| e-texts navigator |
| Wylie |
284b1 མཁྱེན་པ་ཉིད་དུ་སྔོ་བར་བྱེད་དོ། །གང་ཡང་ཕྱོགས་བཅུ་ན་སེམས་ཅན་སྡུག་བསྔལ་བའི་ཚོར་བ་མྱོང་བ་དེ་ཐམས་ཅད་ནི་འཆགས་སུ་འཇུག་སྟེ། གང་སེམས་ཅན་དེ་དག་གི་སྡུག་བསྔལ་ནི་བདག་ལ་ཤོག་ཤིག་དེ་དག་ནི་བདེ་བར་གྱུར་ཅིག་ཅེས་དེ་ལྟ་བུའི་གོ་ཆ་གྱོན་ཞིང་དགེ་བའི་རྩ་བ་དེ་ཡང་བྱང་ཆུབ་ཏུ
284b2 སྔོ་བར་བྱེད་དོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ཐབས་མཁས་པ་ནི་དེ་བཞིན་གཤེགས་པ་གཅིག་ལ་ཕྱག་འཚལ་ན་དེ་བཞིན་གཤེགས་པ་ཐམས་ཅད་ལ་ཕྱག་འཚལ་བ་དེ་ལྟར་འཛིན་ཏེ། དེ་ནི་འདི་ལྟར་སློབ་བོ། །སངས་རྒྱས་ཐམས་ཅད་ཀྱི་ཆོས་ཀྱི་དབྱིངས་གཅིག་གོ། །
284b3 ཚུལ་ཁྲིམས་གཅིག་གོ། །ཏིང་ངེ་འཛིན་གཅིག་གོ། །ཤེས་རབ་གཅིག་གོ། །དགོངས་པ་གཅིག་གོ། །རྣམ་པར་གྲོལ་བ་གཅིག་གོ། །རྣམ་པར་གྲོལ་བའི་ཡེ་ཤེས་མཐོང་བ་གཅིག་གོ་ཞེས་དེ་ལྟར་སློབ་ཅིང་དེ་ལྟར་དེ་བཞིན་གཤེགས་པ་གཅིག་ལ་ཕྱག་འཚལ་ན་དེ་བཞིན་གཤེགས་པ་ཐམས
284b4 ཅད་ལ་ཕྱག་འཚལ་བར་འཛིན་ཏོ། །དེ་ཐབས་མཁས་པ་དེ་སངས་རྒྱས་གཅིག་ལ་བཀུར་སྟིར་བྱས་ནས། སངས་རྒྱས་ཐམས་ཅད་ལ་བཀུར་སྟིར་བྱེད་དེ། ཕྱོགས་བཅུའི་སངས་རྒྱས་དེ་དག་ལ་མཆོད་པར་འགྱུར་བ་ཇི་སྙེད་ཡོད་པ་དེ་དག་ཐམས་ཅད་ཀྱང་ཡོངས་སུ་ལེན་ཏོ། །རིགས་ཀྱི་བུ
284b5 གཞན་ཡང་བྱང་ཆུབ་སེམས་དཔའ་ཐབས་མཁས་པ་ནི་ནམ་ཞིག་ཤེས་རབ་རྨོངས་པ་ཅན་དུ་རེད་ན་ཡང་དེ་ནི་བདག་ལ་ཡི་མི་གསོད་ཀྱི་གཟེངས་སྟོད་པར་བྱེད་དོ། །ཆུང་ངུ་ན་རྩ་བ་བཞི་པའི་ཚིགས་སུ་བཅད་པ་གཅིག་ཁ་ཏོན་དུ་འདོན་ན་ཡང་རྩ་བ་བཞི་པའི་ཚིགས་སུ་བཅད་པ་གཅིག་གི་དོན་གང
284b6 ཡ་ཨིན་པ་གསུང་རབ་ཏུ་གཏོགས་པ་ཐམས་ཅད་ཀྱི་དོན་ཡང་དེ་ཡིན་ནོ་ཞེས་དེ་དེ་ལྟར་སློབ་ཅིང་དེས་ཚིགས་སུ་བཅད་པ་དེ་ཁ་ཏོན་དུ་བྱས་ནས་སེམས་ཅན་གང་ཇི་སྙེད་དག་གིས་བདག་གི་རྩ་བ་བཞི་པའི་ཚིགས་སུ་བཅད་པ་འདི་ཐོས་པ་དེ་ཐམས་ཅད་སངས་རྒྱས་ཀྱི་སྤོབས་པ་ཐོབ་པར་ཤོག་ཤིག་ཅེས་དེ
284b7 ལྟར་མ་ཞུམ་པའི་སེམས་ཀྱིས་སྨོན་ལམ་འདེབས་ཏེ། དེ་དགེ་བའི་རྩ་བ་དེས་སེམས་ཅན་ཐམས་ཅད་ཀྱི་ཐོས་པ་མཐའ་མེད་པ་དཔེ་མེད་པ་ཟིལ་གྱིས་གནོན་ཅིང་སངས་རྒྱས་ཀྱི་སྤོབས་པ་ཡང་ལེན་པར་བྱེད་དོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་ཐབས་མཁས་པ་ནི་ནམ་ཞིག་གལ
iiif viewer powered by OpenSeadragon
