| e-texts navigator |
| Wylie |
299b1 ནམ། མི་འམ་ཅི་གང་ཡང་བྱང་ཆུབ་སེམས་དཔའི་དཔལ་དང་། གཟི་བརྗིད་ཟིལ་གྱིས་མནན་ཏེ་སྐྲ་གཅོད་ནུས་པ་སུ་ཡང་མེད་ཅིང་རྒྱལ་པོ་ཟས་གཙང་མ་དེས་ཐོས་ན་ཡང་ཇི་ལྟར་བྱང་ཆུབ་སེམས་དཔའ་ཉིད་ཀྱིས་སྐྲ་བཅད་པར་མཐོང་ནས་ཁྲོ་བར་མི་འགྱུར་ཞིང་སུས་ངའི་བུའི་སྐྲ་བཅད་ཅེས་དེ་ལ་བསད་པའམ།
299b2 ཆད་པར་མི་འགྱུར་བར་བྱ་བའི་ཕྱིར་རོ། །ཅིའི་ཕྱིར་ན་རྟ་དང་རྒྱན་རྣམས་བྲན་ཙ་ཏ་ཀའི་ལག་ཏུ་བྱིན་ཅེ་ན། ཆོག་ཤེས་པ་དང་། བྱང་ཆུབ་སེམས་དཔའ་གསེར་དངུལ་མི་འདོད་ཅིང་དངོས་པོ་ཐམས་ཅད་ལ་མི་ལྟ་བར་རབ་ཏུ་འབྱུང་བར་བསྟན་པའི་ཕྱིར་རོ། །ཡང་བྱང་ཆུབ་སེམས་དཔས་སྐྱེ་བོ་ཕྱི་མ་དག
299b3 བསླབ་དགོས་ཏེ། བསྟན་པ་འདི་ལ་གང་རབ་ཏུ་བྱུང་བ་དེ་དག་ངའི་རྗེས་སུ་སློབ་ཅིང་དངོས་པོ་ཐམས་ཅད་ལ་མི་ལྟ་བར་འཕགས་པའི་རིགས་བཞི་ལ་གནས་ནས་རབ་ཏུ་འབྱུང་བར་འགྱུར་གྱི། ཐོག་མ་ཉིད་ནས་རབ་ཏུ་འབྱུང་བའི་འཚོ་བའི་ཕྱིར་རབ་ཏུ་འབྱུང་བར་མི་འགྱུར་བར་བྱ་བའི་ཕྱིར་རོ། །ཡང་རིགས
299b4 ཀྱི་བུ་ཅིའི་ཕྱིར་ན་བྱང་ཆུབ་སེམས་དཔས་ལོ་དྲུག་ཏུ་དཀའ་བ་སྤྱད་པ་ཉོན་ཅིག་། བྱང་ཆུབ་སེམས་དཔའ་ནི་ལས་ཀྱིས་བསྒྲིབས་པའི་ཉེས་པས་དཀའ་བ་སྤྱོད་པ་སྤྱད་པ་མ་ཡིན་གྱི། བྱང་ཆུབ་སེམས་དཔའ་ཐབས་མཁས་པས་ནི་ངེས་པར་སེམས་ཅན་རྣམས་ལ་ལས་ཀྱི་བྱ་བ་བསྟན་དགོས་ཏེ། རིགས་ཀྱི་བུ
299b5 བྱང་ཆུབ་སེམས་དཔས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་སྲུང་གི་གསུང་རབ་ལ་མགོ་རེག་ལ་བྱང་ཆུབ་ག་ལ་ཡོད་ཅེས་སྨྲས་པ་དེ་ཡང་བྱང་ཆུབ་སེམས་དཔའི་ཐབས་མཁས་པར་བལྟའོ། །དགོངས་པའི་ཚིག་ཏུ་བལྟའོ། །བྱང་ཆུབ་སེམས་དཔས་ཇི་ལྟར
299b6 དགོངས་ཏེ། ཚིག་དེ་སྐད་སྨྲས་ཞེ་ན། རིགས་ཀྱི་བུ་འདི་ལྟ་སྟེ། དེའི་ཚེ་དེའི་དུས་ན་ཁྱེའུ་སྐར་མ་སྐྱོང་གི་ནེའུ་ལྡངས་བྲམ་ཟེའི་བུ་ཤིང་སཱ་ལ་ཆེན་པོ་ལྟ་བུ་བྱང་ཆུབ་སེམས་དཔའི་ཐེག་པ་ལ་གནས་པ་ལྔ་ཡོད་དེ། དེ་དག་སྡིག་པའི་གྲོགས་པོའི་དབང་གིས་བྱང་ཆུབ་ཀྱི་སེམས་བརྗེད་པར་གྱུར་ནས་རིགས་ཀྱི་བུ་ལྔ
299b7 པོ་དེ་དག་ནི་སངས་རྒྱས་ཀྱི་བརྟུལ་ཞུགས་ཅན་མ་ཡིན་ཏེ། མུ་སྟེགས་ཀྱི་བརྟུལ་ཞུགས་ལྡན་པ། མུ་སྟེགས་ཀྱི་གསང་སྔགས་ལ་བརྩོན་པས་བདག་ཅག་གི་ཡང་བྱང་ཆུབ་ཡོད་དོ། །བདག་ཅག་ཀྱང་སངས་རྒྱས་སོ་ཞེས་བདག་ཉིད་སྟོན་པར་འཛིན་ཏོ། །དེ་ནས་ཁྱེའུ་སྐར་མ་སྐྱོང་གིས་རིགས་ཀྱི
iiif viewer powered by OpenSeadragon
