| e-texts navigator |
| Wylie |
35a1 མེད་པ་ཡང་འབྱུང་བར་འགྱུར་རོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་དང་ཉེ་བར་ཐོབ་པར་ཡང་འགྱུར་རོ། །འོད་སྲུང་ཆེན་པོ་བྱང་ཕྱོགས་ན་སངས་རྒྱས་ཀྱི་ཞིང་འདི་ནས་ཕ་རོལ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས
35a2 པའི་སངས་རྒྱས་རིན་ཆེན་དམ་པ་ཞེས་བྱ་བ་ད་ལྟར་བཞུགས་ཤིང་འཚོ་ལ་གཞེས་སོ། །འོད་སྲུང་ཆེན་པོ་རིགས་ཀྱི་བུའམ་རིགས་ཀྱི་བུ་མོ་ཐེག་པ་ཆེན་པོ་ལ་ཡང་དག་པར་ཞུགས་པ་གང་སུ་དག་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི
35a3 སངས་རྒྱས་རིན་ཆེན་དམ་པ་དེའི་མཚན་འཛིན་པར་བྱེད་པ་དེ་དག་ནི་བསོད་ནམས་ཆེན་པོ་སྐྱེད་པར་འགྱུར་ཏེ། འོད་སྲུང་ཆེན་པོ་རིགས་ཀྱི་བུའམ་རིགས་ཀྱི་བུ་མོ་ཐེག་པ་ཆེན་པོ་ལ་ཡང་དག་པར་ཞུགས་པ་གང་ཞིག་གིས་སངས་རྒྱས་བཅོམ་ལྡན་འདས་རྣམས་ལ་རིའི་རྒྱལ་པོ་རི་རབ་ལྟ
35a4 བུ་དེ་ཙམ་གྱི་གསེར་གྱི་ཕུང་པོ་འབུལ་ཞིང་གཏོང་ལ་འཇོག་པར་བྱེད་ཅིང་དེ་ལྟ་བུར་དབུལ་བ་འབུལ་བར་བྱེད་པ་ཡང་ལོ་བྱེ་བ་ཁྲག་ཁྲིག་བརྒྱ་སྟོང་དུ་དབུལ་བ་འབུལ་བར་བྱེད་པ་བས་ནི་སངས་རྒྱས་ཀྱི་མཚན་ཡོངས་སུ་བཟུང་བའི་དགེ་བའི་རྩ་བ་འདི་ལ་བརྒྱའི་ཆར་ཡང་ཉེ་བར་མི་འགྲོ། སྟོང་དང་།
35a5 བརྒྱ་སྟོང་དང་། གྲངས་དང་། བགྲང་བ་དང་། དཔེར་ཡང་ཉེ་བར་མི་འགྲོ་སྟེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་ཆེན་དམ་པའི་མཚན་འཛིན་པར་བྱེད་པ་རྣམས་ལ་གལ་ཏེ་ཡོད་པ་མཆོག་ནི་འདི་ཁོ་ན་ཡིན་ནོ། །
35a6 དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་འདི་སྐད་ཅེས་བཀའ་སྩལ་ཏོ། །འཇིག་རྟེན་གྱི་ནི་མགོན་པོ་འོད་མཛད་པ། །དེ་དག་དུས་དང་དུས་མིན་མཁྱེན་པ་ཡིས། །སེམས་ཅན་ཐམས་ཅད་དག་ལ་ཕན་མཛད་པ། །དེ་དག་ཤར་དང་ལྷོ་དང་ནུབ་དང་ནི། །བྱང
35a7 གི་ཕྱོགས་རྣམས་དག་ན་རབ་བཞུགས་པ། །སྐྱེས་བུ་རྣམས་ཀྱི་གཙོ་བོ་དེ་དག་ལ། །ཉིན་པར་དང་ནི་མཚན་མོ་དག་ཏུ་ཡང་། །གུས་དང་བཅས་པས་ཐལ་སྦྱར་ཕྱག་བྱོས་ཤིག་།མི་ཡི་དམ་པ་གང་དག་ནི། །བསྐལ་པ་སྟོང་ན་འབྱུང་བ་ཡི། །མཆོག་ཏུ་རྙེད་དཀའ
iiif viewer powered by OpenSeadragon
