| e-texts navigator |
| Wylie |
232b1 ཡང་དག་པར་བསྟན་ཏེ་ཁད་ཀྱིས་སློབ་ཏུ་འཇུག་གོ། །སེམས་ཅན་གང་སྦྱིན་པ་ལ་མོས་པར་གྱུར་པ་རྣམས་ལ་ནི་ཚུལ་ཁྲིམས་རྣམ་པར་དག་པའི་མཆོག་སྲུང་བར་བསྟན་པ་དེ་བཞིན་དུ་རྒྱས་པར་སེམས་ཅན་གང་བསམ་གཏན་ལ་མོས་པར་གྱུར་པ་ལ་ནི་ཟག་པ་མེད་པ་འཕགས་པའི་ལམ་གྱི
232b2 མཆོག་གིས་བསྡུས་པ་དང་། ཤེས་རབ་བླ་ན་མེད་པ་སྟོན་ཅིང་ནན་ཏན་བྱེད་དུ་བཅུག་སྟེ། ཤིན་ཏུ་ཐབས་མཁས་པ་འདི་ནི་དམིགས་པ་མེད་པ་དང་། ཆགས་པ་མེད་པ་སྟེ། འདི་ནི་བྱང་ཆུབ་སེམས་དཔའི་འཇིག་རྟེན་ལས་འདས་པའི་ཐབས་མཁས་པའི་གོ་ཆ་ཆེན་པོའི་འཁོར་ལོ་ཞེས
232b3 བྱའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་གང་ཤིན་ཏུ་ཐབས་མཁས་པའི་གོ་ཆ་ཆེན་པོའི་འཁོར་ལོ་འདི་དང་ལྡན་ན་ཐོག་མ་སེམས་བསྐྱེད་ནས་འདོད་པ་རྣམ་པ་ལྔ་ཡོངས་སུ་བསལ་བས་བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བྱའོ། །ཉན་ཐོས་དང་།
232b4 རང་སངས་རྒྱས་ཐམས་ཅད་ལས་ཤིན་ཏུ་འདས་ཤིང་ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཆེན་པོར་འགྱུར་བ་དང་། ཉན་ཐོས་དང་། རང་སངས་རྒྱས་ཀྱི་ཐེག་པ་པ་ཐམས་ཅད་ཀྱིས་མཆོད་པ་དང་། བསྲུང་བ་དང་། བསྙེན་བཀུར་བྱ་བའོ། །དེ་ནས
232b5 བཅོམ་ལྡན་འདས་ཀྱིས་དོན་དེ་དག་གསལ་བར་བཟླས་པའི་ཕྱིར་ཚིགས་སུ་བཅད་དེ་བཀའ་སྩལ་པ། ཤེས་རབ་ནན་ཏན་རྣམ་གཉིས་ཏེ། །འཇིག་རྟེན་བཅས་དང་འཇིག་རྟེན་འདས། །ཆགས་པ་དེ་ནི་འཇིག་རྟེན་བཅས། །ཆགས་མེད་པ་ནི་འཇིག་རྟེན་འདས། །ཤིན་ཏུ་ཐབས་མཁས
232b6 ནན་ཏན་ནི། །ཁྱད་པར་རྣམ་པ་གཉིས་ལ་གནས། །དམིགས་པ་ཡོད་པ་འཇིག་རྟེན་བཅས། །དམིགས་མེད་དེ་ནི་འཇིག་རྟེན་འདས། །གང་ཞིག་ཐེག་པ་གཅིག་སྟོན་པ། །དེ་ནི་ལེགས་པར་ཆོས་སྟོན་མིན། །བདག་ཀྱང་ཡོངས་སུ་མི་སྨིན་ན། །གཞན་གྱི་དོན་དུ་ག་ལ་འགྱུར། །གཅིག
232b7 ཏུ་མི་དགེ་སེམས་ཅན་ལ། །ཐེག་པ་གསུམ་གྱི་ཆོས་སྟོན་ན། །དེ་ནི་གཏི་མུག་རྨོངས་པ་སྟེ། །བྱང་ཆུབ་ཆེན་པོ་དེའི་མ་ཡིན། །ཐེག་པ་གསུམ་ལ་འཇུག་སྤྲོ་ཞིང་། །ཡང་དག་པ་ཡི་ཆོས་འདོད་ལ། །འཁོར་བས་སྤྲོ་བའི་ཆོས་སྟོན་ན། །མཁས་པའི་རང་བཞིན་དེ་མ་ཡིན། །རྩེ་གཅིག
iiif viewer powered by OpenSeadragon
