| e-texts navigator |
| Wylie |
220b1 བྱེད་པར་འགྱུར་རོ། །བཅུ་གང་ཞེ་ན། འདི་ལྟ་སྟེ། རྣམ་པ་སྣ་ཚོགས་ཀྱི་ཟས་དང་། སྐོམ་དང་། གོས་དང་། རིན་པོ་ཆེའི་རྒྱན་དང་། བལ་གླང་དང་། རྟ་དང་། ཤིང་རྟ་དང་། ལུས་ཀྱི་ཡན་ལག་དང་། རྐང་པ་དང་། ལག་པ་དང་། རྣ་བ་དང་། སྣ་དང་། མགོ་དང་། མིག་དང་། རྐང
220b2 དང་། ཀླད་པ་དང་། པགས་པ་དང་། རུས་པ་དང་། ཤ་དང་། ཁྲག་དང་། ཡུལ་དང་། སྲིད་དང་། བུ་དང་། ཆུང་མ་དང་། བྲན་ཕོ་དང་། བྲན་མོ་དང་། ཁང་ཁྱིམ་དང་། ཞིང་འབྲོག་ལ་སོགས་པ་དེ་དག་ཐམས་ཅད་སྦྱིན་པ་དེ་རེ་རེ་བྱེད་པ་ན་ལུས་དང་སྲོག་ལ་མི་ལྟ་ཞིང་བདག
220b3 གཅིག་པུ་འཇིག་རྟེན་དང་འཇིག་རྟེན་ལས་འདས་པའི་བདེ་བ་འདོད་པའི་ཕྱིར་སེམས་བསྐྱེད་དེ་སྦྱིན་པ་བྱེད་པ་མ་ཡིན་གྱི། སེམས་ཅན་ཐམས་ཅད་ལ་བྱམས་པ་ཆེན་པོ་དང་། སྙིང་རྗེ་ཆེན་པོའི་མྱུ་གུ་བསྐྱེད་པའི་ཕྱིར་སྦྱིན་པ་སྦྱིན་པའི་སེམས་བསྐྱེད་དོ། །ཐབས་མཁས་པ་དང་ཤེས་རབ་མཆོག་བསྐྱེད
220b4 པའི་ཕྱིར་སྦྱིན་པ་སྦྱིན་པའི་སེམས་བསྐྱེད་དོ། །སེམས་ཅན་ཐམས་ཅད་ལ་བྱམས་པ་ཆེན་པོ་ཕན་པ་དང་། བདེ་བའི་དོན་གྱི་ཕྱིར་སྦྱིན་པ་སྦྱིན་པའི་སེམས་བསྐྱེད་དོ། །སེམས་ཅན་ཐམས་ཅད་ཀྱི་སྡུག་བསྔལ་བསལ་བའི་ཕྱིར་སྦྱིན་པ་སྦྱིན་པའི་སེམས་བསྐྱེད་དོ། །གཞན་ལས་སྤག
220b5 གོ་སྙམ་པ་མེད་པའི་སེམས་དང་། བརླང་བ་མེད་པའི་སེམས་དང་། ཕྲག་དོག་མེད་པའི་སེམས་དང་། སེར་སྣ་དང་ཞུམ་པ་མེད་པའི་སེམས་ཀྱིས་སྦྱིན་པ་སྦྱིན་ནོ། །གང་སྦྱིན་པའི་དངོས་པོ་ཆེ་ཡང་རུང་། ཆུང་ཡང་རུང་། ཆུང་ངུ་ན་ཟན་ཆངས་གཅིག་ཙམ་གྱི་སྦྱིན་པ་བྱས་ན་ཡང
220b6 རྣམ་པར་སྨིན་པའི་འབྲས་བུ་ལ་མི་རེ་བར་སྦྱིན་པ་སྦྱིན་པའི་སེམས་བསྐྱེད་དོ། །ཉན་ཐོས་ཀྱི་ཐེག་པའི་འབྲས་བུ་ལ་མི་རེ་བར་སྦྱིན་པ་སྦྱིན་པའི་སེམས་བསྐྱེད་དོ། །རང་སངས་རྒྱས་ཀྱི་ཐེག་པའི་འབྲས་བུ་ལ་མི་རེ་བར་སྦྱིན་པ་སྦྱིན་པའི་སེམས་བསྐྱེད་དོ། །གང་སྦྱིན་པའི་དངོས་པོ་དེ་ཆེ་ཡང་རུང་།
220b7 ཆུང་ཡང་རུང་། ཆུང་ངུ་ན་ཟན་ཆངས་གཅིག་ཙམ་གྱི་སྦྱིན་པ་བྱས་ན་ཡང་རྣམ་པ་ཐམས་ཅད་མཁྱེན་པའི་ཡེ་ཤེས་སུ་བསྔོ་ཞིང་སྦྱིན་པ་སྦྱིན་པའི་སེམས་བསྐྱེད་དོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཟང་ཟིང་གི་སྦྱིན་པའི་གོ་ཆ་ཆེན་པོའི་འཁོར་ལོ་རྣམ་པ་བཅུ་པོ་དེ
iiif viewer powered by OpenSeadragon
