| e-texts navigator |
| Wylie |
95b1 དམར་པོ་དང་། རྡོའི་སྙིང་པོ་དང་། སྤུག་དང་། ནོར་བུ་དང་། མུ་ཏིག་དང་། དབྱིག་དང་། དུང་དང་། མན་ཤེལ་དང་། བྱི་རུ་ལ་སོགས་པ་དང་། དར་ཡུག་དང་། དྲིལ་བུ་དང་། ཟ་འུག་དང་། གསོ་རས་བཟང་པོ་དང་། ཡུལ་ཀ་ཤིའི་རས་བཟང་པོ་དང་། དབུ་སྟན་ནང་ཚངས
95b2 ཅན་དང་། གདིང་བ་དང་། གདུགས་དང་། རྒྱལ་མཚན་དང་། བ་དན་དང་། ཆོས་གོས་དང་། མགུར་གྱི་རྒྱན་དང་། ཕྱག་གི་རྒྱན་དང་། སྤོས་དང་། མེ་ཏོག་དང་། བདུག་པ་དང་། རོལ་མོའི་སྒྲ་དང་། ལུས་འདུད་པ་དང་། བླ་མ་དང་། གུས་པ་ཆེན་པོ་དང་། གཅེས་པར
95b3 བྱེད་པ་དག་ཏུ་འགྱུར་རོ། །དེ་ནས་བཅོམ་ལྡན་འདས་ཀྱིས་དེའི་ཚེ་ཕྱག་སོར་བཅུའི་ཐལ་མོ་སྦྱར་ནས་འདི་སྐད་ཅེས་བཀའ་སྩལ་ཏོ། །དེ་དག་གི་མཆོད་པ་ནི་དེ་ནས་ང་ཉིད་ཀྱིས་བཞེས་པར་མཛད་དེ། སེམས་ཅན་དེ་དག་ཐམས་ཅད་ནི་བསམ་པ་ཇི་ལྟ་བ་བཞིན་དུ་ཐེག་པ་གསུམ་གྱིས་ཕྱིར་མི
95b4 ལྡོག་པ་དག་ཏུ་འགྱུར་རོ། །ས་ཕྱོགས་ལ་ལར་ནི་གཙུག་ལག་ཁང་དང་། གནས་ཁང་དང་། འཆག་ས་དང་། དགོན་པའི་གནས་དང་། སྐྱེད་མོས་ཚལ་དང་། ཀུན་དགའི་ར་བ་དག་རབ་ཏུ་ཤོམ་པར་བྱེད་དོ། །ཡང་ན་ཉན་ཐོས་ཀྱི་ཆོས་ཀྱི་གནས་པ་རྣམས་ལ་མཆོད་པ་དང་།
95b5 རིམ་གྲོ་རྣམ་པ་སྣ་ཚོགས་འདི་ལྟ་སྟེ། ཆོས་གོས་དང་། བསོད་སྙོམས་དང་། མལ་ཆ་དང་། སྟན་དང་། ན་བའི་གསོས་སྨན་དང་། ཡོ་བྱད་དག་གིས་བྱེད་པར་འགྱུར་བའམ། བྱེད་དུ་འཇུག་པར་འགྱུར་རོ། །གཙུག་ལག་ཁང་དང་། འཆག་ས་དང་། དགོན་པའི་གནས
95b6 དེ་དག་ཏུ་ཡང་བཀུར་སྟིར་བྱས་ཏེ་ཆོས་ཉན་པ་དང་། རྣམ་པར་གཏན་ལ་དབབ་པའི་གཏམ་བྱེད་པ་དག་ཏུ་འགྱུར་བའམ། གླེགས་བམ་དག་ཀློག་པར་འགྱུར་རོ། །གཙུག་ལག་ཁང་དང་། འཆག་ས་ལ་སོགས་པ་དེ་དག་ཏུ་ཡང་ཡོངས་སུ་གཏོང་བ་རྣམ་པ་སྣ་ཚོགས་དག་ཡོངས
95b7 སུ་གཏོང་བར་འགྱུར་ཏེ། འདི་ལྟ་སྟེ། ཞིང་གི་གཞི་འམ། ཁྱིམ་གྱི་གཞིའམ། ཀུན་དགའི་ར་བའི་གཞིའམ། བྲན་དང་། བྲན་མོ་དང་། གླང་པོ་ཆེ་དང་། རྟ་དང་། རྔ་མོ་དང་། བ་ལང་དང་། མ་ཧེ་དང་། བོང་བུ་དང་། ཕྱུགས་གཞན་དག་དང་། སྣོད་སྤྱད་ཀྱི་ཡོ་བྱད་རྣམ
iiif viewer powered by OpenSeadragon
