| e-texts navigator |
| Wylie |
243b1 ཁྲི་དགེ་བའི་རྩ་བ་ཡང་དག་པར་བསྒྲུབ་པ་བས། གང་ཞིག་དེར་སྔ་དྲོ་གཅིག་གིས་དེ་ནི་དེ་བས་ཆེས་བསོད་ནམས་མང་དུ་ཡང་དག་པར་སྒྲུབ་བོ། །དེ་ཅིའི་ཕྱིར་ཞེ་ན། འཇིག་རྟེན་གྱི་ཁམས་དེ་ཙམ་དུ་ཀུན་ནས་ཉོན་མོངས་པ་ཅན་དུ་གྱུར་པའི་ཕྱིར་རོ། །གསོལ་པ་བཅོམ་ལྡན་འདས
243b2 འཇིག་རྟེན་གྱི་ཁམས་དེ་ཇི་ཙམ་དུ་ཀུན་ནས་ཉོན་མོངས་པ་ཅན་དུ་གྱུར་པ་ལགས། བཀའ་སྩལ་པ། རིགས་ཀྱི་བུ་འཇིག་རྟེན་གྱི་ཁམས་དེའི་ཀུན་ནས་ཉོན་མོངས་པར་གྱུར་པ་ཇི་ཙམ་པ། འཇིག་རྟེན་གྱི་ཁམས་དེའི་ཀུན་ནས་ཉོན་མོངས་པ་མཉན་ན། ཁྱོད་ཀྱི་ཚེའི་ཚད་ཟད་པར
243b3 འགྱུར་རོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྒྲ་སྙན་གྱིས་དེའི་ཚེ་རིན་པོ་ཆེ་སྣ་བདུན་གྱི་པད་མ་དག་བླངས་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་ག་ལ་བ་དེ་ལོགས་སུ་གཏོར་ཏོ། །གཏོར
243b4 ནས་ཀྱང་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་བལྟའོ་ཞེས་ཚིག་ཏུ་ཡང་དང་ཡང་སྨྲས་སོ། །བཀའ་སྩལ་པ། རིགས་ཀྱི་བུ་ཁྱོད་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་མཐོང་བར་འདོད་དམ། གསོལ
243b5 པ་བཅོམ་ལྡན་འདས་མཐོང་བར་འཚལ་ལགས་སོ། །བཀའ་སྩལ་པ། འཇམ་དཔལ་གཞོན་ནུར་གྱུར་པ་འདི་དང་ལྷན་ཅིག་སོང་ཤིག་།དེ་ནས་བྱང་ཆུབ་སེམས་དཔའ་སྒྲ་སྙན་གྱིས་འཇམ་དཔལ་གཞོན་ནུར་གྱུར་པ་ལ་འདི་སྐད་ཅེས་སྨྲས་སོ། །འཇམ་དཔལ་བདག་གིས་དེ་བཞིན
243b6 གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་བལྟའོ། །སྨྲས་པ། རིགས་ཀྱི་བུ་རེ་ཞིག་ཁོ་བོས་ཕྱག་བྱ་བ་དང་། བསྙེན་བཀུར་བྱ་བའི་སངས་རྒྱས་བཅོམ་ལྡན་འདས་མང་ངོ་། །སྨྲས་པ། ཁོ་བོ་ཡང་ཁྱོད་དང་ལྷན་ཅིག་ཏུ་ཕྱག་བྱའོ། །བསྙེན་བཀུར་དུ
243b7 བྱའོ། །དེ་ནས་འཇམ་དཔལ་གཞོན་ནུར་གྱུར་པས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་འོད་ཟེར་གྱིས་ཁྱབ་པའི་པད་མ་རབ་ཏུ་རྒྱས་པའི་སྐུ་ལ་ཕྱག་འཚལ་ཏེ། ལན་གསུམ་བསྐོར་བ་བྱས་ནས་འདི་ལྟ་སྟེ་དཔེར་ན་སྐྱེས་བུ་སྟོབས་དང་ལྡན་པས
iiif viewer powered by OpenSeadragon
