| e-texts navigator |
| Wylie |
232a1 ཐེག་པ་དང་ཐུན་མོང་པ་ཡིན་ཏེ། གོ་ཆ་ཆེན་པོའི་འཁོར་ལོ་མ་ཡིན། བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་ཀྱང་མི་བྱ་སྟེ། ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཡང་དག་པ་མ་ཡིན་ནོ། །དེ་ལ་ཇི་ལྟར་ན་བྱང་ཆུབ་སེམས་དཔའ་འཇིག
232a2 རྟེན་ལས་འདས་པའི་ཤིན་ཏུ་ཐབས་མཁས་པ་ཡིན་ཞེ་ན། འདི་ལྟ་སྟེ། བྱང་ཆུབ་སེམས་དཔའ་རྣམས་བདག་གི་དོན་བཏང་སྟེ། གཞན་གྱི་དོན་ལྷུར་བྱེད་པས་བཟོ་དང་སྒྱུ་རྩལ་རྣམ་པ་སྣ་ཚོགས་མངོན་པར་སྟོན་པས་ཡོངས་སུ་སྨིན་པར་བྱ་བའི་ཕྱིར་སངས་རྒྱས་བཅོམ་ལྡན་འདས་དང་། བྱང
232a3 ཆུབ་སེམས་དཔའ་དང་། ཉན་ཐོས་དང་། རང་སངས་རྒྱས་དང་། ཕ་དང་མ་ལ་བསྙེན་བཀུར་དང་། མཆོད་པ་བྱེད་པ་དང་། ནད་པ་དང་། ཕོངས་པ་དང་། ཉམ་ཐག་པ་དང་། མགོན་དང་སྐྱབས་མེད་པ་དང་། ཤིན་ཏུ་སྡུག་བསྔལ་རྣམ་པ་མང་པོས་གཟིར་བ་ལ་ཐབས་ཀྱིས་སྒྲོལ
232a4 བ་དང་། བསྡུ་བའི་དངོས་པོ་རྣམ་པ་བཞིས་སེམས་ཅན་ཡོངས་སུ་སྨིན་པར་བྱེད་དོ། །ཅི་ལ་མོས་པ་དང་། དབང་པོ་དང་། སྣོད་ཇི་ལྟ་བ་བཞིན་དུ་སེམས་ཅན་ལ་དམ་པའི་ཆོས་སྟོན་ཏོ། །གཞན་ཡང་རིམ་གྱིས་ཉན་ཐོས་ཀྱི་ཐེག་པ་པ་ནི་རང་སངས་རྒྱས་ཀྱི་ཐེག་པ་ལ་སློབ་ཅིང་ནན
232a5 ཏན་བྱེད་པར་སྐུལ་བ་དང་། རང་སངས་རྒྱས་ཀྱི་ཐེག་པ་པ་ནི་ཐེག་པ་ཆེན་པོ་སློབ་ཅིང་ནན་ཏན་བྱེད་པར་སྐུལ་བ་དང་། གལ་ཏེ་ཉན་ཐོས་དང་། རང་སངས་རྒྱས་ཀྱི་ཐེག་པར་དབང་པོ་མ་སྨིན་པ་ནི་འཁོར་བའི་སྡུག་བསྔལ་གྱི་ཆོས་ཀྱིས་སྐྱོ་བ་སྟོན་ཅིང་འཁོར་བས་སྐྱོ་བ་དང་། མྱ་ངན་ལས
232a6 འདའ་བ་ཚོལ་བར་སྐུལ་ལོ། །སེམས་ཅན་གང་སྲོག་གཅོད་པ་ལ་མོས་པ་ནས་ལོག་པར་ལྟ་བའི་བར་དུ་ཆགས་པ་ལ་ནི་དབང་པོ་དང་། རང་བཞིན་ཇི་ལྟ་བ་བཞིན་དུ་འཁོར་བར་འཁོར་བའི་ཆོས་སྟོན་པ་དང་། འཇིག་རྟེན་འདི་ནས་ཕ་རོལ་དུ་སྐྱེ་བ་དང་། ཕ་རོལ་གྱི་སྡུག
232a7 བསྔལ་གྱི་འབྲས་བུ་མྱོང་བར་སྟོན་ཏེ། སྡིག་པ་མི་དགེ་བའི་ཆོས་ཀྱིས་འཇིགས་པ་དང་སྐྱོ་བ་སྟོན་ཏོ། །ཁ་ཅིག་ལ་ནི་ཉན་ཐོས་ཀྱི་ཐེག་པ་དང་ལྡན་པའི་ཆོས་སྟོན་ཏོ། །ཁ་ཅིག་ལ་ནི་རང་སངས་རྒྱས་ཀྱི་ཐེག་པ་དང་ལྡན་པའི་ཆོས་སྟོན་ཏོ། །ཁ་ཅིག་ལ་ནི་བླ་ན་མེད་པའི་ཐེག་པའི་ཆོས
iiif viewer powered by OpenSeadragon
