| e-texts navigator |
| Wylie |
280b1 སྟེ། ཨི་ནཱི་ལ་ཛ། བི་ཥན་དུ་ཥ་ཛ། བི་ཡ་བ་ན་ཛ། བི་བཀྵི་ས་མེ། པཱ་ཤ་ལ་ཛ་སི། སྠཱ་ན་ཤ་ར་བེ། ཤསྟྲ་ཀརྞྞེ། ཧུ་མ་ཧུ་མ། མ་ཧཱ་ཀཱ་རུ་ཎི་ཀ་སྭཱ་ཧཱ། གང་རྒྱ་མཚོ་ཆེན་པོར་འཇུག་འདོད་པ་དང་། གང་ཁུང་དུ་འཇུག་འདོད་པ་དང་། གང་བཅུད་དམ་པ་སྤྱོད་པར་འདོད་པར་གྱུར་པ་དང་།
280b2 གང་བཙོན་རར་བཅུག་པ་དང་། གང་མཛའ་བ་དང་བྲལ་བ་དང་། གང་མི་མཛའ་བ་དང་ཕྲད་པ་དང་། གང་དག་མེས་འཇིགས་པ་དང་། ཆུ་དང་། མཚོན་དང་། དུག་དང་། བྱད་སྟེམས་དང་། སྟག་དང་། སེང་གེ་དང་། དུག་དྲག་པོ་དང་། རྐུན་པོ་དང་། གཡོན་ཅན་གྱིས་འཇིགས་པར་འགྱུར
280b3 བ་དང་། གང་དམ་དུ་བཅིངས་པ་དང་། གང་ཆད་པས་བཅད་པ་དང་། གང་གསད་པ་ལ་ཐུག་པ་དང་། གང་ནད་ཀྱིས་བཏབ་པ་དང་། ནད་ཀྱིས་འཇིགས་པ་དང་། གང་དག་ཆོས་གོས་དང་། བསོད་སྙོམས་དང་། མལ་ཆ་དང་། སྟན་དང་། ན་བའི་གསོས་སྨན་དང་། ཡོ་བྱད་ཀྱིས
280b4 ཕོངས་པ་དེ་དག་གལ་ཏེ་བྱང་ཆུབ་སེམས་དཔའ་ནམ་མཁའི་སྙིང་པོའི་མིང་ནས་བརྗོད་ཅིང་། མཆོད་པ་ཅི་ནུས་ཀྱིས་བྱེད་ལ་སེམས་ཅན་ཐམས་ཅད་ལ་བྱམས་པའི་སེམས་ཀྱིས་གཞོག་ཅིང་འདི་སྐད་དུ་ཡང་སྨྲ་སྟེ། དགོངས་ཤིག་དགོངས་ཤིག་།ཐུགས་རྗེ་ཆེན་པོ་དང་ལྡན་པ་གྲགས་པ
280b5 ཆེན་པོ་ནམ་མཁའི་སྙིང་པོ་འགྲོ་བའི་དོན་བཞེད་པ། ཐུགས་རྗེ་ཆེན་པོ་དང་ལྡན་པ་བདག་ལ་གཟིགས་ཤིག་།བདག་འདི་ལྟ་བུ་ལས་རབ་ཏུ་ཐར་པར་མཛོད་ཅིག་།སྐལ་བ་སྩོལ་ཅིག་།མཐུ་ཆེན་པོ་བདག་ནི་སྡུག་བསྔལ་གྱིས་ཉམ་ཐག་གོ། །ཤིན་ཏུ་དབུལ་ལོ། །བདག་ནི་ཁྱོད་ལ
280b6 བརྟེན་ནས་ཞི་བ་དང་བདེ་བ། ཚེ་འདི་དང་ཚེ་རབས་གཞན་དུ་ཐོབ་པར་འགྱུར་རོ། །ཞེས་སྨྲས་པ་དང་། བྱང་ཆུབ་སེམས་དཔའ་ནམ་མཁའི་སྙིང་པོ་གཟུགས་ཐ་མལ་པ་ནས་བུ་མོའི་གཟུགས་ཀྱི་བར་གྱིས་སེམས་ཅན་དེ་དག་གི་མདུན་དུ་འདུག་སྟེ། དབུགས་འབྱིན་པར་བྱེད་དོ། །གང་དག
280b7 ཅི་ལས་འཇིགས་པ་དེ་དག་དེ་ལས་རབ་ཏུ་ཐར་བར་བྱེད་དོ། །གང་དག་དབུལ་བ་གོས་མེད་པ་ནས་གང་དག་ཡོ་བྱད་ཀྱིས་བྲེལ་བ་དག་གི་བར་དུ་དེ་དག་ལ་དེ་ལྟ་དེ་ལྟར་བསམ་པ་ཡོངས་སུ་རྫོགས་པར་བྱེད་དོ། །ཡོ་བྱད་ཐམས་ཅད་ཕུན་སུམ་ཚོགས་པའི་བར་དུ་འགྱུར་རོ། །རྒྱལ་པོའི་བུ་ལ་ལ
iiif viewer powered by OpenSeadragon
