| e-texts navigator |
| Wylie |
225b1 མ་ཡིན། །ཕྱིན་ཅི་ལོག་ནི་རྣམ་བཞི་བསལ་ནས། །ཆགས་པ་མེད་པའི་བཟོད་པ་སྒོམ་ཞིང་། །འདུ་བྱེད་རྣམ་པ་གསུམ་དག་ཞི་ན། །བཟོད་པ་འདི་ལ་ཐམས་ཅད་བསྟོད་འགྱུར། །འདུ་བྱེད་ཐམས་ཅད་རབ་ཏུ་ཞི་ཞིང་། །རྟོག་པ་ཐམས་ཅད་ཡོངས་སུ་སྤངས་ཏེ། །སེམས་ནི
225b2 ནམ་མཁའ་འདྲ་བར་མཉམ་པ། །བཟོད་པ་འདི་ལ་ཐམས་ཅད་བསྟོད་འགྱུར། །ཐམས་ཅད་ཆོས་ལ་རོ་གཅིག་འཐུན་པར། །སྟོང་པ་མཚན་མ་མེད་པ་ཞི་བ། །སེམས་ནི་ཅི་ལའང་མི་གནས་མི་ཆགས། །བཟོད་པ་འདི་ནི་ཕན་དོན་ཆེར་འགྱུར། །རིགས་ཀྱི་བུ་གཞན་ཡང་བྱང
225b3 ཆུབ་སེམས་དཔའ་སེམས་དཔའ་ཆེན་པོའི་བརྩོན་འགྲུས་ཀྱི་གོ་ཆ་ཆེན་པོའི་འཁོར་ལོ་ཡོད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་གང་འཁོར་ལོ་དེ་དང་ལྡན་ན་ཐོག་མ་སེམས་བསྐྱེད་པ་ནས་འདོད་པ་ལྔ་ཡོངས་སུ་བསལ་ཏེ། ཉན་ཐོས་དང་། རང་སངས་རྒྱས་ཐམས་ཅད་ལས
225b4 ཤིན་ཏུ་འདས་པ་ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཆེན་པོར་འགྱུར་བ་དང་། ཉན་ཐོས་དང་། རང་སངས་རྒྱས་ཀྱི་ཐེག་པ་པ་ཐམས་ཅད་ཀྱིས་མཆོད་པ་དང་། སྲུང་བ་དང་། བསྙེན་བཀུར་བྱེད་པར་འགྱུར་རོ། །དེ་ལ་ཇི་ལྟར་ན་བརྩོན་འགྲུས་ཀྱི་གོ་ཆ
225b5 ཆེན་པོའི་འཁོར་ལོ་ཞེ་ན། རིགས་ཀྱི་བུ་བྱང་ཆུབ་སེམས་དཔའི་བརྩོན་འགྲུས་ལ་རྣམ་པ་གཉིས་ཏེ། འཇིག་རྟེན་པ་དང་། འཇིག་རྟེན་ལས་འདས་པའོ། །དེ་ལ་ཇི་ལྟར་ན་བྱང་ཆུབ་སེམས་དཔའི་འཇིག་རྟེན་པའི་བརྩོན་འགྲུས་ཞེ་ན། བྱང་ཆུབ་སེམས་དཔའ་རྣམས་ཤིན་ཏུ
225b6 འབད་པའི་བརྩོན་འགྲུས་ཀྱིས་འཇིག་རྟེན་གྱི་བསོད་ནམས་ཀྱི་ལས་ཀྱི་དངོས་པོ་རྣམ་པ་གསུམ་ལ་ནན་ཏན་བྱེད་དོ། །བསོད་ནམས་གང་ཞེ་ན། འདི་ལྟ་སྟེ། སྦྱིན་པ་བྱེད་པའི་བསོད་ནམས་ཀྱི་ལས་དང་། ཚུལ་ཁྲིམས་སྲུང་བའི་བསོད་ནམས་བྱེད་པའི་ལས་དང་། བསྒོམ་པའི་བསོད
225b7 ནམས་བྱེད་པའི་ལས་སོ། །ལས་འདི་དག་བྱེད་པ་ནི་བརྩོན་འགྲུས་རྣམ་པ་གསུམ་ཞེས་བྱ་སྟེ། བརྩོན་འགྲུས་རྣམ་པ་གསུམ་པོ་འདི་དག་ནི་སེམས་ཅན་ལ་དམིགས་པ་ཟག་པ་དང་བཅས་པ། ཉེ་བར་ལེན་པ་དང་བཅས་པ། རྣམ་པར་སྨིན་པའི་འབྲས་བུ་ལ་བརྟེན་པ་བསོད
iiif viewer powered by OpenSeadragon
