| e-texts navigator |
| Wylie |
226a1 ནམས་ཀྱི་ལས་ལ་བརྟེན་པ་སྟེ། དེ་ནི་བྱང་ཆུབ་སེམས་དཔའི་འཇིག་རྟེན་གྱི་བརྩོན་འགྲུས་ཞེས་བྱའོ། །བརྩོན་འགྲུས་འདི་ནི་ཉན་ཐོས་དང་། རང་སངས་རྒྱས་ཀྱི་ཐེག་པ་ལ་སོགས་པ་དང་ཐུན་མོང་ཡིན་ཏེ། གོ་ཆ་ཆེན་པོའི་འཁོར་ལོ་ཞེས་མི་བྱ། བྱང་ཆུབ
226a2 སེམས་དཔའ་སེམས་དཔའ་ཆེན་པོ་ཞེས་ཀྱང་མི་བྱ་སྟེ། ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཡང་དག་པ་ཡང་མ་ཡིན་ནོ། །དེ་ལ་ཇི་ལྟར་ན་བྱང་ཆུབ་སེམས་དཔའི་འཇིག་རྟེན་ལས་འདས་པའི་བརྩོན་འགྲུས་ཀྱི་གོ་ཆ་ཆེན་པོའི་འཁོར་ལོ་ཞེ་ན། བྱང
226a3 ཆུབ་སེམས་དཔའ་དག་ཤིན་ཏུ་འབད་པའི་བརྩོན་འགྲུས་ཀྱིས་སེམས་ཅན་ཐམས་ཅད་ལ་མཉམ་པའི་སེམས་ཀྱིས་ཉོན་མོངས་པའི་ལས་དང་སྡུག་བསྔལ་ཐམས་ཅད་སེལ་བ་སྟེ། བརྩོན་འགྲུས་འདི་ནི་འཕགས་པ་ཐམས་ཅད་ཀྱིས་བསྔགས་པ། ཟག་པ་མེད་པ། ཉེ་བར་ལེན་པ་མེད་པ།
226a4 རྟེན་དང་གནས་མེད་དེ། བརྩོན་འགྲུས་དང་། ལེ་ལོ་དང་། སྦྱིན་པ་དང་། སེར་སྣ་དང་། ཚུལ་ཁྲིམས་དང་། ངན་པའི་ཚུལ་ཁྲིམས་ཅན་དང་། བྱམས་པ་དང་། ཞེ་སྡང་དང་། སེམས་ཅན་རབ་དང་། འབྲིང་དང་། ཐ་མ་ཀུན་ལ་མི་འབྱེད་པའི་སེམས་དང་། བྱེ་བྲག་མེད་པའི་འདུ
226a5 ཤེས་ཀྱིས་ཤིན་ཏུ་འབད་པའི་བརྩོན་འགྲུས་རྩོམ་མོ། །ཁམས་གསུམ་གྱི་སེམས་ཅན་ཐམས་ཅད་ལ་མཉམ་པ་ཉིད་དང་། དམིགས་པ་མེད་པས་བྱ་བའི་ལས་བྱེད་དེ་སྨྲ་བ་དང་། རྟོག་པ་དང་། དཔྱོད་པའི་གནས་ཐམས་ཅད་ལ་མི་གནས་པའི་སེམས་ཀྱིས་ཤིན་ཏུ་འབད་པའི་བརྩོན་འགྲུས
226a6 རྩོམ་མོ། །སྲིད་པ་གསུམ་གྱི་ཕུང་པོ་དང་། ཁམས་དང་། སྐྱེ་མཆེད་ལ་རྣམ་པར་རྟོག་པ་མེད་པས་ཤིན་ཏུ་འབད་པའི་བརྩོན་འགྲུས་རྩོམ་སྟེ། འདོད་པའི་ཁམས་ལ་མི་གནས་པའི་འབད་པའི་བརྩོན་འགྲུས་དང་། གཟུགས་ཡོད་པའི་ཁམས་ལ་མི་གནས་པའི་འབད་པའི་བརྩོན་འགྲུས
226a7 དང་། གཟུགས་མེད་པའི་ཁམས་ལ་མི་གནས་པའི་འབད་པའི་བརྩོན་འགྲུས་དང་། སྲིད་པའི་རྣམ་པར་སྨིན་པའི་འབྲས་བུ་ཐམས་ཅད་ལ་མི་རྟོག་པའི་འབད་པའི་བརྩོན་འགྲུས་དང་། རྙེད་པ་དང་མ་རྙེད་པ་ཀུན་ལ་མི་གནས་པའི་འབད་པའི་བརྩོན་འགྲུས་དང་། འདུ་བྱེད་རྣམས་ལ་མི་གནས
iiif viewer powered by OpenSeadragon
