| e-texts navigator |
| Wylie |
235b1 སུ་བསལ་ཏེ། ཉན་ཐོས་དང་། རང་སངས་རྒྱས་ཐམས་ཅད་ལས་ཤིན་ཏུ་འདས་པ་ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཆེན་པོར་འགྱུར་བ་དང་། ཉན་ཐོས་དང་། རང་སངས་རྒྱས་ཀྱི་ཐེག་པ་པ་ཐམས་ཅད་ཀྱིས་མཆོད་པ་དང་། སྲུང་བ་དང་། བསྙེན
235b2 བཀུར་བྱེད་པར་འགྱུར་རོ། །དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཚིག་སོ་སོ་ཡང་དག་པར་རིག་པ་ནམ་མཁའི་དབྱིངས་དང་མཉམ་པ་ཚད་མེད་པ་མཐའ་ཡས་པ། ཤིན་ཏུ་རྒྱ་ཆེ་བ་དང་ལྡན་པ་ཇི་སྙེད་སངས་རྒྱས་ཀྱི་ཆོས་ཐམས་ཅད་དེ། ཏིང་ངེ་འཛིན་རྣམས་དང་།
235b3 གཟུངས་རྣམས་དང་། ཤིན་ཏུ་བརྟན་པ་ཆེན་པོའི་གོ་ཆ་ཆེན་པོའི་འཁོར་ལོ་གང་ཞེ་ན། འདི་ལྟ་སྟེ། བྱང་ཆུབ་སེམས་དཔའ་རྣམས་ཆོས་ཐམས་ཅད་ལ་ཤིན་ཏུ་རྟོག་པ་ནི་ཇི་ལྟར་ཟླ་བའི་དཀྱིལ་འཁོར་གྱི་འོད་ཀྱིས་ནམ་མཁའ་ཀུན་ཏུ་ཁྱབ་པ་བཞིན་དུ། སེམས་མཉམ་པ་ཉིད་དུ་གྱུར་པ།
235b4 མཚན་མ་མེད་པ་རྟེན་པ་མེད་པ་མི་གནས་པ། གོས་པ་མེད་པའི་ཏིང་ངེ་འཛིན་ཐམས་ཅད་ཀྱི་སྒོ་དང་། གཟུངས་ཀྱི་སྒོ་ཐམས་ཅད་ལ་སེམས་ཀྱི་སྤྱོད་པ་མེད་པ། མིག་དང་། གཟུགས་དང་། མིག་གི་རྣམ་པར་ཤེས་པ་དང་། མིག་གི་འདུས་ཏེ་རེག་པ་ལ་ཡིད་ཀྱིས་རྣམ་པར
235b5 ཞེན་པ་དང་བྲལ་བ། སེམས་ཀྱི་སྤྱོད་པ་མེད་པ་ལས་མིག་གི་འདུས་ཏེ་རེག་པའི་རྐྱེན་གྱིས་ནང་གི་ཚོར་བ་རྣམ་གསུམ་སྐྱེས་ཏེ། བདེ་བ་དང་། སྡུག་བསྔལ་དང་། བདེ་བ་ཡང་མ་ཡིན་སྡུག་བསྔལ་བ་ཡང་མ་ཡིན་པར་ཚོར་བ་ལ་སེམས་རབ་ཏུ་ཞི་ཞིང་ཆགས་པ་མེད་དོ། །དེ་བཞིན
235b6 དུ་རྣ་བ་དང་། སྒྲ་དང་། རྣ་བའི་རྣམ་པར་ཤེས་པ་དང་། རྣ་བའི་འདུས་ཏེ་རེག་པ་དང་། སྣ་དང་། དྲི་དང་། སྣའི་རྣམ་པར་ཤེས་པ་དང་། སྣའི་འདུས་ཏེ་རེག་པ་དང་། ལྕེ་དང་། རོ་དང་། ལྕེའི་རྣམ་པར་ཤེས་པ་དང་། ལྕེའི་འདུས་ཏེ་རེག་པ་དང་། ལུས་དང་། རེག་བྱ
235b7 དང་། ལུས་ཀྱི་རྣམ་པར་ཤེས་པ་དང་། ལུས་ཀྱི་འདུས་ཏེ་རེག་པ་དང་། ཡིད་དང་། ཆོས་དང་། ཡིད་ཀྱི་རྣམ་པར་ཤེས་པ་དང་། ཡིད་ཀྱི་འདུས་ཏེ་རེག་པའི་བར་དུ་གཞུང་དེ་བཞིན་དུ་རྒྱས་པར་སེམས་དང་། ཡིད་དང་། རྣམ་པར་ཤེས་པ་ཐམས་ཅད་རྟག་ཏུ་ཞི་ཞིང་ཆགས་པ་མེད་དོ། །
iiif viewer powered by OpenSeadragon
