| e-texts navigator |
| Wylie |
233a1 བློ་ཡིས་རབ་བརྟགས་ཏེ། །འདོད་དང་མོས་པ་བཞིན་དུ་སྟོན། །འདི་ནི་ཤིན་ཏུ་ཐབས་མཁས་པས། །མཁས་པ་རྣམས་ཀྱིས་དེ་ལ་བསྔགས། །སེམས་ཅན་སྡིག་པ་དག་སྤྱོད་ཅིང་། །ཐེག་པ་གསུམ་གྱི་སྣོད་འགྱུར་ན། །དབང་པོའི་སྣོད་བཞིན་ཆོས་བསྟན་ཏེ། །སྡིག་པ་ཀུན་ལས་གྲོལ
233a2 བར་བྱེད། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ཆེན་པོའི་གོ་ཆ་ཆེན་པོའི་འཁོར་ལོ་ཡོད་དོ། །བྱང་ཆུབ་སེམས་དཔའ་སེམས་དཔའ་ཆེན་པོ་གང་འཁོར་ལོ་འདི་དང་ལྡན་ན་ཐོག་མ་སེམས་བསྐྱེད་ནས་འདོད་པ་རྣམ་པ་ལྔ་ཡོངས་སུ་བསལ་ཏེ། ཉན་ཐོས་དང་། རང
233a3 སངས་རྒྱས་ཐམས་ཅད་ལས་ཤིན་ཏུ་འདས་པས་ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཆེན་པོར་འགྱུར་བ་དང་། ཉན་ཐོས་དང་། རང་སངས་རྒྱས་ཀྱི་ཐེག་པ་པ་ཐམས་ཅད་ཀྱིས་མཆོད་པ་དང་། སྲུང་བ་དང་། བསྙེན་བཀུར་བྱ་བར་འགྱུར་རོ། །དེ་ལ་ཇི་ལྟར་ན་བྱམས་པ་ཆེན
233a4 པོའི་གོ་ཆ་ཆེན་པོའི་འཁོར་ལོ་ཞེ་ན། རིགས་ཀྱི་བུ་བྱང་ཆུབ་སེམས་དཔའི་བྱམས་པ་ལ་རྣམ་པ་གཉིས་ཏེ། ཆོས་ལ་དམིགས་པའི་བྱམས་པ་དང་། སེམས་ཅན་ལ་དམིགས་པའི་བྱམས་པའོ། །ཆོས་ལ་དམིགས་པའི་བྱམས་པ་ནི་བྱམས་པ་ཆེན་པོའི་གོ་ཆ་ཆེན་པོའི་འཁོར་ལོ་ཞེས་བྱའོ། །སེམས
233a5 ཅན་ལ་དམིགས་པའི་བྱམས་པ་ནི་བྱམས་པ་ཆེན་པོའི་གོ་ཆ་ཞེས་མི་བྱའོ། །དེ་ཅིའི་ཕྱིར་ཞེ་ན། སེམས་ཅན་ལ་དམིགས་པའི་བྱམས་པ་ནི་ཉན་ཐོས་དང་། རང་སངས་རྒྱས་ཀྱི་ཐེག་པ་དང་ཐུན་མོང་དུ་གྱུར་པ་སྟེ། ཉན་ཐོས་དང་། རང་སངས་རྒྱས་ནི་བདག་ལ་ཕན་པ་དང་བདེ་བའི་དོན་གྱི་ཕྱིར
233a6 སེམས་ཅན་ལ་དམིགས་པའི་བཟོད་པ་ལ་ནན་ཏན་བྱེད་དོ། །ཉན་ཐོས་དང་། རང་སངས་རྒྱས་ནི་བདག་ཞི་བ་དང་། བདག་མྱ་ངན་ལས་འདའ་བ་དང་། བདག་གི་སྒྲིབ་པ་བསལ་བ་དང་། བདག་གི་ཀུན་ནས་ཉོན་མོངས་པ་གཅད་པའི་ཕྱིར་ཡིན་གྱི་སེམས་ཅན་ཐམས་ཅད་ཀྱི་ཕྱིར་སེམས་ཅན་ལ
233a7 དམིགས་པའི་བྱམས་པས་བརྩོན་འགྲུས་ལ་ནན་ཏན་བྱེད་པ་ནི་མ་ཡིན་ནོ། །དེ་བས་ན་བྱམས་པ་འདི་ནི་བྱམས་པ་ཆེན་པོ་ཞེས་མི་བྱ་སྟེ། གོ་ཆ་ཆེན་པོ་མ་ཡིན་ནོ། །ཆོས་ལ་དམིགས་པའི་བྱམས་པ་ནི་ཉན་ཐོས་དང་། རང་སངས་རྒྱས་ཀྱི་ཐེག་པ་པ་དང་ཐུན་མོང་བ་མ་ཡིན་གྱི། བྱང་ཆུབ་སེམས
iiif viewer powered by OpenSeadragon
