| e-texts navigator |
| Wylie |
226b1 པའི་འབད་པའི་བརྩོན་འགྲུས་དང་། འཇིག་རྟེན་གྱི་བསོད་ནམས་ཀྱི་ལས་ཀྱི་དངོས་པོ་གསུམ་ལ་མི་གནས་པའི་འབད་པའི་བརྩོན་འགྲུས་དང་། འཇིག་རྟེན་ལས་འདས་པ་དང་ལྡན་པའི་བསོད་ནམས་ཀྱི་ལས་ཀྱི་དངོས་པོ་རྣམ་པ་གསུམ་ལ་ཤིན་ཏུ་བརྩོན་འགྲུས་རྩོམ་པ་སྟེ། འདི་ནི་བྱང་ཆུབ
226b2 སེམས་དཔའི་འཇིག་རྟེན་ལས་འདས་པའི་བརྩོན་འགྲུས་ཀྱི་གོ་ཆ་ཆེན་པོའི་འཁོར་ལོ་ཞེས་བྱའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོའི་གང་བརྩོན་འགྲུས་ཀྱི་གོ་ཆ་ཆེན་པོའི་འཁོར་ལོ་དེ་དང་ལྡན་ན་ཐོག་མ་སེམས་བསྐྱེད་པ་ནས་འདོད་པ་རྣམ་ལྔ་ཡོངས་སུ་བསལ་ཏེ།
226b3 བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་བྱའོ། །ཉན་ཐོས་དང་། རང་སངས་རྒྱས་ཐམས་ཅད་ལས་ཤིན་ཏུ་འདས་ཏེ། ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་དུ་འགྱུར་བ་དང་། ཉན་ཐོས་དང་། རང་སངས་རྒྱས་ཀྱི་ཐེག་པ་པ་ཐམས་ཅད་ཀྱིས
226b4 མཆོད་པ་དང་། སྲུང་བ་དང་། བསྙེན་བཀུར་བྱེད་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དོན་འདི་དག་གསལ་བར་བཟླས་པའི་ཕྱིར་ཚིགས་སུ་བཅད་དེ་བཀའ་སྩལ་པ། དབང་པོ་དྲུག་ལ་ཤིན་ཏུ་ཆགས་པའི། །བུས་པ་ཆུ་བོ་ལྔས་ནི་ཁྱེར་བ། །ཤིན་ཏུ་འབད་པའི་བརྩོན
226b5 འགྲུས་རྩོམ་ཡང་། །མཁས་པ་རྣམས་ཀྱིས་དེ་ལ་སྨོད་འགྱུར། །སེམས་ཅན་དམིགས་ཤིང་ཟག་དང་བཅས་ལ། །ལེན་པར་བཅས་ཤིང་བརྩོན་འགྲུས་རྩོམ་ན། །ཡང་དག་བསོད་ནམས་ཞིང་མ་ཡིན་ཏེ། །བྱང་ཆུབ་སེམས་དཔའ་ཆེན་པོ་མ་ཡིན། །མཁས་པ་བརྩོན་འགྲུས་རྩོམ་པ
226b6 དག་ནི། །ཆགས་པ་ཐམས་ཅད་རིང་དུ་སྤངས་ཏེ། །སེམས་ནི་ཅི་ལའང་མི་གནས་མི་ཆགས། །ཡང་དག་བསོད་ནམས་ཞིང་ཞེས་དེ་བྱ། །མིང་དང་གཟུགས་ལ་ཆགས་པ་མེད་ཅིང་། །ཕུང་པོ་ཁམས་དང་སྐྱེ་མཆེད་སྤངས་ཏེ། །ཐམས་ཅད་འཁོར་གྱི་རྟེན་དུ་འགྱུར་བ། །དེ་ནི་བྱང
226b7 ཆུབ་སེམས་དཔའ་ཆེན་པོ། །འཇིག་རྟེན་སྤྱོད་ཀྱང་ཆུ་ཟླ་བཞིན་ཏེ། །འབད་པའི་བརྩོན་འགྲུས་རྩོམ་པའི་མཐར་ཕྱིན། །འཁོར་ལོ་འདི་ཡིས་ཡོངས་སུ་བཅོམ་པ། །སྐྱེ་བོ་ཀུན་ནས་ཉོན་མོངས་བཅིངས་པའོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ
iiif viewer powered by OpenSeadragon
