| e-texts navigator |
| Wylie |
297a1 བཞིན་དུ་སྡུག་བསྔལ་བའི་ཚོར་བས་བྱང་ཆུབ་སེམས་དཔའ་བསྐྱེད་དོ་སྙམ་དུ་དེ་ལྟར་སེམས་པའི་སེམས་ཅན་དེ་དག་ལ་བདེ་བར་བསྟན་པའི་ཕྱིར། བྱང་ཆུབ་སེམས་དཔའི་མས་ཤིང་བླག་ཤའི་ཡལ་ག་ལ་འཇུས་ནས་ཤ་འཆུས་སུ་བྱས་ཏེ་བྱང་ཆུབ་སེམས་དཔའ་བསྐྱེད
297a2 དོ། །ཅིའི་ཕྱིར་ན་བྱང་ཆུབ་སེམས་དཔའ་སྐྱེ་གནས་དང་། ལུས་ཀྱི་ཕྱོགས་གཞན་ནས་མི་འབྱུང་བར་མའི་མངལ་བརྟོལ་ཏེ་དྲན་བཞིན་དུ་ཤེས་བཞིན་དུ་མངལ་གྱི་ལམ་ནས་བྱུང་ཞེ་ན། བྱང་ཆུབ་སེམས་དཔའ་ནི་གཙང་མར་སྤྱོད་ལ་འཇིག་རྟེན་གསུམ་པོ་ཐམས་ཅད་ཀྱི
297a3 མཆོག་ཡིན་པས། དེ་སྐྱེ་གནས་ལའང་མི་གནས་ཤིང་སྐྱེ་བ་བསྟན་དགོས་ལ། སེམས་ཅན་ཐ་མ་གཞན་དག་དང་ཡང་མི་འདྲ་སྟེ། དེ་བས་ན་བྱང་ཆུབ་སེམས་དཔའ་མའི་དཀུ་བརྟོལ་ནས་མངལ་གྱི་མལ་ནས་འབྱུང་ཞིང་སྐྱེས་མ་ཐག་ཏུ་དེའི་ཚེ་ན་གློ་ལ་རྨ་ཡང་མེད་དོ། །ཅིའི་ཕྱིར
297a4 ན་བྱང་ཆུབ་སེམས་དཔའ་སྐྱེས་མ་ཐག་ཏུ་བརྒྱ་བྱིན་ལྷའི་དབང་པོས་བླངས་ཀྱི་མིར་གྱུར་པ་གཞན་དག་གིས་མ་ཡིན་ཞེ་ན། བྱང་ཆུབ་སེམས་དཔའི་དགེ་བའི་རྩ་བ་ཤིན་ཏུ་འབར་བ་དང་བྱང་ཆུབ་སེམས་དཔའ་སྐྱེས་མ་ཐག་ཏུ་དེ་ལྟར་བརྒྱ་བྱིན་ལྷའི་དབང་པོས་བླངས་པར་ཤོག་ཤིག
297a5 ཅེས་སྨོན་ལམ་བཏབ་པའི་ཕྱིར་རོ། །ཅིའི་ཕྱིར་ན་བྱང་ཆུབ་སེམས་དཔའ་སྐྱེས་མ་ཐག་ཏུ་མ་བླངས་པར་གོམ་པ་བདུན་བོར་གྱི། དྲུག་དང་། བརྒྱད་མ་ཡིན་ཞེ་ན། རྫུ་འཕྲུལ་དང་། རྣམ་པར་འཕྲུལ་པ་དང་། སྐྱེས་བུ་དམ་པར་སྔོན་སུས་ཀྱང་མ་བསྟན
297a6 པ་བསྟན་དགོས་ལ་སེམས་ཅན་གང་དག་གི་དོན་དུ་གོམ་པ་བདུན་བོར་ཏེ་བྱ་བ་དེ་གོམ་པ་དྲུག་གིས་ཀྱང་མི་ནུས་ལ། གོམ་པ་བརྒྱད་བོར་ན་ཡང་ལྷག་པར་འགྱུར་བས་དེའི་ཕྱིར་བྱང་ཆུབ་སེམས་དཔའ་སྐྱེས་མ་ཐག་ཏུ་མ་བླངས་པར་གོམ་པ་བདུན་འདོར་གྱི། དྲུག་དང
297a7 བརྒྱད་མ་ཡིན་ནོ། །ཅིའི་ཕྱིར་ན་བྱང་ཆུབ་སེམས་དཔའ་གོམ་པ་བདུན་བོར་ནས་ང་ནི་འཇིག་རྟེན་ན་གཙོ་བོ་ཡིན་ཏེ། སྐྱེ་བ་དང་། རྒ་བ་དང་། འཆི་བ་མཐར་བྱའོ་ཞེས་པ་ཚིག་ཏུ་སྨྲ་ཞེ་ན། འཁོར་དེ་ན་ཚངས་པ་དང་ལྷ་མཐུ་ཆེ་བ་དག་ལྷགས་ཤིང་འཁོད་དེ་ང་རྒྱལ་ཅན
iiif viewer powered by OpenSeadragon
