| e-texts navigator |
| Wylie |
297b1 དུ་གྱུར་པ་དེ་དག་བདག་ཅག་གཙོ་བོ་ཡིན་གྱི། འདི་ནི་མ་ཡིན་ནོ་སྙམ་དུ་སེམས་ཤིང་དེ་དག་བྱང་ཆུབ་སེམས་དཔའ་ལ་འདུད་པར་མི་བྱེད། ཡང་དག་པར་འདུད་པར་མི་བྱེད་པས་དེའི་ཕྱིར་བྱང་ཆུབ་སེམས་དཔའ་སེམས་དཔའ་ཆེན་པོ་འདི་སྙམ་དུ་སེམས་ཏེ། ཚངས་པ་དང་ལྷ་འདི་དག
297b2 ཡུན་རིང་པོར་ཕན་པ་མེད་པར་འགྱུར་དུ་འོང་ངོ་ཞེས་དེའི་ཕྱིར་བྱང་ཆུབ་སེམས་དཔས་འཇིག་རྟེན་ན་ང་མཆོག་གོ་ང་མཆོག་གོ་སྐྱེ་བ་དང་རྒ་བ་དང་འཆི་བ་མཐར་འབྱིན་ཏོ་ཞེས་སྨྲ་ཞིང་སྒྲ་དེས་ཀྱང་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་སུ་བསྒོ་བ་དང་། གང་བྱང་ཆུབ་སེམས་དཔའ
297b3 མ་ལྷགས་པ་དེ་དག་ཀྱང་། སྒྲ་དེས་ལྷགས་པར་གྱུར་ནས། དེའི་ཚེ་ཚངས་པ་དེ་དག་དང་ལྷའི་བུ་དེ་དག་བྱང་ཆུབ་སེམས་དཔའ་ལ་ཐལ་མོ་སྦྱར་ནས་བཏུད་པར་གྱུར་ཏོ། །རྒྱུ་དེ་དང་རྐྱེན་དེའི་ཕྱིར་བྱང་ཆུབ་སེམས་དཔའ་འཇིག་རྟེན་ན་ང་མཆོག་གོ། །ང་མཆོག་གོ་སྐྱེ་བ་དང་རྒ་བ་དང་འཆི་བ་མཐར
297b4 ཕྱིན་ཏོ་ཞེས་དེ་སྐད་ཀྱི་ཚིག་སྨྲའོ། །ཅིའི་ཕྱིར་ན་བྱང་ཆུབ་སེམས་དཔའ་གད་མོ་ཆེར་དགོད་ཅེ་ན། བྱང་ཆུབ་སེམས་དཔའ་ནི་གཡེམ་པའི་དགོད་པའམ་ཆེར་དགོད་པ་མེད་མོད་ཀྱི། བྱང་ཆུབ་སེམས་དཔའ་ནི་འདི་སྙམ་དུ་སེམས་ཏེ། སེམས་ཅན་འདི་དག་ནི་འདི་ཉིད་དུ་ང་དང་ལྷན
297b5 ཅིག་ཏུ་བྱང་ཆུབ་ཏུ་སེམས་བསྐྱེད་ན། ངས་བྱང་ཆུབ་ཐོབ་ཀྱང་འདི་དག་ལེ་ལོར་གྱུར་པས་ད་དུང་འཁོར་བ་སྟུག་པོར་ལས་ཏེ། ཀྱེ་མའོ་སེམས་ཅན་འདི་དག་ནི་ཐམས་ཅད་མཁྱེན་པར་འགྱུར་བའི་ཐར་པའི་ལམ་ལ་བརྩོན་འགྲུས་མི་རྩོམ་སྟེ། དེ་དག་ད་ལྟར་བདག་ལ་ཕྱག་འཚལ་ན།
297b6 དེ་དག་ཇི་ལྟར་ན་ཐམས་ཅད་མཁྱེན་པ་ཉིད་ལ་བརྩོན་འགྲུས་རྩོམ་པར་འགྱུར་ཞེས་སྙིང་རྗེ་ཆེན་པོ་བསྐྱེད་ནས་དམན་པ་དང་། བག་མེད་པའི་སེམས་ཅན་དང་། བདག་གིས་བསམ་པ་ཡོངས་སུ་རྫོགས་པར་ཤེས་ནས། བྱང་ཆུབ་སེམས་དཔའ་གད་མོ་ཆེར་དགོད་དོ། །ཅིའི་ཕྱིར་ན།
297b7 བྱང་ཆུབ་སེམས་དཔའ་དྲི་མ་མེད་བཞིན་དུ་ཁྲུས་བྱེད་ཅེ་ན། བརྒྱ་བྱིན་དང་ཚངས་པས་མཆོད་པའི་ལས་བྱས་པའི་ཕྱིར་ཏེ། བྱང་ཆུབ་སེམས་དཔའ་ནི་ངེས་པར་འཇིག་རྟེན་ཤེས་པའི་རྗེས་སུ་འཇུག་པར་བྱ་དགོས་སོ། །སྐྱེ་བ་མཐོང་ནས་བྱང་ཆུབ་སེམས་དཔའ་དྲི་མ་མེད་ཀྱང་ངེས་པར་ཁྲུས་བྱའོ།། །།
iiif viewer powered by OpenSeadragon
