| e-texts navigator |
| Wylie |
237b1 གཅོད་པར་འགྱུར་རོ། །ཏིང་ངེ་འཛིན་འདི་ལ་གནས་ན་ཞག་གཅིག་གམ། ཞག་བདུན་གྱི་བར་དུ་བསམ་གཏན་གྱི་ཟས་ཟ་བར་འགྱུར་རོ། །ཏིང་ངེ་འཛིན་དེ་ལས་ལངས་ན་ཡང་སེམས་རབ་ཏུ་ཞི་བ་ལེན་པ་མེད་ཅིང་། ལྷན་ནེར་གནས་པར་འགྱུར་རོ། །གཞན་ཡང་དོན་དམ་པའི་མཐས་གཏུགས་པའི
237b2 སྟོང་པ་ཉིད་ཀྱི་ཏིང་ངེ་འཛིན་ལ་མཉམ་པར་འཇོག་གོ། །ཏིང་ངེ་འཛིན་དེ་ལ་གནས་ན་སེམས་རབ་ཏུ་མཉམ་པས་ནམ་མཁའ་ལྟར་ཆགས་པ་མེད་པ་དང་། ལུས་ཀྱི་བ་སྤུའི་བུ་ག་ཀུན་ནས་ཟིལ་དངར་གྱི་ཐིགས་པ་སྐར་མ་ལྟ་བུ། མངོན་པར་བྱུང་བས་ཀུན་ནས་ཉོན་མོངས་པས་བཅིངས་པའི
237b3 ཡོངས་སུ་གདུང་བ་ཐམས་ཅད་སེལ་བར་འགྱུར་རོ། །ཏིང་ངེ་འཛིན་དེ་ལས་ལངས་ནས་ཡང་དག་པའི་དྲན་པ་ཐོབ་སྟེ། དགའ་བ་ཁྱད་པར་ཅན་གྱིས་ལུས་ལ་ཁྱབ་པར་གྱུར་པ་ནི་ཇི་ལྟར་ལྷའི་སྲས་པོ་དང་། དབང་ཕྱུག་ཆེན་པོ་དང་། བདེ་བའི་ཏིང་ངེ་འཛིན་ཐམས་ཅད་ལ་འཇུག་པ་ནས་ལུས་ཀྱི
237b4 བ་སྤུའི་ཁུང་བུ་ཀུན་ནས་རབ་ཏུ་བདེ་བ་མྱོང་བ་བཞིན་དེ་ལྟར་བྱང་ཆུབ་སེམས་དཔའ་དེ་ལུས་ལ་བདེ་བས་རེག་པས་སངས་རྒྱས་རྗེས་སུ་དྲན་པར་འགྱུར་རོ། །སངས་རྒྱས་རྗེས་སུ་དྲན་པས་སངས་རྒྱས་མཐོང་བ་ལས་མཚན་མ་གཞན་མཐོང་བ་མེད་དོ། །བྱང་ཆུབ་སེམས་དཔའ་དེའི་ཚེ་སངས
237b5 རྒྱས་གཅིག་ཡིད་ལ་བྱས་ན་སངས་རྒྱས་གཅིག་མཐོང་ངོ་། །གལ་ཏེ་སངས་རྒྱས་མང་པོ་ཡིད་ལ་བྱས་ན་སངས་རྒྱས་མང་པོ་མཐོང་ངོ་། །གལ་ཏེ་སངས་རྒྱས་ཀྱི་སྐུ་ཆུང་བར་ཡིད་ལ་བྱས་ན་སངས་རྒྱས་ཀྱི་སྐུ་ཆུང་ངུར་མཐོང་ངོ་། །གལ་ཏེ་སངས་རྒྱས་ཀྱི་སྐུ་ཆེན་པོར་ཡིད་ལ་བྱས་ན་སངས
237b6 རྒྱས་ཀྱི་སྐུ་ཆེན་པོར་མཐོང་ངོ་། །གལ་ཏེ་སངས་རྒྱས་ཀྱི་སྐུ་ཚད་མེད་པར་ཡིད་ལ་བྱས་ན་སངས་རྒྱས་ཀྱི་སྐུ་ཚད་མེད་པར་མཐོང་ངོ་། །གལ་ཏེ་བདག་གི་ལུས་སངས་རྒྱས་ཀྱི་སྐུའི་མཚན་དང་ལྡན་པར་ཡིད་ལ་བྱས་ན་བདག་གི་ལུས་དེ་སངས་རྒྱས་ཀྱི་སྐུ་དང་འདྲ་བར་མཚན་ཕུན་སུམ་ཚོགས
237b7 པར་མཐོང་ངོ་། །གལ་ཏེ་གཞན་གྱི་ལུས་སངས་རྒྱས་ཀྱི་སྐུར་ཡིད་ལ་བྱས་ན་གཞན་གྱི་ལུས་སངས་རྒྱས་ཀྱི་སྐུ་དང་འདྲ་བར་མཚན་ཕུན་སུམ་ཚོགས་པར་མཐོང་ངོ་། །གལ་ཏེ་སེམས་ཅན་དང་སེམས་ཅན་མ་ཡིན་པ་དང་། ཇི་སྙེད་གཟུགས་སུ་གཏོགས་པ་ཐམས་ཅད་སངས་རྒྱས་ཀྱི་སྐུ
iiif viewer powered by OpenSeadragon
