| e-texts navigator |
| Wylie |
294a1 བདེ་བར་འཚལ་བ་གཅིག་ཅིག་སྐྱེས་ལ་དེས་འབྲོག་དགོན་པ་དེར་སེམས་ཅན་དེ་དག་ལ་འབྲོག་དགོན་པ་འདི་ནས་ཤིན་ཏུ་རྒྱང་མི་རིང་བ་ཞིག་ན་གྲོང་ཁྱེར་ཞིག་ཡོད་དེ། དེར་སུ་འགྲོ་བ་དེ་ནི་རྒ་བ་དང་འཆི་བར་མི་འགྱུར་གྱིས། ཀྱེ་སེམས་ཅན་དག་ཚུར་ཤེག་གྲོང་ཁྱེར་ཆེན
294a2 པོ་དེར་འདོང་ངོ་། །ངས་ནི་ཁྱེད་ཡོངས་སུ་དྲང་ངོ་ཞེས་དེ་སྐད་སྒྲ་བསྒྲགས། དབྱངས་ཀྱིས་བསྙད་པ་དང་། དེ་ན་གང་དམན་པ་ལ་མོས་ཤིང་འབྱུང་བའི་བསམ་པ་མཆིས་པ་དེ་དག་ནི་བདག་ཅག་བསྟན་པ་དེ་དང་། ཡུལ་དེར་མཆི་ཡང་འཚལ་ན་འདི་ནས་ཀྱང་མི་འཕགས་ལ
294a3 གང་གྲོང་ཁྱེར་དེ་ན་ཡོན་ཏན་མཆིས་པ་དེ་དག་ཀྱང་འདི་ན་མཆིས་བཞིན་དུ་འབྱུང་བར་གྱུར་ཅིག་ཅེས་མཆིའོ། །གང་ཆེན་པོ་ལ་མོས་པ་དེ་དག་ནི་བདག་ཀྱང་མཆི་སྟེ། ཁྱོད་ཇི་ལྟ་བ་བདག་ཅག་ཀྱང་དེ་འདྲའོ་ཞེས་དེ་སྐད་མཆིའོ། །གང་བསོད་ནམས་ཆུང་བ་དེ་དག་ནི་སྒྲ་དེ་ཐོས་པ་དང་།
294a4 ཐོས་ནས་ཡིད་ཆེས་པར་མི་བགྱིད་དོ། །དེ་ནས་སྐྱེས་བུ་མཁས་པ་དེ་འབྲོག་དགོན་པ་དེ་ནས་བྱུང་ནས་ལམ་དེ་མཐོང་ངོ་། །དེས་ཤུལ་མཐོ་གང་ཙམ་པོ་དེ་མཐོང་ནས་སོང་བ་དང་ལམ་གྱི་གཡས་ཕྱོགས་ན་གཡངས་ཁྲུ་འབུམ་དང་། གཡོན་ཕྱོགས་ན་གཡང་ས་ཁྲུ་འབུམ་མཆིས
294a5 ནས། དེའི་ལམ་གཡས་གཡོན་དུ་དེས་བརྩིག་པའི་རྟེན་བཅས་ཏེ། གྲཝ་བཞིས་ཤུལ་དེ་རྒལ་བར་བགྱིད་ཅིང་གཡས་སུའང་མི་བལྟ། གཡོན་དུའང་མི་བལྟ། དེའི་རྒྱབ་ནས་དགྲ་རྣམས་སྒྲ་སྒྲོག་ཅིང་འཇིགས་པར་སྟོན་ཀྱང་དེ་ཁ་ཕྱིར་ཡང་མི་བལྟ་སྟེ། ལམ་དུ་ཞུགས་པ
294a6 དང་། ཇི་ལྟ་ཇི་ལྟར་མཆི་བ་དེ་ལྟ་དེ་ལྟར་གྲོང་ཁྱེར་ཆེན་པོ་མཐོང་ངོ་དེ་ལྟ་དེ་ལྟར་དེའི་འཇིགས་པ་ཐམས་ཅད་ཀྱང་མ་མཆིས་སོ། །གྲོང་ཁྱེར་ཆེན་པོ་དེར་ཕྱིན་ནས་སེམས་ཅན་དཔག་ཏུ་མ་མཆིས་པ་རྣམས་ཀྱི་དོན་ཡང་བགྱིད་དོ། །བཅོམ་ལྡན་འདས་འབྲོག་དགོན་པ་ཞེས་བགྱི་བ
294a7 ནི་དེ་ལྟར་འཁོར་བའི་འབྲོག་དགོན་པར་བལྟ་བར་བགྱིའོ། །བརྩིག་པ་འཁོར་བའི་རྩེ་མོའི་བར་དུ་ཕྱིན་པ་ཞེས་བགྱི་བ་ནི་དེ་ལྟར་མ་རིག་པ་དང་། སྲེད་པ་དང་སྲིད་པར་བལྟ་བར་བགྱིའོ། །སྲོག་ཆགས་བརྒྱ་སྟོང་མང་པོ་འབྲོག་དགོན་པ་དེ་ན་མཆིས་ཞེས་བགྱི་བ་ནི་དེ་ལྟར་བྱིས་པ
iiif viewer powered by OpenSeadragon
