| e-texts navigator |
| Wylie |
220a1 ལ་མི་སྨོད་ཅིང་། །ངུར་སྨྲིག་གྱོན་ལ་མཆོད་པར་བྱེད། །ཐེག་པ་གསུམ་གྱི་བྱང་ཆུབ་སྒྲུབ། །རྟག་ཏུ་རྣམ་དག་ཞིང་དུ་སྐྱེ། །སྟོན་པའི་གནས་སུ་གནས་པར་འགྱུར། །བླ་མེད་ཐེག་པ་ལ་ཞོན་ཏེ། །རྒྱལ་བའི་ཡེ་ཤེས་མྱུར་དུ་འཐོབ། །གལ་ཏེ་གནོད་སེམས
220a2 ཡོངས་སྤངས་ཏེ། །གཅིག་ཏུ་བྱམས་པའི་སེམས་བསྒོམས་ན། །མཉམ་པར་གཞག་པའང་མྱུར་དུ་འཐོབ། །འཕགས་པའི་སྤྱོད་ཡུལ་མོས་པར་འགྱུར། །རྣམ་དག་སངས་རྒྱས་ཞིང་དུ་སྐྱེ། །ཉེས་པའི་སྐྱོན་རྣམས་ཀུན་དང་བྲལ། །དེ་ལ་གནས་ན་བྱང་ཆུབ་འཐོབ། །གནོད
220a3 སེམས་ཐམས་ཅད་སྤང་བར་བྱ། །ངན་པར་ལྟ་བ་ཡོངས་སྤངས་ཏེ། །རྣམ་དག་དད་པའི་སེམས་བསྒོམས་ན། །ཐེག་གསུམ་སྟོན་ལ་མོས་བྱེད་ཅིང་། །སངས་རྒྱས་ཀུན་ལ་མཆོད་པ་བྱེད། །ངན་སོང་གསུམ་ལས་ཡོངས་ཐར་ཏེ། །འཕགས་པའི་དགེ་འདུན་རྣམས་དང་ཕྲད། །
220a4 བྱང་ཆུབ་སེམས་དཔའི་ཡོན་ཏན་ལྡན། །ཡེ་ཤེས་མཆོག་ཀྱང་འཐོབ་པར་འགྱུར། །དགེ་བ་བཅུ་ཡི་ལས་ལམ་གྱིས། །བྱང་ཆུབ་མཆོག་ཐོབ་འགྱུར་ཞེས་གསུངས། །སྙོམས་པར་འཇུག་དང་གཟུངས་རྣམས་དང་། །ས་དང་བཟོད་པ་སྐྱེ་བར་འགྱུར། །བདག་ཉིད་ཆེ་བའི
220a5 འཁོར་ལོ་འདིས། །ངན་སོང་ཐམས་ཅད་རབ་བཅོམ་ནས། །སྡིག་པའི་སྒྲིབ་པ་ཀུན་ཀྱང་ཆོམས། །མྱུར་དུ་བྱང་ཆུབ་ཆེན་པོ་ཐོབ། །འཕགས་པ་ཤིན་ཏུ་རྒྱས་པ་ཆེན་པོ་སའི་སྙིང་པོ་འཁོར་ལོ་བཅུ་པ་ཞེས་བྱ་བ་ལས་དགེ་བ་བཅུའི་ལས་ཀྱི་ལམ་ཞེས་བྱ་བའི་ལེའུ་སྟེ་དྲུག
220a6 པའོ། ། །།རིགས་ཀྱི་བུ་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཟང་ཟིང་གི་སྦྱིན་པའི་གོ་ཆ་ཆེན་པོའི་འཁོར་ལོ་རྣམ་པ་བཅུ་ཡོད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་གང་འཁོར་ལོ་དེ་དང་ལྡན་ན་ཐོག་མ་སེམས་བསྐྱེད་པ་ནས་འདོད་པ་ལྔ་ཡོངས
220a7 སུ་བསལ་ཏེ། ཉན་ཐོས་དང་རང་སངས་རྒྱས་ཐམས་ཅད་ལས་ཤིན་ཏུ་འདས་ནས་ཉན་ཐོས་དང་། རང་སངས་རྒྱས་ཐམས་ཅད་ཀྱི་བསོད་ནམས་ཀྱི་ཞིང་ཆེན་པོར་འགྱུར་བ་དང་། ཉན་ཐོས་དང་རང་སངས་རྒྱས་ཀྱི་ཐེག་པ་པ་ཐམས་ཅད་ཀྱིས་མཆོད་པ་དང་། བསྲུང་བ་དང་། བསྙེན་བཀུར
iiif viewer powered by OpenSeadragon
