| e-texts navigator |
| Wylie |
294b1 ལྟ་བུ་སོ་སོའི་སྐྱེ་བོ་ཐམས་ཅད་དུ་བལྟ་བར་བགྱིའོ། །ཆབ་སྒོ་གཅིག་ཅེས་བགྱི་བ་ནི་དེ་ལྟར་ཐེག་པ་གཅིག་གི་ལམ་དུ་བལྟ་བར་བགྱིའོ། །སྐྱེས་བུ་མཁས་པ་ཞེས་བགྱི་བ་ནི་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོར་བལྟ་བར་བགྱིའོ། །སེམས་ཅན་དམན་པ་ལ་དད
294b2 པ་འབྱུང་བའི་བསམ་པ་མཆིས་པ་གནས་དེ་ནས་ཀྱང་མི་འཕགས་ལ། གྲོང་ཁྱེར་གྱི་ཡོན་ཏན་ཀྱང་འཚལ་ཞེས་བགྱི་བ་ནི་ཉན་ཐོས་དང་། རང་སངས་རྒྱས་སུ་བལྟ་བར་བགྱིའོ། །གཞན་དག་བདག་ཅག་ཀྱང་མཆི་སྟེ། ཁྱོད་ཅི་འདྲ་བ་བདག་ཅག་ཀྱང་དེ་དང་འདྲའོ་ཞེས་མཆི་བ་ནི་དེ
294b3 ལྟར་བྱང་ཆུབ་སེམས་དཔའ་དག་ཏུ་བལྟ་བར་བགྱིའོ། །སྒྲ་ཐོས་ཀྱང་ཡིད་ཆེས་པར་མ་གྱུར་ཅེས་བགྱི་བ་ནི་དེ་ལྟར་མུ་སྟེགས་ཅན་གཞན་དག་ཏུ་བལྟ་བར་བགྱིའོ། །འབྲོག་དགོན་པ་ནས་འབྱུང་བ་ཞེས་བགྱི་བ་ནི་དེ་ལྟར་ཐམས་ཅད་མཁྱེན་པར་བསྔོས་པའི་བརྩོན་འགྲུས་སུ
294b4 བལྟ་བར་བགྱིའོ། །ཤུལ་མཐོ་གང་ཙམ་ཞེས་བགྱི་བ་ནི་དེ་ལྟར་ཆོས་ཀྱི་དབྱིངས་སུ་བལྟ་བར་བགྱིའོ། །གཡས་ཕྱོགས་ན་གཡང་ས་ཁྲུ་འབུམ་མཆིས་ཞེས་བགྱི་བ་ནི་དེ་ལྟར་ཉན་ཐོས་ཀྱི་སར་བལྟ་བར་བགྱིའོ། །གཡོན་ཕྱོགས་ན་གཡང་ས་ཁྲུ་འབུམ་མཆིས་ཞེས་བགྱི་བ་ནི
294b5 དེ་ལྟར་རང་སངས་རྒྱས་ཀྱི་སར་བལྟ་བར་བགྱིའོ། །གཡས་གཡོན་གྱི་ཕྱོགས་སུ་བརྩིག་པའི་རྟེན་བཅས་ཞེས་བགྱི་བ་ནི། དེ་ལྟར་ཐབས་མཁས་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་དང་ལྡན་པའི་བརྩོན་འགྲུས་སུ་བལྟ་བར་བགྱིའོ། །གྲཝ་བཞིས་མཆི་བར་བགྱིད་ཅེས་བགྱི་བ་ནི་བསྡུ
294b6 བའི་དངོས་པོ་བཞིས་སེམས་ཅན་གྲངས་མ་མཆིས་དཔག་ཏུ་མ་མཆིས་པ་རྣམས་སྡུད་པ་ལ་བགྱིའོ། །རྒྱབ་ལོགས་ནས་དགྲའི་མི་དག་འཇིགས་པ་སྟོན་ཅེས་བགྱི་བ་ནི་དེ་ལྟར་བདུད་དང་། བདུད་ཀྱི་རིས་ཀྱི་ལྷ་རྣམས་སུ་བལྟ་བར་བགྱིའོ། །དེ་བཞིན་དུ་གང་སེམས་ཅན་མ་རུངས་པ་བྱང
294b7 ཆུབ་སེམས་དཔའ་རྣམས་ལ་དཔྱལ་བར་བགྱིད། བསྟིང་བར་བགྱིད་དམོད་པར་བགྱིད་པ་གཞན་དག་ལ་ཡང་བལྟ་བར་བགྱིའོ། །ཁ་ཕྱིར་མི་བལྟ་ཞེས་བྱ་བ་ནི་བཟོད་པའི་ཕ་རོལ་ཏུ་ཕྱིན་པ་དང་བསམ་པ་ལྷག་པའི་ཚིག་ལགས་སོ། །གཡས་གཡོན་དུ་མི་བལྟ་ཞེས་བགྱི་བ
iiif viewer powered by OpenSeadragon
