| e-texts navigator |
| Wylie |
222a1 ཞིང་དུ་དེ་འགྱུར། །སྦྱིན་པའི་དངོས་པོ་མང་དུ་བྱས་ཀྱང་། །འདོད་པ་རྣམ་ལྔ་དག་ལ་གནས་ན། །འཕགས་པ་དག་གི་ཕྱག་རྒྱས་མ་བཏབ། །མ་ངེས་པ་ཡི་ཚོགས་ལ་གནས་འགྱུར། །སྦྱིན་པའི་དངོས་པོ་བྱིན་པ་ཆུང་ཡང་། །འདོད་པ་ལྔ་ལ་མི་གནས་པ་ནི། །ཉན་ཐོས
222a2 དག་དང་རང་རྒྱལ་བ་ཡི། །ཡང་དག་བསོད་ནམས་ཞིང་དུ་དེ་འགྱུར། །དེ་བས་འདོད་པ་རྣམ་ལྔ་སྤངས་ལ། །རྟག་ཏུ་རྣམ་དག་སྦྱིན་པ་བྱེད་ཅིང་། །སེམས་ཅན་ཀུན་ལ་བདེ་བ་བྱས་ན། །ཡང་དག་བསོད་ནམས་ཞིང་དུ་དེ་འགྱུར། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ
222a3 སེམས་དཔའ་ཆེན་པོས་ཆོས་ཀྱི་སྦྱིན་པའི་གོ་ཆ་ཆེན་པོའི་འཁོར་ལོ་རྣམ་པ་བཅུ་ཡོད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་ལོ་དེ་དང་ལྡན་ན་ཐོག་མ་སེམས་བསྐྱེད་ནས་འདོད་པ་རྣམ་ལྔ་ཡོངས་སུ་བསལ་བའི་ཕྱིར་མྱུར་དུ་ཉི་མའི་སྒྲོན་མའི་འོད་ཅེས་བྱ་བའི་ཏིང་ངེ་འཛིན
222a4 ཐོབ་ཅིང་ཉན་ཐོས་དང་། རང་སངས་རྒྱས་ཐམས་ཅད་ལས་ཤིན་ཏུ་འདས་པ། ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཆེན་པོའི་ཞིང་དུ་འགྱུར་བ་དང་། ཉན་ཐོས་དང་། རང་སངས་རྒྱས་ཀྱི་ཐེག་པ་པ་ཐམས་ཅད་ཀྱིས་མཆོད་པ་དང་། བསྲུང་བ་དང་། བསྙེན
222a5 བཀུར་བྱ་བར་འགྱུར་རོ། །བཅུ་གང་ཞེ་ན། འདི་ལྟ་སྟེ། དེ་བཞིན་གཤེགས་པ་རྣམས་ཀྱིས་བསྟན་པ་དམ་པའི་ཆོས་ཉན་ཐོས་ཀྱི་ཐེག་པ་དང་ལྡན་པའི་དམ་པའི་ཆོས་དང་། རང་སངས་རྒྱས་ཀྱི་ཐེག་པ་དང་ལྡན་པའི་དམ་པའི་ཆོས་དང་། ཐེག་པ་ཆེན་པོ་དང་ལྡན་པའི་དམ་པའི་ཆོས་དང་།
222a6 འཇིག་རྟེན་གྱི་ཆོས་དང་། འཇིག་རྟེན་ལས་འདས་པའི་ཆོས་དང་། ཟག་པ་དང་བཅས་པའི་ཆོས་དང་། ཟག་པ་ཟད་པའི་ཆོས་དང་། འདུས་བྱས་ཀྱི་ཆོས་དང་། འདུས་མ་བྱས་ཀྱི་ཆོས་དང་། གཉིས་སུ་མེད་པའི་ཆོས་རྣམས་ཏེ། བྱང་ཆུབ་སེམས་དཔའ་སེམས་དཔའ་ཆེན་པོ་ཆོས
222a7 རྣམ་པ་བཅུ་པོ་འདི་ལ་དད་ཅིང་གུས་པར་བྱེད་པ་དང་། ཇི་སྐད་ཐོས་པ་རྣམས་ཅི་ནུས་སུ་གཟུངས་སུ་འཛིན་ཅིང་ཡིད་ལ་བྱེད་དོ། །རབ་ཏུ་རྟོག་གོ། །མཐར་ཁོང་དུ་ཆུད་པར་བྱེད་ཅིང་གཞན་དག་ལ་ཡང་ཅི་རིགས་པར་སྟོན་པར་བྱེད་དོ། །ནམ་ཆོས་སྟོན་པའི་ཚེ་ན་ཕྲག་དོག་མེད་པའི་སེམས
iiif viewer powered by OpenSeadragon
