| e-texts navigator |
| Wylie |
227b1 ལ་གནས་ནས་བསམ་གཏན་སྒོམ་པ་དང་། ནམ་མཁའི་ཁམས་ལ་གནས་ནས་བསམ་གཏན་སྒོམ་པ་དང་། རྣམ་པར་ཤེས་པའི་ཁམས་ལ་གནས་ནས་བསམ་གཏན་སྒོམ་པ་དང་། བདེ་བའི་ཚོར་བ་ལ་གནས་ནས་བསམ་གཏན་སྒོམ་པ་དང་། སྡུག་བསྔལ་བའི་ཚོར་བ་ལ་གནས་ནས་བསམ
227b2 གཏན་སྒོམ་པ་དང་། བདེ་བ་ཡང་མ་ཡིན་སྡུག་བསྔལ་བ་ཡང་མ་ཡིན་པའི་ཚོར་བ་ལ་གནས་ནས་བསམ་གཏན་སྒོམ་པ་དང་། ནམ་མཁའ་མཐའ་ཡས་སྐྱེ་མཆེད་ལ་གནས་ནས་བསམ་གཏན་སྒོམ་པ་དང་། རྣམ་ཤེས་མཐའ་ཡས་སྐྱེ་མཆེད་ལ་གནས་ནས་བསམ་གཏན་སྒོམ་པ་དང་། ཅུང
227b3 ཟད་མེད་པའི་སྐྱེ་མཆེད་ལ་གནས་ནས་བསམ་གཏན་སྒོམ་པ་དང་། འདུ་ཤེས་མེད་འདུ་ཤེས་མེད་མིན་སྐྱེ་མཆེད་ལ་གནས་ནས་བསམ་གཏན་སྒོམ་པ་དང་། འཇིག་རྟེན་འདི་ལ་གནས་ནས་བསམ་གཏན་སྒོམ་པ་དང་། འཇིག་རྟེན་ཕ་རོལ་ལ་གནས་ནས་བསམ་གཏན་སྒོམ་པ་དང་། འདུ་ཤེས
227b4 ཆུང་ངུ་ལ་གནས་ནས་བསམ་གཏན་སྒོམ་པ་དང་། འདུ་ཤེས་ཆེན་པོ་ལ་གནས་ནས་བསམ་གཏན་སྒོམ་པ་དང་། འདུ་ཤེས་ཚད་མེད་པ་ལ་གནས་ནས་བསམ་གཏན་སྒོམ་པ་སྟེ། བསམ་གཏན་དེ་དག་ནི་ཟག་པ་དང་བཅས་པ། ཉེ་བར་ལེན་པ་དང་བཅས་པ། ཆགས་པ་དང་བཅས་པ
227b5 སྟེ། འདི་ནི་བྱང་ཆུབ་སེམས་དཔའི་འཇིག་རྟེན་དང་བཅས་པའི་བསམ་གཏན་ཞེས་བྱའོ། །བསམ་གཏན་འདི་ནི་ཉན་ཐོས་དང་། རང་སངས་རྒྱས་ཀྱི་ཐེག་པ་དང་ཐུན་མོང་བ་ཞེས་བྱ་སྟེ། གོ་ཆ་ཆེན་པོའི་འཁོར་ལོ་མ་ཡིན་བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་མི་བྱ་སྟེ། ཉན
227b6 ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཡང་དག་པ་ཡང་མ་ཡིན་ནོ། །དེ་ལ་ཇི་ལྟར་ན་བྱང་ཆུབ་སེམས་དཔའི་འཇིག་རྟེན་ལས་འདས་པའི་བསམ་གཏན་གང་ཞེ་ན། འདི་ལྟ་སྟེ། བྱང་ཆུབ་སེམས་དཔའ་རྣམས་ཕུང་པོ་དང་བྲལ་བར་བསམ་གཏན་སྒོམ་པ་དང་། ཁམས
227b7 དང་བྲལ་བར་བསམ་གཏན་སྒོམ་པ་དང་། སྐྱེ་མཆེད་དང་བྲལ་བར་བསམ་གཏན་སྒོམ་པ་དང་། འདོད་པའི་ཁམས་དང་བྲལ་བར་བསམ་གཏན་སྒོམ་པ་དང་། གཟུགས་ཀྱི་ཁམས་དང་བྲལ་བར་བསམ་གཏན་སྒོམ་པ་དང་། གཟུགས་མེད་པའི་ཁམས་དང་བྲལ་བར་བསམ་གཏན་སྒོམ་པ
iiif viewer powered by OpenSeadragon
