ཕན་པའི་ཕྱིར། །མྱུར་དུ་བྱང་ཆུབ་འཚང་རྒྱ་སྟེ། །ལྷ་དང་བཅས་པའི་འཇིག་རྟེན་གྱི། །རྟེན་དང་སྐྱབས་སུ་འབྱུང་བར
52a7 འགྱུར། །དེ་ལ་མཚོན་གྱིས་མི་ཚུགས་ཏེ། །དུག་གིས་མི་ཚུགས་མེས་མ་ཡིན། །གཡོན་ཅན་དག་དང་ཆོམ་རྐུན་དང་། །རྒྱལ་པོའང་དེ་ལ་གནོད་མི་འགྱུར། །ཐུབ་པ་རྣམས་ཀྱི་མཚན་འཛིན་པ། །དེ་ལ་སྡིག་དང་ལྡན་པའི་བདུད། །ནག་པོའི་རྩ་ལག་བཞོན་བཅས
iiif viewer powered by OpenSeadragon
