| e-texts navigator |
| Wylie |
230b1 པ་དང་། ཐེག་པ་ཆེན་པོའི་སྣོད་མ་ཡིན་པ་ཉན་ཐོས་དང་། རང་སངས་རྒྱས་ཀྱི་དབང་པོ་ཡོངས་སུ་མ་སྨིན་པ་ལ་ཤིན་ཏུ་ཕྲ་ལ་ཟབ་པ་དམ་པའི་ཆོས་སྟོན་ཏེ། སློབ་ཏུ་གཞུག་པ་དང་། འཕགས་པའི་བསམ་གཏན་ལ་ནན་ཏན་དུ་བྱེད་དུ་གཞུག་གོ། །གཞན་ཡང་དོན་དམ་པའི་བདེན་པ་བསྟན་ཏེ
230b2 ནན་ཏན་བྱེད་དུ་གཞུག་པ་དང་། ཕྱིན་ཅི་ལོག་བཞི་ལས་བཟླ་ཞིང་མི་ལྟུང་བའི་ཆོས་ཀྱི་མཚན་ཉིད་རིག་པར་བྱ་བ་དང་། སོ་སོ་ཡང་དག་པར་རིག་པ་བཞི་ལ་གཞོལ་བར་བྱ་བ་ནས། གཞན་ཡང་དྲན་པ་ཉེ་བར་གཞག་པ་བཞི་དང་། ཡང་དག་པར་སྤོང་བ་བཞི་དང་། རྫུ་འཕྲུལ་གྱི་རྐང
230b3 པ་བཞི་དང་། དབང་པོ་ལྔ་དང་། སྟོབས་ལྔ་དང་། བྱང་ཆུབ་ཀྱི་ཡན་ལག་བདུན་དང་འཕགས་པའི་ལམ་ཡན་ལག་བརྒྱད་པ་དང་། ལྷག་མ་དང་བཅས་པ་དང་། ལྷག་མ་མ་ལུས་པའི་ལམ་དང་ལམ་གྱི་འབྲས་བུའི་བར་དུ་འཇུག་པར་བྱ་བ་ལ་མཁས་པའི་ཡེ་ཤེས་ཀྱིས་ཡོངས་སུ
230b4 སྨིན་པར་བྱེད་དོ། །སེམས་ཅན་གང་ཁེ་དང་། གྲགས་པ་དང་། ལོངས་སྤྱོད་ལ་ཆགས་ཏེ་དབང་པོ་རྒོད་པ། དགེ་བའི་རྩ་བ་ཡོངས་སུ་མ་སྨིན་པ་ལ་ནི་མདོ་སྡེ་དང་། འདུལ་བ་དང་། མ་མོ་ཀློག་པ་དང་། འདོན་པ་བྱེད་དུ་གཞུག་པ་དང་། སངས་རྒྱས་གཞན་གྱིས་བཤད་པ་ལས
230b5 གཞན་པ་རྣམ་པར་གྲོལ་བ་དང་། འཐུན་པའི་གཙུག་ལག་ཀློག་ཅིང་འདོན་དུ་བཅུག་སྟེ་ཡོངས་སུ་སྨིན་པར་བྱེད་དོ། །སེམས་ཅན་གང་སྦྱིན་པ་བྱེད་པ་ལ་མི་མོས་པ་ལ་ནི་ནོར་རིན་པོ་ཆེ་དང་། ནོར་དབྱིག་རྣམ་པ་སྣ་ཚོགས་གཏོང་བར་བསྐུལ་བས་ཡོངས་སུ་སྨིན་པར་བྱེད་དོ། །སེམས་ཅན
230b6 གང་གཏུམ་པ་མི་ངེས་པའི་རང་བཞིན་ཅན་ལ་ཚངས་པའི་གནས་བཞི་སློབ་ཏུ་སྐུལ་བ་དང་། སེམས་ཅན་གང་ཞེ་སྡང་ཅན་ལ་བཟོད་པ་སློབ་པར་སྐུལ་བ་དང་། སེམས་ཅན་གང་ལེ་ལོ་ཅན་ལ་ནི་བརྩོན་འགྲུས་སློབ་ཏུ་སྐུལ་བ་དང་། སེམས་ཅན་གང་སེམས་གཡེངས་པ་ལ་ནི་བསམ་གཏན
230b7 སྒོམ་པར་སྐུལ་བ་དང་། སེམས་ཅན་གང་འཆལ་བའི་ཤེས་རབ་ཅན་ལ་ནི་ཡང་དག་པའི་ཆོས་སྟོན་པས་བཀའ་ལུང་བརྡ་སྤྲོད་ཅིང་ལུང་འབོགས་པ་ལ་ཐབས་མཁས་པས་ཡོངས་སུ་སྨིན་པར་བྱེད་དོ། །སེམས་ཅན་གང་དཀོན་མཆོག་གསུམ་ལ་མངོན་པར་མ་དད་ཅིང་མི་གནས་པ་དང་།
iiif viewer powered by OpenSeadragon
