| e-texts navigator |
| Wylie |
223b1 འགྱུར་བ་དང་། ཉན་ཐོས་དང་། རང་སངས་རྒྱས་ཀྱི་ཐེག་པ་པ་ཐམས་ཅད་ཀྱིས་མཆོད་པ་དང་། བསྲུང་བ་དང་། བསྙེན་བཀུར་བྱ་བར་འགྱུར་རོ། །དེ་ལ་ཇི་ལྟར་ན་ཚུལ་ཁྲིམས་རྣམ་པར་དག་པ་གོ་ཆ་ཆེན་པོའི་འཁོར་ལོ་ཞེ་ན། རིགས་ཀྱི་བུ་བྱང་ཆུབ་སེམས་དཔའི་ཚུལ་ཁྲིམས
223b2 རྣམ་པར་དག་པ་རྣམ་པ་གཉིས་ཏེ། ཐུན་མོང་བ་དང་། ཐུན་མོང་བ་མ་ཡིན་ནོ། །དེ་ལ་ཇི་ལྟར་ན་བྱང་ཆུབ་སེམས་དཔའི་ཚུལ་ཁྲིམས་རྣམ་པར་དག་པའི་འཁོར་ལོ་ཐུན་མོང་བ་ཞེ་ན། གང་ཁྱིམ་ན་གནས་པ་དགེ་བསྙེན་ཕ་དང་། དགེ་བསྙེན་མའི་ཚུལ་ཁྲིམས་ཀྱི་སྡོམ་པ་བླངས་པའམ།
223b3 ཡང་ན་རབ་ཏུ་བྱུང་བ་སོ་སོར་ཐར་པའི་ཚུལ་ཁྲིམས་ཀྱིས་བསྙེན་པར་རྫོགས་པ་སྟེ། སྡོམ་པ་འདི་དང་སོ་སོར་ཐར་པའི་ཚུལ་ཁྲིམས་འདི་ནི་བྱང་ཆུབ་སེམས་དཔའི་ཚུལ་ཁྲིམས་རྣམ་པར་དག་པའི་འཁོར་ལོ་ཐུན་མོང་བ་སྟེ། ཉན་ཐོས་དང་། རང་སངས་རྒྱས་ཐམས་ཅད་དང་ཐུན་མོང་བ
223b4 ཡིན་ནོ། །བྱང་ཆུབ་སེམས་དཔའ་ཚུལ་ཁྲིམས་ཀྱི་འཁོར་ལོ་རྣམ་པར་དག་པ་འདིའི་དབང་གིས་སེམས་ཅན་ཐམས་ཅད་ཀྱི་ཀུན་ནས་ཉོན་མོངས་པ་ཆོད་པར་རམ། ལོག་པར་ལྟ་བ་སེལ་བར་རམ། ལས་ཀྱི་སྒྲིབ་པ་དང་། འཁོར་བ་ལས་གྲོལ་བར་མི་འགྱུར་ཏེ། གོ་ཆ་ཆེན་པོའི་འཁོར་ལོ
223b5 ཞེས་ཀྱང་མི་བྱ། བྱང་ཆུབ་སེམས་དཔའ་སེམས་དཔའ་ཆེན་པོ་ཞེས་ཀྱང་མི་བྱ་སྟེ། ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཡང་དག་པ་མ་ཡིན་ནོ། །དེ་ལ་ཇི་ལྟར་ན། བྱང་ཆུབ་སེམས་དཔའི་ཚུལ་ཁྲིམས་རྣམ་པར་དག་པ་གོ་ཆ་ཆེན་པོའི་འཁོར་ལོ
223b6 ཐུན་མོང་མ་ཡིན་པ་ཞེ་ན། གང་བྱང་ཆུབ་སེམས་དཔའ་རྣམས་ཕྱོགས་བཅུའི་སེམས་ཅན་ཐམས་ཅད་ལ་མཉམ་པ་ཉིད་ཀྱི་སེམས་དང་། གནོད་པ་མེད་པའི་སེམས་དང་། ཁོན་དུ་འཛིན་པ་མེད་པའི་སེམས་ཀྱིས་རྣམ་པར་དག་པའི་ཚུལ་ཁྲིམས་སྲུང་ངོ་། །ཚུལ་ཁྲིམས་དང་། ཚུལ
223b7 ཁྲིམས་ངན་པ་ཅན་དང་། སྦྱིན་པ་དང་། སེར་སྣ་དང་། བྱམས་པ་དང་། ཞེ་སྡང་དང་། བརྩོན་འགྲུས་དང་། ལེ་ལོ་ཅན་རབ་འབྲིང་ཐ་མ་ཀུན་ལ་བྱེ་བྲག་མི་འབྱེད་པའི་སེམས་དང་། ཁྱད་པར་མེད་པའི་འདུ་ཤེས་ཀྱིས་ཚུལ་ཁྲིམས་ཡོངས་སུ་སྲུང་ངོ་། །ཁམས་གསུམ་གྱི
iiif viewer powered by OpenSeadragon
