| e-texts navigator |
| Wylie |
295a1 ནི་ཉན་ཐོས་དང་། རང་སངས་རྒྱས་ཀྱི་ས་ལ་མི་འཚལ་བས་ཐམས་ཅད་མཁྱེན་པའི་ཡེ་ཤེས་ཀྱི་ཚིག་ལགས་སོ། །ཇི་ལྟ་ཇི་ལྟར་གྲོང་ཁྱེར་མཐོང་བ་དེ་ལྟ་དེ་ལྟར་འཇིགས་པ་མ་མཆིས་པར་འགྱུར་ཞེས་བགྱི་བ་ནི་དེ་ལྟར་ཇི་ལྟ་ཇི་ལྟར་སངས་རྒྱས་ཀྱི་ཡོན་ཏན
295a2 མཐོང་ཞིང་སངས་རྒྱས་ཀྱི་སྤྱོད་པ་དང་། ཡེ་ཤེས་ལ་རྟོག་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དང་ཐབས་མཁས་པ་ལ་བསླབས་པ་དེ་ལྟ་དེ་ལྟར་སེམས་ཅན་རྣམས་ལ་མི་འཇིགས་ཤིང་ཐེ་ཚོམ་མ་མཆིས་པ་ལ་བགྱིའོ། །གྲོང་ཁྱེར་དུ་ཕྱིན་ནས་སེམས་ཅན་དཔག་ཏུ་མ་མཆིས
295a3 པའི་དོན་བགྱིད་ཅེས་བགྱི་བ་ནི་དེ་བཞིན་གཤེགས་པའི་ཚིག་ལགས་སོ། །བཅོམ་ལྡན་འདས་བྱང་ཆུབ་སེམས་དཔའ་ནི་ཡེ་ཤེས་དང་ལྡན་པ་ལགས་ཏེ། བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ཕྱག་འཚལ་ལོ། །དེ་ནས་བཅོམ་ལྡན་འདས
295a4 ཀྱིས་ཚེ་དང་ལྡན་པ་འོད་སྲུང་ཆེན་པོ་ལ་ལེགས་སོ་ཞེས་བྱ་བ་བྱིན་ཏེ། འོད་སྲུང་ལེགས་སོ་ལེགས་སོ། །འོད་སྲུང་ཁྱོད་ཀྱིས་འདིར་དཔེ་བཤད་པས། ལྷ་དང་མིའི་སྐྱེ་དགུ་སྲོག་ཆགས་ཁྲི་ཉིས་སྟོང་གིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །འོད
295a5 སྲུང་བྱང་ཆུབ་སེམས་དཔའ་ཐབས་མཁས་པ་ལ་གནས་པ་ནི་ཡོན་ཏན་དཔག་ཏུ་མེད་པ་དང་ལྡན་པ་ཡིན་ཏེ། འོད་སྲུང་བྱང་ཆུབ་སེམས་དཔའ་ནི་གང་བདག་ལ་གནོད་པར་འགྱུར་བ་དང་། གཞན་ལ་གནོད་པར་འགྱུར་བའི་ལས་དེ་ལྟ་བུ་མི་བྱེད་དོ། །དེ་སྐད་ཅེས་བཀའ་སྩལ་པ་དང་།
295a6 བཅོམ་ལྡན་འདས་ལ་བྱང་ཆུབ་སེམས་དཔའ་ཡེ་ཤེས་བླས་འདི་སྐད་ཅེས་གསོལ་ཏོ། །བཅོམ་ལྡན་འདས་འོ་ན་ཇི་ལྟར་ན་བྱང་ཆུབ་སེམས་དཔའ་སྐྱེ་བ་གཅིག་གིས་ཐོགས་པས་དེ་བཞིན་གཤེགས་པ་འོད་སྲུང་གི་གསུང་རབ་ལས་མགོ་རེག་འདི་མཐོང་བས་ཆོག་གོ། །དགེ་སྦྱོང་མགོ
295a7 རེག་འདི་ལ་བྱང་ཆུབ་ག་ལ་ཡོད། བྱང་ཆུབ་ནི་ཤིན་ཏུ་དཀོན་པའོ་ཞེས་ཚིག་སྨྲས་པར་འགྱུར། བཅོམ་ལྡན་འདས་དེ་སྐད་ཅེས་སྨྲས་པའི་དོན་གང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་སེམས་དཔའ་ཡེ་ཤེས་བླ་ལ་འདི་སྐད་ཅེས་བཀའ་སྩལ་ཏོ། །
iiif viewer powered by OpenSeadragon
