| e-texts navigator |
| Wylie |
92b1 བ་སྤོང་བར་མཛད་པ་པོ། །ཚུལ་གཅིག་ལྡན་པ་ཉིད་ཀྱི་མཁྱེན་མངའ་བ། །ལྷ་མི་རྣམ་པ་མང་པོ་ཁྲི་དག་ཀྱང་། །སོམ་ཉི་རྒལ་མཛད་དགེ་བརྙེས་ཆུ་བོ་རྒལ། །བདེ་འགྲོའི་མཁྱེན་པ་མྱུར་དང་ལྡན་པ་པོ། །བྱང་ཆུབ་སྤྱོད་དང་སངས་རྒྱས་ཆོས་མངོན་སུམ། །སེམས་གཡོ
92b2 སེམས་ཅན་ཁ་ཅིག་འདོད་ཀླུང་ལྷུང་། །མུན་པས་ཁེབས་ཤིང་མིག་དང་མི་ལྡན་པའི། །སྡུག་བསྔལ་ཐམས་ཅད་བཅོམ་པར་གྱུར་ལགས་པ། །མ་ཐོས་དགེ་བྲལ་སློབ་དཔོན་མཁས་ལྡན་པའི། །སྐྱེ་བོ་བྲལ་ལ་མི་དབང་ཐུགས་རྗེ་སྐྱེད། །མཉམ་པའི་ཆོས་ཉན་སྐྱེ་བའི་ཕ་རོལ
92b3 མཆི། །སྲིད་པ་གཅོད་པ་བཤད་པར་མཛད་དུ་གསོལ། །སྐྱེ་ཀླུང་ཕ་རོལ་གཤེགས་ཐུབ་ཐུགས་རྗེས་གསུངས། །བློ་འཆལ་སྐྱེ་མང་སྲེད་པའི་དྲ་བའི་ལམ། །དེ་དག་ཐམས་ཅད་ཉོན་མོངས་རྩ་བ་ཅན། །དེར་ནི་སེམས་ཅན་འཁྱམས་འགྱུར་གཅད་དུ་གསོལ། །གང་དུ་སྡུག
92b4 བསྔལ་རབ་ཞི་དབང་དྲུག་དང་། །ཡིད་ཀྱང་ཞི་འགྱུར་སྲེད་སྐྱོན་རྒྱལ་བ་གསུང་། །སྲེད་པ་བྲལ་བ་སྲེད་རྒྱུ་མི་མངའ་བ། །སེམས་ཅན་གདུང་བ་དཔལ་ཀུན་བྲལ་གྱུར་པ། །དེ་སླད་ཐུབ་པ་ཐུགས་བརྩེ་བ་ཡི་རྒྱུས། །སྲེད་པ་ཡི་ནི་ཆུ་ཀླུང་སྐེམས་མཛད་པ། །མྱུར་དུ་བདེ་ཞིང་འཆི
92b5 བ་མ་མཆིས་པའི། །ཆོས་ཀྱང་སྲེད་པ་གཅོད་པ་བཤད་པར་གསོལ། །དེ་ནས་བཅོམ་ལྡན་འདས་ཀྱིས་ཚངས་པ་པད་མ་འབར་བའི་དཔལ་ལ་འདི་སྐད་ཅེས་བཀའ་སྩལ་ཏོ། །གང་དག་སྔོན་ཆད་ཕ་རོལ་ཕྱིན། །སྤྱོད་པ་སྤྱད་ཅིང་སྤྱོད་འགྱུར་བ། །དེ་དག་ཉན་ཐོས་ཆོས་རྣམས་ལ། །
92b6 ནམ་ཡང་དགའ་བར་མི་བྱ་སྟེ། །སངས་རྒྱས་ཆོས་ལས་ཉམས་འགྱུར་བའི། །ལྟུང་བ་གཉིས་པ་གཞན་མེད་དེ། །དེ་ནི་ཡང་དང་ཡང་དུ་ཡང་། །གཉི་གར་སེམས་ནི་འཇུག་པ་ཡིན། །ཁྲོ་དང་ཉན་ཐོས་ཆོས་རྣམས་དང་། །རྐྱེན་གྱི་བྱང་ཆུབ་འཇུག་པ་ཡི། །ཆོས་གསུམ་རྣམ་པར
92b7 སྤངས་པས་ན། །སངས་རྒྱས་ཆོས་རྣམས་རྫོགས་པར་འགྱུར། །སྐྱེ་གནས་བཞི་ལྡན་སེམས་ཅན་འདི། །སངས་རྒྱས་ཞིང་འདིར་ལྷགས་པ་དག་།ཐམས་ཅད་འདོད་པ་རྟེན་མི་བྱེད། །ཐམས་ཅད་མི་སྡུག་ཐོབ་པ་ཡིན། །འདི་ན་སེམས་ཅན་མཁས་པ་གང་། །བྱང་ཆུབ
iiif viewer powered by OpenSeadragon
