| e-texts navigator |
| Wylie |
51a1 རྒྱལ་པོ་ཞེས་བྱ་བ་ད་ལྟར་ཡང་བཞུགས་ཏེ། འཚོ་ཞིང་གཞེས་ལ་ཆོས་ཀྱང་སྟོན་ཏོ། །ཤཱ་རིའི་བུ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བརྒྱད་པོ་དེ་དག་གི་སངས་རྒྱས་ཀྱི་ཞིང་དེ་དག་ནི་ཡོངས་སུ་དག་པ་སྟེ། བུད་མེད་མེད་དོ། །སྙིགས་མ་ལྔ
51a2 མེད་དོ། །ཤཱ་རིའི་བུ་རིགས་ཀྱི་བུའམ་རིགས་ཀྱི་བུ་མོ་ཐེག་པ་ཆེན་པོ་ལ་ཡང་དག་པར་ཞུགས་པ་གང་ལ་ལ་ཞིག་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་བརྒྱད་པོ་དེ་དག་གི་མཚན་ཐོས་ནས་ལེན་ཅིང་འཛིན་ལ་ཀློག་ཅིང་ཀུན་ཆུབ
51a3 པར་བྱེད་དེ། འཇུག་པར་བྱེད་ཅིང་གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་ན། ཤཱ་རིའི་བུ་རིགས་ཀྱི་བུའམ། རིགས་ཀྱི་བུ་མོ་དེ་སེམས་ཅན་དམྱལ་བར་འགྲོའམ། དུད་འགྲོའི་སྐྱེ་གནས་སམ། ཀྱི་ཡུལ་ལམ་ལྷ་མ་ཡིན་གྱི་ཡུལ་གྱི་ནང་དུ་འགྲོ་བར་འགྱུར་བ་དེའི
51a4 གནས་མེད་དེ་གོ་སྐབས་མ་ཡིན་ནོ། །མི་ཁོམ་པ་རྣམས་སུ་སྐྱེ་བ་དེའི་གནས་མེད་དོ། །ཤཱ་རིའི་བུ་བུད་མེད་ཀྱིས་ཀྱང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་མཚན་ཐོས་ནས། བླངས་ཤིང་བཟུང་ལ། བཀླགས་ཤིང་ཀུན་ཆུབ་པར་བྱས
51a5 ཏེ། འཇུག་པར་བྱས་ཤིང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་བཤད་ན། ཤཱ་རིའི་བུ་དེ་བུད་མེད་ཀྱི་དངོས་པོ་ལན་གཉིས་ལེན་པའི་གནས་དེ་མེད་ཅིང་གོ་སྐབས་མ་ཡིན་ཏེ་དེའི་གནས་མེད་དོ། །ཤཱ་རིའི་བུ་རིགས་ཀྱི་བུའམ། རིགས་ཀྱི་བུ་མོ་ཐེག་པ་ཆེན་པོ་ལ
51a6 ཡང་དག་པར་ཞུགས་པ་གང་ལ་ལ་ཞིག་གིས། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གི་མཚན་ཐོས་ནས་བླངས་ཤིང་བཟུང་ལ། བཀླགས་ཤིང་ཀུན་ཆུབ་པར་བྱས་ཏེ། འཇུག་པར་བྱས་ཤིང་། གཞན་དག་ལ་ཡང་རྒྱ་ཆེར་ཡང་དག
51a7 པར་རབ་ཏུ་སྟོན་ན། དེ་ལ་ལྷ་དང་། ཀླུ་དང་། གནོད་སྦྱིན་དང་། སྲིན་པོ་དང་། མི་དང་། མི་མ་ཡིན་པ་དང་། རྒྱལ་པོ་དང་། ཆོམ་རྐུན་དང་། མེ་དང་། ཆུ་དང་། དུག་དང་། མཚོན་ཆ་ལས་འཇིགས་པ་མི་འབྱུང་བར་ཤེས་པར་བྱའོ། །ཤཱ་རིའི་བུ་རིགས
iiif viewer powered by OpenSeadragon
