| e-texts navigator |
| Wylie |
224b1 ཞིང་ཞེས་དེ་བྱ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོའི་བཟོད་པའི་གོ་ཆ་ཆེན་པོའི་འཁོར་ལོ་ཞེས་བྱ་བ་ཡོད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་གང་འཁོར་ལོ་འདི་དང་ལྡན་ན་ཐོག་མ་སེམས་བསྐྱེད་ནས་འདོད་པ་ལྔ་ཡོངས་སུ
224b2 བསལ་ཏེ། ཉན་ཐོས་དང་། རང་སངས་རྒྱས་ཐམས་ཅད་ལས་ཤིན་ཏུ་འདས་པ། ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཆེན་པོར་འགྱུར་བ་དང་། ཉན་ཐོས་དང་། རང་སངས་རྒྱས་ཀྱི་ཐེག་པ་པ་ཐམས་ཅད་ཀྱིས་མཆོད་པ་དང་། བསྲུང་བ
224b3 དང་། བསྙེན་བཀུར་བྱེད་པར་འགྱུར་རོ། །དེ་ལ་ཇི་ལྟར་ན་བཟོད་པའི་གོ་ཆ་ཆེན་པོའི་འཁོར་ལོ་ཞེ་ན། རིགས་ཀྱི་བུ། བྱང་ཆུབ་སེམས་དཔའི་བཟོད་པ་ལ་མཚན་ཉིད་རྣམ་པ་གཉིས་ཏེ། གང་ཞེ་ན་འཇིག་རྟེན་པ་དང་། འཇིག་རྟེན་ལས་འདས་པའོ། །དེ་ལ་ཇི་ལྟར་ན
224b4 བྱང་ཆུབ་སེམས་དཔའི་འཇིག་རྟེན་གྱི་བཟོད་པ་ཞེ་ན། དེ་ནི་ཟག་པ་དང་བཅས་པའི་བཟོད་པ་སྟེ། སེམས་ཅན་ལ་དམིགས་པ། ལེན་པ་དང་བཅས་པ། མཚན་མ་དང་བཅས་པ། རྣམ་པར་སྨིན་པའི་འབྲས་བུ་ལ་རྟེན་པ། བསོད་ནམས་ཀྱི་ལས་ལ་བརྟེན་ཏེ་བཟོད་པར་བྱེད
224b5 པའོ། །གཞན་ཡང་བདག་གི་གཟུགས་དང་། སྒྲ་དང་། དྲི་དང་། རོ་དང་། རེག་བྱ་ལ་བརྟེན་ནས་བཟོད་པར་བྱེད་པའོ། །འཇུག་པ་དང་བཅས་པའི་བཟོད་པ་ཇི་མི་སྙམ་པ་མེད་པའི་བཟོད་པ་དང་། མཐུ་ཞན་པའི་བཟོད་པའི་སེམས་ཅན་གཏོང་བའི་བཟོད་པ་དང་། གཡོ་དང
224b6 སྒྱུར་བཅས་པའི་བཟོད་པ་དང་། ཕ་རོལ་ལ་འདྲིད་པའི་བཟོད་པ་དང་། སེམས་ཅན་ལ་ཕན་པ་དང་བདེ་བའི་དོན་མི་བྱེད་པའི་བཟོད་པ་སྟེ། འདི་དག་ནི་བྱང་ཆུབ་སེམས་དཔའི་འཇིག་རྟེན་གྱི་བཟོད་པ་ཞེས་བྱ་སྟེ། བཟོད་པ་འདི་ནི་ཉན་ཐོས་དང་རང་སངས་རྒྱས་ལ་སོགས་པ་དང
224b7 ཐུན་མོང་མ་ཡིན་གྱི་གོ་ཆ་ཆེན་པོའི་འཁོར་ལོ་ཞེས་མི་བྱའོ། །དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་མ་ཡིན་ཏེ། ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཡང་དག་པ་ཞེས་ཀྱང་མི་བྱའོ། །དེ་ལ་ཇི་ལྟར་ན་བྱང་ཆུབ
iiif viewer powered by OpenSeadragon
