| e-texts navigator |
| Wylie |
70a1 ཞིག་སྟེ་ཤི་བའི་འོག་ཏུ་བདེ་འགྲོ་མཐོ་རིས་ཀྱི་འཇིག་རྟེན་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ཏེ། བདེ་བར་གཤེགས་པས་དེ་སྐད་གསུངས་ནས། སྟོན་པས་གཞན་ཡང་འདི་སྐད་ཅེས་བཀའ་སྩལ་ཏོ། །གང
70a2 ཕྱིར་སེར་སྣ་བག་མེད་པས། །སྦྱིན་པ་སྦྱིན་པར་མི་བྱེད་དེ། །དེ་ཕྱིར་བསོད་ནམས་འདོད་པ་ཡི། །མཁས་པས་སྦྱིན་པ་སྦྱིན་པར་བྱ། །སེར་སྣ་ཅན་གྱིས་འཇིགས་པ་ནི། །བཀྲེས་དང་སྐོམ་པ་འདི་ཡིན་ན། །གང་གིས་འཇིགས་པས་འདིར་མ་བྱིན། །དེ་ཉིད་མི་ཡི
70a3 འཇིགས་པ་ཡིན། །གང་གིས་སེར་སྣའི་དབང་གིས་ན། །ཡོད་མ་བྱིན་པ་འཇིགས་པ་སྟེ། །འཇིག་རྟེན་འདི་དང་ཕ་རོལ་དུ། །དེ་ཡིས་བྱིས་པ་བགོས་པར་འགྱུར། །གང་དག་སེར་སྣ་སྤངས་ནས་ཀྱང་། །དུས་སུ་སྦྱིན་པ་སྦྱིན་བྱེད་ན། །ཤི་ཡང་དེ་ནི་ཤི་མ་ཡིན། །
70a4 རྒྱགས་བཟང་པོ་ཡི་འགྲོན་པོ་བཞིན། །གང་དག་ཤིན་ཏུ་གཏང་དཀའ་བ། །ཉུང་ངུའམ་མང་པོ་གཏོང་བྱེད་ན། །གཏང་དཀའ་གཏོང་བ་དེ་དག་ནི། །དཀའ་བའི་ལས་དག་བྱེད་པ་ཡིན། །དམ་པ་མིན་པས་མི་རྟོགས་ཏེ། །དམ་པ་ཆོས་ལས་འདའ་མི་བྱེད། །དེ་ཕྱིར
70a5 དམ་པ་དམ་པ་མིན། །འདི་ནས་ཤི་བར་འགྱུར་བ་ན། །དམ་པ་མིན་པ་དམྱལ་བར་འགྲོ། །དམ་པ་དག་ནི་མཐོ་རིས་འགྲོ། །རྒ་བས་གཙེས་པ་ལ་ནི་སྐྱབས་མེད་དེ། །ཚེ་ཐུང་བས་ནི་སྲོག་ཁྱེར་དུས་ཀྱང་ཉེ། །འཆི་བའི་འཇིགས་པ་འདི་མཐོང་རྣམས་ཀྱིས་ནི། །བསོད་ནམས
70a6 བདེ་སྦྱོར་དག་ནི་བྱ་བའི་རིགས། །བུད་མེད་སྤངས་འདིར་སྦྱོར་བས་འཚོ་བ་གང་། །དཀའ་བས་བྱིན་པ་ཉུང་ངུ་བྱིན་ན་ཡང་། །སྟོང་གི་མཆོད་སྦྱིན་བརྒྱ་སྟོང་བྱེད་པ་ནི། །དེ་ཡི་བཅུ་དྲུག་ཆར་ཡང་མི་ཕོད་དོ། །ཅི་ཕྱིར་མཆོད་སྦྱིན་ཡངས་ཤིང་རྒྱ་ཆེ་བ། །མཆོད་སྦྱིན་འཐུན་པ
70a7 དེ་ཡི་ལམ་མི་འགྲོ། །ཇི་ལྟར་སྟོང་གི་མཆོད་སྦྱིན་ཆེ་རྣམས་ཀྱང་། །དེ་ཡི་བཅུ་དྲུག་ཆར་མི་འགྱུར་ཞེ་ན། །བྱིས་པ་ལ་ལ་གསོད་ཅིང་འཆིང་བྱེད་འདིར། །གཞན་ནོར་མ་བྱིན་ལེན་བྱེད་བརླག་པར་འགྱུར། །མཆི་མའི་གདོང་བཅས་ཆད་པར་བཅས་པ་ཡི། །ཡོན་དེའི་མཆོད
iiif viewer powered by OpenSeadragon
