| e-texts navigator |
| Wylie |
221b1 བདེ་བ་སྦྱིན་པའི་སེམས་དང་། སེམས་ཅན་ཐམས་ཅད་མྱ་ངན་ལས་བཟླ་བའི་སེམས་ལ་གནས་ཏེ་སྦྱིན་པ་བྱེད་དོ། །དེ་བས་ན་ཉན་ཐོས་དང་། རང་སངས་རྒྱས་ཐམས་ཅད་ལས་ཤིན་ཏུ་འདས་པ། ཉན་ཐོས་དང་རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཆེན་པོར་འགྱུར་བ་དང་། ཉན
221b2 ཐོས་དང་། རང་སངས་རྒྱས་ཀྱི་ཐེག་པ་པ་ཐམས་ཅད་ཀྱིས་མཆོད་པ་དང་། བསྙེན་བཀུར་དང་། སྲུང་བ་བྱེད་པར་འགྱུར་རོ། །རིགས་ཀྱི་བུ་གལ་ཏེ་འདོད་པ་ལྔ་ལ་སེམས་མི་ཆགས་ཤིང་བྱམས་པ་དང་། སྙིང་རྗེ་ཆེན་པོས་སྦྱིན་པ་བྱེད་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཞེས
221b3 བྱའོ། །ཉན་ཐོས་དང་རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཡང་དག་པ་ཞེས་བྱའོ། །གལ་ཏེ་འཇིག་རྟེན་གྱི་འདོད་པ་རྣམ་ལྔ་ཡང་མ་སྤངས་ལ་བྱམས་པ་དང་། སྙིང་རྗེ་ཆེན་པོ་ཡང་མེད་པར་སྦྱིན་པ་བྱེད་ན་སྦྱིན་པའི་དངོས་པོ་ཚད་མེད་གྲངས་མེད་དཔག་ཏུ་མེད་པ་བཏང་ཡང་བྱང་ཆུབ
221b4 སེམས་དཔའ་སེམས་དཔའ་ཆེན་པོ་ཞེས་མི་བྱ་སྟེ། ཉན་ཐོས་དང་། རང་སངས་རྒྱས་ཀྱི་བསོད་ནམས་ཀྱི་ཞིང་ཡང་དག་པ་ཡང་མ་ཡིན་པས་སྦྱིན་པ་འདི་ནི་འཕགས་པ་རྣམས་ཀྱི་ཕྱག་རྒྱས་བཏབ་པ་མ་ཡིན་ནོ། །དེ་བས་ན་འཇིག་རྟེན་གྱི་འདོད་པ་ལྔ་སྤངས་ཏེ། བྱམས་པ་དང་། སྙིང་རྗེ་ཆེན་པོ
221b5 དང་ལྡན་པས་སྦྱིན་པ་བྱའོ། །གལ་ཏེ་འཇིག་རྟེན་གྱི་འདོད་པ་ལྔ་ཡང་མ་སྤངས་ལ་བྱམས་པ་དང་། སྙིང་རྗེ་ཆེན་པོ་ཡང་མེད་པར་སྦྱིན་པ་བྱེད་ན་བྱང་ཆུབ་སེམས་དཔའ་ཞེས་ཀྱང་མི་བྱ་ལ་བསོད་ནམས་ཀྱི་ཞིང་ཡང་དག་པ་ཡང་མ་ཡིན་ནོ། །རིགས་ཀྱི་བུ་འདོད་པ་རྣམ་པ་ལྔ་ལ་ཆགས་པས་སྦྱིན
221b6 པ་བྱེད་ན་བདག་ཉིད་ཀྱི་ལུས་ཀྱི་སྡུག་བསྔལ་གྱི་ཆ་ཀྱང་ཞི་བར་མི་འགྱུར་ན་སེམས་ཅན་ཐམས་ཅད་ཀྱི་སྡུག་བསྔལ་ཚད་མེད་པ་བསལ་བ་ལྟ་ཅི་སྨོས། དེ་ནས་བཅོམ་ལྡན་འདས་ཀྱིས་དོན་འདི་དག་གསལ་བར་བཟླས་པའི་ཕྱིར་ཚིགས་སུ་བཅད་དེ་བཀའ་སྩལ་པ། ཟང་ཟིང་སྦྱིན་པའི་འཁོར
221b7 ལོ་ལྡན་པ། །མཁས་པ་བསམ་པ་དག་པའི་མོས་པས། །འདོད་པ་རྣམ་ལྔ་དག་ནི་སྤངས་ཏེ། །སེམས་ཅན་ཀུན་ལ་ཕན་དང་བདེ་བྱེད། །སེམས་ཅན་ཀུན་ལ་བདེ་བའི་ཕྱིར་གྱི། །རྣམ་སྨིན་འབྲས་བུ་རེ་ཕྱིར་མ་ཡིན། །སྦྱིན་པའི་དངོས་པོ་བྱིན་པ་ཆུང་ཡང་། །ཡང་དག་བསོད་ནམས
iiif viewer powered by OpenSeadragon
