| e-texts navigator |
| Wylie |
227a1 ཆེན་པོའི་བསམ་གཏན་གྱི་གོ་ཆ་ཆེན་པོའི་འཁོར་ལོ་ཡོད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་གང་འཁོར་ལོ་འདི་དང་ལྡན་ན་ཐོག་མ་སེམས་བསྐྱེད་པ་ནས་འདོད་པ་ལྔ་ཡོངས་སུ་བསལ་ཏེ། ཉན་ཐོས་དང་། རང་སངས་རྒྱས་ཐམས་ཅད་ལས་ཤིན་ཏུ་འདས་ནས
227a2 ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཆེན་པོར་འགྱུར་བ་དང་ཉན་ཐོས་དང་། རང་སངས་རྒྱས་ཀྱི་ཐེག་པ་པ་ཐམས་ཅད་ཀྱིས་མཆོད་པ་དང་། སྲུང་བ་དང་། བསྙེན་བཀུར་བྱེད་པར་འགྱུར་རོ། །དེ་ལ་ཇི་ལྟར་ན་བསམ་གཏན་གྱི་གོ་ཆ་ཆེན་པོའི་འཁོར
227a3 ལོ་ཞེ་ན། རིགས་ཀྱི་བུ་བྱང་ཆུབ་སེམས་དཔའི་བསམ་གཏན་ལ་རྣམ་པ་གཉིས་ཏེ། འཇིག་རྟེན་དང་། འཇིག་རྟེན་ལས་འདས་པའོ། །དེ་ལ་ཇི་ལྟར་ན་བྱང་ཆུབ་སེམས་དཔའི་འཇིག་རྟེན་གྱི་བསམ་གཏན་ཞེ་ན། བྱང་ཆུབ་སེམས་དཔའ་རྣམས་ཕུང་པོ་ལ་གནས་ནས་བསམ་གཏན
227a4 སྒོམ་པ་དང་། ཁམས་ལ་གནས་ནས་བསམ་གཏན་སྒོམ་པ་དང་། སྐྱེ་མཆེད་ལ་གནས་ནས་བསམ་གཏན་སྒོམ་པ་དང་། འདོད་པའི་ཁམས་ལ་གནས་ནས་བསམ་གཏན་སྒོམ་པ་དང་། གཟུགས་ཡོད་པའི་ཁམས་ལ་གནས་ནས་བསམ་གཏན་སྒོམ་པ་དང་། གཟུགས་མེད་པའི
227a5 ཁམས་ལ་གནས་ནས་བསམ་གཏན་སྒོམ་པ་དང་། སྡོམ་པ་གསུམ་ལ་གནས་ནས་བསམ་གཏན་སྒོམ་པ་དང་། རྣམ་པར་གྲོལ་བ་གསུམ་ལ་གནས་ནས་བསམ་གཏན་སྒོམ་པ་དང་། དྲན་པ་ཉེ་བར་གཞག་པ་བཞི་ལ་གནས་ནས་བསམ་གཏན་སྒོམ་པ་དང་། ཡང་དག་པར་སྤོང་བ
227a6 བཞི་ལ་གནས་ནས་བསམ་གཏན་སྒོམ་པ་དང་། རྫུ་འཕྲུལ་གྱི་རྐང་པ་བཞི་ལ་གནས་ནས་བསམ་གཏན་སྒོམ་པ་དང་། དབང་པོ་ལྔ་ལ་གནས་ནས་བསམ་གཏན་སྒོམ་པ་དང་། སྟོབས་ལྔ་ལ་གནས་ནས་བསམ་གཏན་སྒོམ་པ་དང་། བྱང་ཆུབ་ཀྱི་ཡན་ལག་བདུན་ལ་གནས་ནས་བསམ་གཏན
227a7 སྒོམ་པ་དང་། འཕགས་པའི་ལམ་ཡན་ལག་བརྒྱད་པ་ལ་གནས་ནས་བསམ་གཏན་སྒོམ་པ་དང་། སའི་ཁམས་ལ་གནས་ནས་བསམ་གཏན་སྒོམ་པ་དང་། ཆུའི་ཁམས་ལ་གནས་ནས་བསམ་གཏན་སྒོམ་པ་དང་། མེའི་ཁམས་ལ་གནས་ནས་བསམ་གཏན་སྒོམ་པ་དང་། རླུང་གི་ཁམས
iiif viewer powered by OpenSeadragon
