| e-texts navigator |
| Wylie |
298b1 སྦྱིན་ལེན་བསྟན་པའི་ཕྱིར་བྱང་ཆུབ་སེམས་དཔས་ཤཱཀྱའི་བུ་མོ་གྲགས་འཛིན་ལ་སོགས་པ་བླངས་སོ། །ནོར་སྦྱིན་འཛིན་མེར་མེར་པོ་ལས་གྱུར་པའོ་ཞེས་གང་དེ་སྙམ་དུ་འཛིན་ན་དེ་ལྟར་མི་བལྟའི་ནོར་སྦྱིན་འཛིན་ནི་ལྷ་ལས་ཤི་འཕོས་ཏེ། འདིར་སྐྱེས་པས་ཕ་མའི་མེར་མེར་པོ་ལས་གྱུར་པ་མ་ཡིན་གྱི། རྫུས་ཏེ
298b2 སྐྱེས་པར་ཤེས་པར་བྱའོ། །ཡང་སྔོན་གྱི་སྨོན་ལམ་གྱིས་ཤཱཀྱའི་བུ་མོ་གྲགས་འཛིན་བླངས་པ་ཡིན་ཏེ། མར་མེ་མཛད་ཚུན་ཅད་སྐྱེ་བའི་ཐ་མའི་བར་དུ་ཁྱོད་ཀྱི་ཆུང་མར་གྱུར་ཅིག་ཅེས་སྨོན་ལམ་བཏབ་པ། སངས་རྒྱས་ལ་དགེ་བའི་རྩ་བ་བསྐྱེད་པ་དེ་ཡང་སླུ་བར་མི་འགྱུར་བས་ན་དེའི་ཕྱིར་ཤཱཀྱའི་བུ་མོ
298b3 གྲགས་འཛིན་བླངས་སོ། །ཡང་སེམས་ཅན་འདི་དག་ནི་འདོད་པའི་ཉེས་པ་ཅན་ཁྱིམ་གྱི་བྱ་བ་ལ་ཞེན་པ་ཡིན་པས་དེ་དག་སྤངས་ཏེ་རབ་ཏུ་འབྱུང་བར་མི་ནུས་ནས་དེ་དག་གི་ཕྱིར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་གཡོག་ལེན་ཏོ། །ཡང་འདི་ནི་ཆུང་མ་བཟང་མོའི་གཡོག་འདི་ལྟ་བུ་སྤངས་ཏེ
298b4 རབ་ཏུ་བྱུང་ན། བདག་ལྟ་ཅིའི་ཕྱིར་རབ་ཏུ་མི་འབྱུང་ཞེས་དེ་སྙམ་དུ་སེམས་པར་འགྱུར་ཞིང་ཡང་བྱང་ཆུབ་སེམས་དཔས་བྱང་ཆུབ་སེམས་དཔའི་སྤྱད་པ་སྤྱོད་པ་ན། གང་བུད་མེད་གཞོན་ནུ་དག་ཡོངས་སུ་སྨིན་པར་བྱས་ནས་དེ་དག་ཀྱང་མཛའ་བ་ཡིད་གཅུགས་པས་སྲིད་པ་ཐ་མའི་བར་དུ་བདག་ཅག
298b5 ནི་ཁྱོད་ཀྱི་ཆུང་མར་གྱུར་ཅིག་ཅེས་སྨོན་ལམ་བཏབ་ལ། དེ་དག་གིས་ཆོས་དཀར་པོ་དེ་རྣམས་ཀྱང་ཤིན་ཏུ་ཡོངས་སུ་སྨིན་པར་བྱ་བའི་ཕྱིར་བྱང་ཆུབ་སེམས་དཔའ་གཡོག་ལེན་ཏེ། དེ་ལ་བྱང་ཆུབ་སེམས་དཔའ་སླས་ཀྱི་ནང་ན་གནས་ནས་བུད་མེད་བཞི་ཁྲི་ཉིས་སྟོང་བླ་ན་མེད་པ་ཡང་དག་པར་རྫོགས
298b6 པའི་བྱང་ཆུབ་ཏུ་ཡོངས་སུ་སྨིན་པར་བྱས་སོ། །ལྷག་མ་དག་ཀྱང་མི་ལྟུང་བའི་ཆོས་དང་ལྡན་པར་བྱས་སོ། །རྣམ་གྲངས་དེའི་ཕྱིར་ཡང་བྱང་ཆུབ་སེམས་དཔའ་གཡོག་ལེན་གྱི། གང་བུད་མེད་འདོད་ཆགས་ཀྱིས་ཡོངས་སུ་གདུངས་པས་ཡོངས་སུ་གདུང་བ་དེ་ཡང་བྱང་ཆུབ་སེམས་དཔའ་མཐོང
298b7 མ་ཐག་ཏུ་བདག་ཏུ་འདོད་ཆགས་དང་བྲལ་བར་ཤེས་སོ། །ཡང་བྱང་ཆུབ་སེམས་དཔའ་ནི་བདག་གི་ཆུ་ཞེང་དང་འདྲ་བར་སྤྲུལ་པ་དག་སྤྲུལ་ནས་བུད་མེད་དེ་དག་སྤྲུལ་པ་དེ་རྣམས་དང་རྩེ་དགའ་ཡོངས་སུ་སྤྱོད་ཅིང་བདག་ཅག་ནི་བྱང་ཆུབ་སེམས་དཔའ་དང་ལྷན་ཅིག་ཏུ་རྩེ་དགའ་ཞིང་ཡོངས་སུ་སྤྱོད་དོ་སྙམ་དུ
iiif viewer powered by OpenSeadragon
