| e-texts navigator |
| Wylie |
221a1 དང་ལྡན་ན། ཐོག་མ་སེམས་བསྐྱེད་པ་ན་འདོད་པ་རྣམ་པ་ལྔ་ཡོངས་སུ་བསལ་བའི་ཕྱིར་ཉན་ཐོས་དང་། རང་སངས་རྒྱས་ཐམས་ཅད་ལས་ཤིན་ཏུ་འདས་པ་དང་། ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཆེན་པོའི་ཞིང་དུ་འགྱུར་བ་དང་། ཉན་ཐོས་དང་།
221a2 རང་སངས་རྒྱས་ཀྱི་ཐེག་པ་པ་ཐམས་ཅད་ཀྱིས་མཆོད་ཅིང་བསྙེན་བཀུར་བྱ་བ་དང་། ཡོངས་སུ་བསྲུང་བར་འགྱུར་རོ། །དེ་ཅིའི་ཕྱིར་ཞེ་ན། ཉན་ཐོས་དང་། རང་སངས་རྒྱས་ཀྱིས་སྦྱིན་པ་སྦྱིན་པའི་སེམས་བསྐྱེད་པ་ནི་བྱམས་པ་དང་། སྙིང་རྗེ་ཆེན་པོའི་སེམས་མེད་ཀྱི་བདག་གི་དབུལ་བ་དེ
221a3 སྤོང་བ་དང་། བདག་སྡུག་བསྔལ་ལས་ཐར་པ་དང་། བདག་བདེ་བ་ཐོབ་པར་བྱ་བ་དང་། བདག་མྱ་ངན་ལས་འདའ་བར་བྱ་བའི་ཕྱིར་སྦྱིན་པ་སྦྱིན་པ་བྱེད་དེ། སེམས་ཅན་ཐམས་ཅད་ཀྱི་ཕྱིར་སྦྱིན་པ་བྱེད་པ་ནི་མ་ཡིན་ནོ། །བྱང་ཆུབ་སེམས་དཔའ་སེམས་དཔའ་ཆེན་པོ་སྦྱིན་པ་སྦྱིན་ན་ནི
221a4 བྱམས་པ་དང་། སྙིང་རྗེ་ཆེན་པོའི་སེམས་ཀྱིས་སེམས་ཅན་ཐམས་ཅད་ཀྱི་དབུལ་ཕོངས་པ་སྤོང་བ་དང་། སེམས་ཅན་ཐམས་ཅད་སྡུག་བསྔལ་ལས་གདོན་པ་དང་། སེམས་ཅན་ཐམས་ཅད་བདེ་བ་ཐོབ་པར་བྱེད་པ་དང་། སེམས་ཅན་ཐམས་ཅད་མྱ་ངན་ལས་བཟླ་བའི་ཕྱིར་སྦྱིན་པ་བྱེད་ཀྱི
221a5 བདག་འབའ་ཞིག་གི་ཕྱིར་སྦྱིན་པ་སྤྱོད་པ་མ་ཡིན་ནོ། །དེ་ལྟ་བས་ན་ཉན་ཐོས་དང་། རང་སངས་རྒྱས་ཐམས་ཅད་ལས་ཤིན་ཏུ་འདས་པ། ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཆེན་པོར་འགྱུར་བ་དང་། ཉན་ཐོས་དང་། རང་སངས་རྒྱས་ཀྱི་ཐེག་པ་པ
221a6 ཐམས་ཅད་ཀྱིས་མཆོད་པ་དང་། བསྙེན་བཀུར་བྱེད་ཅིང་ཡོངས་སུ་བསྲུང་བར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་གང་ཟང་ཟིང་གི་སྦྱིན་པའི་ཕ་རོལ་ཏུ་ཕྱིན་པ་ལ་སྤྱོད་པ་ན་འདོད་པ་རྣམ་ལྔའི་མཆོག་ལ་སེམས་མི་ཆགས་ཏེ། བདག་ཉིད་དབང་བ་བདེ་བའི་ཡོ་བྱད
221a7 ཐམས་ཅད་སེམས་ཅན་ཀུན་ལ་སྦྱིན་པ་བྱེད་དེ། སེམས་ཅན་ཐམས་ཅད་ཡོངས་སུ་སྡུད་པའི་སེམས་དང་། བདག་གི་སྡུག་བསྔལ་ཐམས་ཅད་ལ་ཇི་མི་སྙམ་པའི་བཟོད་པའི་སེམས་དང་། སེམས་ཅན་ཐམས་ཅད་ཀྱི་སྡུག་བསྔལ་ཞི་བར་བྱ་བའི་སེམས་དང་། སེམས་ཅན་ཐམས་ཅད་ལ
iiif viewer powered by OpenSeadragon
