| e-texts navigator |
| Wylie |
59a1 བཞིན་དགེ་བསྙེན་མ། །ཐམས་ཅད་དང་ནི་དེ་དག་གིས། །འདྲིས་པ་རྣམ་པར་སྤང་བར་བྱ། །བྱིས་པའི་ལམ་ལ་རྟེན་པ་ཡི། །རྨོངས་པ་ཀུན་ཀྱང་སྐྱབས་མེད་དེ། །གང་ཞིག་ཆོས་ལ་རྟེན་པ་དང་། །དེ་དག་སངས་རྒྱས་མཆོག་ཏུ་གཞོལ། །མི་གང་སེམས
59a2 ཅན་དོན་དགའ་བའི། །སངས་རྒྱས་ཕ་དང་མ་ཡིན་ནོ། །གཡོ་མེད་ཆོས་ལ་འདོད་པ་དག་།བྱང་ཆུབ་ལ་ནི་རབ་ཏུ་དད། །སངས་རྒྱས་དག་ཏུ་མི་ལྟ་བའི། །མི་རྣམས་མཚན་ཉིད་གསུམ་གསུངས་ཏེ། །གཡོ་དང་ཆོས་མིན་འདོད་པ་དང་། །སྙོམ་ལས་དག་ལས་རྟག་དགའ
59a3 བའོ། །འདོད་ཆགས་ཞེ་སྡང་ང་རྒྱལ་དང་། །དེ་བཞིན་སྡིག་པ་རབ་སྤངས་ནས། །བློ་ལྡན་བརྩོན་འགྲུས་ལྡན་གྱུར་པ། །བྱང་ཆུབ་ལ་ནི་རབ་གུས་འགྱུར། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། ཚེ་དང་ལྡན་པ་ཤཱ་རིའི་བུ་དང་། ལྷ་དང་། མི་དང་། ལྷ་མ་ཡིན
59a4 དང་། དྲི་ཟར་བཅས་པའི་འཇིག་རྟེན་ཡི་རངས་ཏེ། བཅོམ་ལྡན་འདས་ཀྱིས་གསུངས་པ་ལ་མངོན་པར་བསྟོད་དོ།། །།བྱང་ཆུབ་སེམས་དཔའི་སོ་སོར་ཐར་པ་ཆོས་བཞི་སྒྲུབ་པ་ཞེས་བྱ་བ་ཐེག་པ་ཆེན་པོའི་མདོ་རྫོགས་སོ།། །།རྒྱ་གར་གྱི་མཁན་པོ་དཱི་པཾ
59a5 ཀ་ར་ཤྲཱི་ཛྙཱ་ན་དང་། ཞུ་ཆེན་གྱི་ལོཙྪ་བ་དགེ་སློང་ཤཱཀྱ་བློ་གྲོས་དང་། དགེ་སློང་དགེ་བའི་བློ་གྲོས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ།། @##། །རྒྱ་གར་སྐད་དུ། ཨཱརྱ་ཙ་ཏུར་དྷརྨ་ནིར་དེ་ཤ་ན་ནཱ་མ་མ་ཧཱ་ཡཱ་ན་སཱུ་ཏྲ། བོད་སྐད་དུ།
59a6 འཕགས་པ་ཆོས་བཞི་བསྟན་པ་ཞེས་བྱ་བ་ཐེག་པ་ཆེན་པོའི་མདོ། སངས་རྒྱས་དང་བྱང་ཆུབ་སེམས་དཔའ་ཐམས་ཅད་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། བཅོམ་ལྡན་འདས་སུམ་ཅུ་རྩ་གསུམ་ལྷའི་ནང་ན་ལྷའི་འདུན་ས་ཆོས་བཟང་ན་དགེ་སློང་ལྔ་བརྒྱ་ཐམ
59a7 པའི་དགེ་སློང་གི་དགེ་འདུན་ཆེན་པོ་དང་། བྱམས་པ་དང་། འཇམ་དཔལ་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རབ་ཏུ་མང་པོ་དང་ཐབས་ཅིག་ཏུ་བཞུགས་ཏེ། དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་བཀའ་སྩལ་པ།
iiif viewer powered by OpenSeadragon
