| e-texts navigator |
| Wylie |
37b1 གཟུགས་ཀྱི་ཉེས་པ་རྣམས་ཀྱིས་ཀྱང་མི་གོས་སོ། །དེ་བཞིན་དུ་དེ་བཞིན་གཤེགས་པ་རྣམས་ཀྱི་ཆོས་ཀྱི་དབྱིངས་རྣམ་པར་དག་པ་ཡང་སེམས་ཅན་ཐམས་ཅད་དང་སེམས་མཉམ་པ་ཉིད་ཀྱི་ཡོངས་སུ་གྲུབ་པས་ཐ་མི་དད་པར་ཞུགས་ཀྱང་སེམས་ཅན་གྱི་ཉེས་པ་རྣམས་ཀྱིས་ཀྱང་མི
37b2 གོས་སོ། །ཤིན་ཏུ་འདུས་འདི་ལྟ་སྟེ་དཔེར་ན། ནམ་མཁའ་ནི་ལུས་དང་། ངག་དང་། ཡིད་ཀྱི་ལས་སུ་གྱུར་པ་ཐམས་ཅད་ལ་གོ་འབྱེད་ཀྱང་ནམ་མཁའ་ནི་རྩོལ་བ་ཡང་མེད། མངོན་པར་འདུ་བྱེད་པ་ཡང་མེད་དོ། །དེ་བཞིན་དུ་དེ་བཞིན་གཤེགས་པ་རྣམས་ཀྱི་ཆོས་ཀྱི
37b3 དབྱིངས་རྣམ་པར་དག་པ་ཡང་ཡེ་ཤེས་དང་། སྤྲུལ་པ་དང་། སེམས་ཅན་གྱི་བྱ་བ་སྒྲུབ་པ་ཐམས་ཅད་ཀྱི་གོ་འབྱེད་ཀྱང་ཆོས་ཀྱི་དབྱིངས་རྣམ་པར་དག་པ་ནི་རྩོལ་བ་ཡང་མེད། མངོན་པར་འདུ་བྱེད་པ་ཡང་མེད་དོ། །ཤིན་ཏུ་འདུས་འདི་ལྟ་སྟེ་དཔེར་ན། ནམ་མཁའ་ལ
37b4 གཟུགས་རྣམ་པ་ཐ་དད་པ་རྣམས་ཀྱི་སྐྱེ་བ་ཡང་སྣང་། འཇིག་པ་ཡང་སྣང་ཡང་ནམ་མཁའ་ནི་སྐྱེ་བ་ཡང་མེད་འཇིག་པ་ཡང་མེད་དོ། །དེ་བཞིན་དུ་དེ་བཞིན་གཤེགས་པ་རྣམས་ཀྱི་ཆོས་ཀྱི་དབྱིངས་རྣམ་པར་དག་པ་ལ་ཡང་ཡེ་ཤེས་དང་། སྤྲུལ་པ་དང་། སེམས་ཅན་གྱི
37b5 བྱ་བ་སྒྲུབ་པ་ཐམས་ཅད་ཀྱི་སྐྱེ་བ་ཡང་སྣང་། འཇིག་པ་ཡང་སྣང་ཡང་ཆོས་ཀྱི་དབྱིངས་རྣམ་པར་དག་པ་ནི་སྐྱེ་བ་ཡང་མེད། འཇིག་པ་ཡང་མེད་དོ། །ཤིན་ཏུ་འདུས་འདི་ལྟ་སྟེ་དཔེར་ན། ནམ་མཁའ་ལ་གཟུགས་རྣམ་པ་སྣ་ཚོགས་དུ་མ་དག་གི་འཕེལ་བ་ཡང་སྣང་། འགྲིབ་པ
37b6 ཡང་སྣང་ཡང་ནམ་མཁའ་ལ་ནི་འཕེལ་བ་ཡང་མེད། འགྲིབ་པ་ཡང་མེད་དོ། །དེ་བཞིན་དུ་དེ་བཞིན་གཤེགས་པ་རྣམས་ཀྱི་ཆོས་ཀྱི་དབྱིངས་རྣམ་པར་དག་པ་ལ་དེ་བཞིན་གཤེགས་པའི་བསྟན་པ་སྙིང་ཁུ་འཕེལ་བ་ཡང་སྣང་། ནུབ་པར་འགྱུར་བ་ཡང་སྣང་ཡང་ཆོས་ཀྱི་དབྱིངས
37b7 རྣམ་པར་དག་པ་ནི་འཕེལ་བ་ཡང་མེད། འབྲི་བ་ཡང་མེད་དོ། །ཤིན་ཏུ་འདུས་འདི་ལྟ་སྟེ་དཔེར་ན། ནམ་མཁའ་ཐུག་པ་མེད་པའི་ཕྱིར་ནམ་མཁའ་ལ་ཕྱོགས་བཅུ་ན་གཟུགས་སུ་གྱུར་པ་རྣམས་མཐའ་ཡས་མུ་མེད་ཀྱང་ནམ་མཁའ་ནི་འགྲོ་བའམ། འོང་བའམ། གཡོ་བའམ།
iiif viewer powered by OpenSeadragon
