| e-texts navigator |
| Wylie |
35b1 དེ་ལ་ཡང་། །ཕྱག་བྱས་མངོན་ཤེས་ཅི་ཞིག་ཡོད། །སངས་རྒྱས་བཀུར་སྟི་བྱེད་འདོད་དང་། །རྫོགས་པའི་བྱང་ཆུབ་འདོད་པ་ཉིད། །དེས་ནི་སངས་རྒྱས་རྣམས་ཀྱི་མཚན། །རྒྱལ་བས་བཤད་པ་འདི་མཉན་བྱ། །སངས་རྒྱས་ཡེ་ཤེས་བསྐྱེད་པ་ལ། །ནམ་ཡང
35b2 སོམ་ཉི་མི་ཟ་སྟེ། །དགེ་བའི་རྩ་བ་དེ་ཡིས་ནི། །ཡེ་ཤེས་བསམ་ཡས་འདི་འཐོབ་བོ། །གང་ཞིག་རྟག་ཏུ་སངས་རྒྱས་ལ། །མཆོད་པ་བསམ་ཡས་བྱེད་འདོད་པ། །དེ་ཡིས་སངས་རྒྱས་མཚན་ཐོས་ནས། །གཞན་དག་ལ་ནི་རབ་བསྟན་བྱ། །གང་ཞིག་སེམས་ཅན་བྱེ་བ
35b3 དག་། སྲིད་པ་སྤངས་པར་དགྲོལ་འདོད་པ། །དེ་ཡིས་སངས་རྒྱས་མཚན་ཐོས་ན། །མི་ཉིད་དུ་ནི་དེ་མི་སྐྱེ། །གང་ཞིག་ཞིང་ནི་བྱེ་བ་དག་།རྐང་པའི་མཐེ་བོས་བསྒུལ་འདོད་པ། །དེ་ཡིས་སངས་རྒྱས་མཚན་ཐོས་ནས། །སྐྱེ་བོ་མང་ལ་དེ་བསྟན་བྱ། །གང་ཞིག་སངས་རྒྱས་རྣམས
35b4 ཀྱི་འདི་འཛིན་དེ། །རྒྱལ་བ་འདྲེན་པ་མང་པོ་མཆོད་པས་ན། །དེས་ནི་སྐྱེ་བ་གཅིག་གིས་མ་ཡིན་ལ། །བཅུ་ཡིས་མ་ཡིན་ཉི་ཤུས་མ་ཡིན་ནོ། །འཇིག་རྟེན་འདི་ནི་གང་གཱའི་བྱེ་སྙེད་ཀྱི། །རིན་ཆེན་གསེར་གྱི་མདོག་གིས་བཀང་འབུལ་བས། །གང་ཞིག་སངས་རྒྱས་མཆོག་གི
35b5 མཚན་ཐོས་ན། །སྦྱིན་ཕུང་དེ་ཡིས་བརྒྱ་ཡི་ཆར་མི་ཕོད། །གང་ཞིག་སངས་རྒྱས་མཚན་འདི་ཐོས་ནས་འཛིན། །དེ་དག་མིར་གྱུར་མཆོག་ནི་ལེགས་པར་རྙེད། །དེ་མིའི་འཇིག་རྟེན་དབྱངས་ཀྱི་ཡན་ལག་ལྡན། །རབ་ཏུ་འབྱུང་བ་ལེགས་རྙེད་ཟས་ལེགས་སྤྱད། །བཅོམ་ལྡན་འདས་ཀྱིས་དེ
35b6 སྐད་ཅེས་བཀའ་སྩལ་པ་དང་། དགེ་སློང་དེ་དག་དང་། བྱང་ཆུབ་སེམས་དཔའ་དེ་དག་དང་། གནས་བརྟན་འོད་སྲུང་ཆེན་པོ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་བཅོམ་ལྡན་འདས་ཀྱིས་གསུངས་པ་ལ་རྗེས་སུ་ཡི་རངས་ནས་མངོན་པར
35b7 བསྟོད་དོ། །ཐེག་པ་ཆེན་པོ་ཤིན་ཏུ་རྒྱས་པའི་མདོ་ལས་འཕགས་པ་སངས་རྒྱས་ཀྱི་དབུ་རྒྱན་ཞེས་བྱ་བ་ཐེག་པ་ཆེན་པོའི་མདོའི་ཆོས་ཀྱི་རྣམ་གྲངས་ཆེན་པོ་རྫོགས་སོ།། །།རྒྱ་གར་གྱི་མཁན་པོ་ཤཱཀྱ་སིང་ཧ་དང་། ལོཙྪ་བ་བན་དེ་དེ་བེན་དྲ་རཀྵི་ཏས་བསྒྱུར་ཅིང་ཞུས་ཏེ་གཏན་ལ་ཕབ་པ།། །།
iiif viewer powered by OpenSeadragon
