| e-texts navigator |
| Wylie |
293a1 ལུས་སྤངས་སྐྱེས་པར་གྱུར་པ་ནི། །གཅིག་དང་གཉིས་དང་གསུམ་ནི་མ་ཡིན་གྱི། །བྱེ་བ་ཁྲག་ཁྲིག་སྟོང་ཕྲག་མང་པོ་སྟེ། །རྩི་ཡི་རྒྱལ་པོ་གྲགས་པ་ཆེན་པོ་ཡི། །བྱང་ཆུབ་དེ་ལ་ཞེ་སྡང་སུ་ཞིག་སྐྱེད། །ཉོན་མོངས་ལས་ཀྱང་བདེ་བ་སྦྱིན་བྱེད་ན། །
293a2 དེ་ལ་བཀུར་སྟི་བྱེད་པ་སྨོས་ཅི་དགོས། །དེ་ནས་བཅོམ་ལྡན་འདས་ལ་ཚེ་དང་ལྡན་པ་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་འདི་ལྟ་སྟེ་དཔེར་ན། རིའི་རྒྱལ་པོ་རི་རབ་ལྷུན་པོའི་དྲུང་དུ་གང་སེམས་དད་ཀྱང་རུང་། སེམས
293a3 ཞེ་སྡང་ཡང་རུང་། སེམས་ཆགས་པ་ཡང་རུང་། ཆོས་ལ་བར་ཆད་བགྱིད་པའི་སེམས་ཀྱང་རུང་སྟེ། མཆི་ན་དེ་ཐམས་ཅད་ཁ་དོག་གཅིག་ཏུ་འགྱུར་བ་ནི་འདི་ལྟ་སྟེ། གསེར་གྱི་ཁ་དོག་གོ། །བཅོམ་ལྡན་འདས་དེ་བཞིན་དུ་གང་སུ་ཡང་རུང་། བྱང་ཆུབ་སེམས་དཔའི་དྲུང་དུ་སེམས་དད་དམ།
293a4 སེམས་ཞེ་སྡང་ངམ། སེམས་ཆགས་པའམ། ཆོས་ལ་བར་ཆད་བགྱིད་པའི་སེམས་ཀྱང་རུང་སྟེ། མཆི་ན་དེ་དག་ཐམས་ཅད་ཁ་དོག་གཅིག་ཏུ་འགྱུར་བ་ནི་འདི་ལྟ་སྟེ། ཐམས་ཅད་མཁྱེན་པ་ཉིད་ཀྱི་སེམས་ཀྱི་ཁ་དོག་གོ། །བཅོམ་ལྡན་འདས་བདག་ནི་དེ
293a5 རིང་ཕན་ཆད་བྱང་ཆུབ་སེམས་དཔའ་རྣམས་ལ་རི་རབ་ལྷུན་པོ་དང་འདྲ་བར་འཛིན་ཏོ། །བཅོམ་ལྡན་འདས་འདི་ལྟ་སྟེ་དཔེར་ན་སྨན་གྱི་རྣམ་པ་བལྟ་ན་བཟང་བ་ལ་སེམས་ཅན་སུ་ཡང་རུང་སྟེ། ནད་རྣམ་པ་སྣ་ཚོགས་ཀྱི་ཉོན་མོངས་པ་རྣམས་ཀྱིས་བལྟས་ན་ནད་དེ་དག་ཐམས
293a6 ཅད་རབ་ཏུ་ཞི་བར་འགྱུར་རོ། །བཅོམ་ལྡན་འདས་དེ་བཞིན་དུ་གང་སུ་ཡང་རུང་སྟེ། སེམས་དད་པའམ། སེམས་ཞེ་སྡང་བའམ། སེམས་ཆགས་པས་བྱང་ཆུབ་སེམས་དཔའ་ལ་བལྟས་ན་དེ་དག་ཐམས་ཅད་ཀྱི་འདོད་ཆགས་དང་། ཞེ་སྡང་དང་གཏི་མུག་གི
293a7 ནད་རྣམས་རབ་ཏུ་ཞི་བར་འགྱུར་རོ། །དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་དགའ་བོ་ལ་ལེགས་སོ་ཞེས་བྱ་བ་བྱིན་ནས། དགའ་བོ་དེ་དེ་བཞིན་ནོ་དགའ་བོ་ཇི་སྐད་སྨྲས་པ་དེ་བཞིན་ནོ་ཞེས་གསུངས་སོ། །དེ་ནས་བཅོམ་ལྡན་འདས་ལ་ཚེ་དང་ལྡན་པ་འོད
iiif viewer powered by OpenSeadragon
