| e-texts navigator |
| Wylie |
242a1 གནས་ཁང་ནས་བྱུང་སྟེ། འཇམ་དཔལ་གཞོན་ནུར་གྱུར་པའི་གནས་ཁང་ག་ལ་བ་དེར་སོང་ངོ་། །དེ་ནས་ཚེ་དང་ལྡན་པ་ཤཱ་རིའི་བུས་འཇམ་དཔལ་གཞོན་ནུར་གྱུར་པའི་གནས་ཁང་དུ་འཇུག་པར་བསམས་པ་དང་། བཅོམ་ལྡན་འདས་ཀྱི་བཞུགས་ཁང་གི་ཁོར་ཡུག་ནས་པད་མ
242a2 ཁྲི་བྱུང་བ་མཐོང་ཞིང་གླུའི་སྒྲ་ཆེན་པོ་ཡང་ཐོས་སོ། །པད་མ་དེ་དག་ལས་ཀྱང་འོད་བྱུང་བ་མཐོང་ངོ་། །འོད་དེས་ཀྱང་རྒྱལ་བུ་རྒྱལ་བྱེད་ཀྱི་ཚལ་ཐམས་ཅད་སྣང་བར་བྱེད་པ་མཐོང་ངོ་། །མཉན་དུ་ཡོད་པའི་གྲོང་ཁྱེར་ཆེན་པོ་ཐམས་ཅད་དང་། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས
242a3 ཐམས་ཅད་ཀྱང་སྣང་བར་གྱུར་པར་མཐོང་ངོ་། །དེ་ནས་ཚེ་དང་ལྡན་པ་ཤཱ་རིའི་བུས་འཇམ་དཔལ་གཞོན་ནུར་གྱུར་པའི་གནས་ཁང་དུ་མི་འགྲོ་བར་བསམས་པ་དང་། ཞུགས་པར་གྱུར་ཅིང་བདག་ཉིད་འཇམ་དཔལ་གཞོན་ནུར་གྱུར་པའི་མདུན་ན་འདུག་པར་ཤེས་ཏེ། དེས་འཇམ་དཔལ་གཞོན
242a4 ནུར་གྱུར་པ་སྐྱིལ་མོ་ཀྲུང་བཅས་ཤིང་འདུག་པར་མཐོང་ངོ་། །མཐོང་ནས་ཀྱང་སེ་གོལ་གཏོགས་ན་མ་ལངས་སོ། །དེ་ནས་ལུད་པའི་སྒྲ་ཕྱུང་ན་ཡང་མ་ལངས་ཏེ། དེས་འཇམ་དཔལ་གཞོན་ནུར་གྱུར་པའི་ཆོ་འཕྲུལ་མཐོང་ནས། བདག་རྒྱ་མཚོ་ཆེན་པོའི་ནང་ན་གནས་པ་སྙམ་དུ་ཤེས་ཤིང
242a5 འཇམ་དཔལ་གཞོན་ནུར་གྱུར་པ་སྐྱིལ་མོ་ཀྲུང་བཅས་ཏེ། འདུག་ནས་གནས་ཁང་དང་བཅས་ཏེ། ཤར་ཕྱོགས་སུ་འགྲོ་བ་མཐོང་ངོ་། །དེ་ནས་ཚེ་དང་ལྡན་པ་ཤཱ་རིའི་བུ་འཇམ་དཔལ་གཞོན་ནུར་གྱུར་པའི་མདུན་དུ་སྐྱིལ་མོ་ཀྲུང་བཅས་ཏེ། འཇམ་དཔལ་གཞོན་ནུར་གྱུར་པ་ལ་མིག་མི་འཛུམས
242a6 པར་ལྟ་ཞིང་འདུག་པ་དང་། དེས་འཇམ་དཔལ་གཞོན་ནུར་གྱུར་པ་ཤར་ཕྱོགས་སུ་གང་གཱའི་ཀླུང་གི་བྱེ་མ་སྙེད་ཀྱི་འཇིག་རྟེན་གྱི་ཁམས་ལས་འདས་ཏེ། འཇིག་རྟེན་གྱི་ཁམས་ཕྱིར་མི་ལྡོག་པའི་དབྱིངས་ཞེས་བྱ་བར་ཕྱིན་པར་མཐོང་ངོ་། །དེ་ནས་དེ་བཞིན་གཤེགས་པ་འོད་ཟེར་གྱིས་ཁེབས
242a7 པའི་པད་མ་རབ་ཏུ་རྒྱས་པའི་སྐུ་ཞེས་བྱ་བ་མཐོང་སྟེ། དེ་བཞིན་གཤེགས་པ་དེའི་སྤུའི་ཁུང་བུ་རྣམས་ནས་པད་མ་དག་བྱུང་སྟེ་པད་མ་དེ་དག་གིས་དཔག་ཚད་ཁྲིར་ཁྱབ་པ་མཐོང་ངོ་། །པད་མ་དེ་དག་ཀྱང་ཤིན་ཏུ་རྒྱས་ཤིང་འདབ་མ་སྟོང་དང་ལྡན་པར་མཐོང་ངོ་། །པད་མའི་སྙིང་པོ་དེ
iiif viewer powered by OpenSeadragon
