| e-texts navigator |
| Wylie |
239a1 འགྱུར་བས་འདས་པའི་དུས་ཀྱི་སྡིག་པ་མི་དགེ་བའི་ལས་ཀྱི་ལྷག་མས་གཉེར་ཏེ་ངན་འགྲོ་མནར་མེད་པ་དང་། གཞན་ཡང་སྲིད་པ་དང་། འགྲོ་བ་རྣམས་སུ་འཁོར་བ་འཁོར་བའི་ལས་ལ་མཁས་པའི་གོ་ཆ་ཆེན་པོའི་འཁོར་ལོ་ལ་ཡང་གནས་པར་འགྱུར་རོ། །འཁོར་ལོ་འདི་ལ
239a2 གནས་པས་དཔག་ཏུ་མེད་པ་ནམ་མཁའ་ལྟ་བུའི་ཡེ་ཤེས་ཀྱི་ཉི་མ་བྱུང་བས་རང་གི་ལུས་ལ་ཕྱིན་ཅི་ལོག་བཞི་དང་། མ་རིག་པའི་མུན་པ་ཐམས་ཅད་ཡོངས་སུ་སེལ་བར་འགྱུར་རོ། །འདས་པའི་དུས་ཀྱི་སྡིག་པ་མི་དགེ་བའི་ལས་ཀྱི་ལྷག་མས་གཉེར་ཏེ་ངན་འགྲོ་མནར་མེད་པ་དང་། གཞན་ཡང
239a3 སྲིད་པ་དང་། འགྲོ་བ་རྣམས་སུ་འཁོར་བར་འཁོར་བའི་ལས་ཐམས་ཅད་ཀྱང་ལྷག་མ་མ་ལུས་པར་ཡོངས་སུ་སེལ་ཏེ། རྣམ་པར་སྨིན་པའི་འབྲས་བུ་ཡང་མྱོང་བར་མི་བྱེད་དོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་གང་འཁོར་ལོ་འདི་དང་ལྡན་ན་ཐོག་མ་སེམས་བསྐྱེད་པ་ནས
239a4 འདོད་པ་རྣམ་ལྔ་ཡོངས་སུ་བསལ་ཏེ། ཉན་ཐོས་དང་། རང་སངས་རྒྱས་ཐམས་ཅད་ལས་ཤིན་ཏུ་འདས་ཤིང་། ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་དུ་འགྱུར་བ་དང་། ཉན་ཐོས་དང་། རང་སངས་རྒྱས་ཀྱི་ཐེག་པ་པ་ཐམས་ཅད་ཀྱིས་མཆོད་པ་དང་། སྲུང་བ
239a5 དང་། བསྙེན་བཀུར་བྱེད་པར་འགྱུར་རོ། །འཁོར་ལོ་འདིའི་དབང་གིས་སངས་རྒྱས་ཀྱི་ཆོས་ཐམས་ཅད་ལ་དབང་དུ་འགྱུར་བ་དང་། ཕྱིར་མི་ལྡོག་པ་དང་། སྡིག་པའི་གྲོགས་པོའི་དབང་དུ་མི་འགྲོ་བ་དང་། སངས་རྒྱས་ཐམས་ཅད་མཐོང་བ་དང་མི་འབྲལ་ཞིང་བྱང་ཆུབ་སེམས་དཔའ་དང་།
239a6 ཉན་ཐོས་ཀྱི་ཉེ་གནས་མཐོང་བ་དང་མི་འབྲལ་བ་དང་། ཆོས་ཐོས་པ་དང་མི་འབྲལ་བ་དང་། དགེ་འདུན་ལ་མཆོད་པ་དང་བསྙེན་བཀུར་བྱེད་པ་དང་མི་འབྲལ་བ་དང་། ཡོན་ཏན་ཐམས་ཅད་ལ་སེམས་མི་ངོམས་པ་སྟེ། མངོན་པར་བྱང་ཆུབ་ཀྱི་བར་དུ་རྒྱུན་མི་འཆད་པ་དང་རྟག་ཏུ་སངས་རྒྱས
239a7 རྗེས་སུ་དྲན་པ་དང་མི་འབྲལ་བ་ནི་ཆུང་ངུ་ན་རྨི་ལམ་ན་ཡང་འབྲལ་བར་མི་བྱེད་དོ། །དེ་ལྟར་བྱང་ཆུབ་སེམས་དཔའ་དེ་བསོད་ནམས་དང་ཡེ་ཤེས་ཀྱི་ཚོགས་ཀྱང་མྱུར་དུ་རྫོགས་པ་དང་། རིང་པོ་མི་ཐོགས་པར་རྣམ་པར་དག་པའི་སངས་རྒྱས་ཀྱི་ཞིང་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན
iiif viewer powered by OpenSeadragon
