| e-texts navigator |
| Wylie |
218b1 ནས་ངན་སོང་དུ་ལྟུང་བར་ཤེས་པར་བྱའོ། །རིགས་ཀྱི་བུ་གང་ཚིག་ཏུ་བརྗོད་པ་ཙམ་འམ་མཉན་པ་ཙམ་གྱིས་ཆོག་སྟེ། དགེ་བ་བཅུའི་ལས་ཀྱི་ལམ་བསྒོམས་པའམ། ནན་ཏན་བྱ་མི་དགོས་པར་བྱང་ཆུབ་དང་། མྱ་ངན་ལས་འདས་པར་ཐོབ་ཏུ་ཟིན་ན་ནི་བསྐལ་པ་གཅིག་ལ་ཡུད་ཙམ་ཐང
218b2 ཅིག་གིས་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ཀྱི་སའི་ཁམས་ཀྱི་རྡུལ་ཕྲ་མོ་སྙེད་ཀྱི་སེམས་ཅན་ཐམས་ཅད་བྱང་ཆུབ་མངོན་པར་འཚང་རྒྱ་སྟེ། མྱ་ངན་ལས་འདའ་བར་འགྱུར་བ་ཞིག་ན་དེ་ནི་དེ་ལྟ་བུའི་གནས་མེད་དོ། །དེ་ཅིའི་ཕྱིར་ཞེ་ན། དགེ་བ་བཅུའི་ལས་ཀྱི་ལམ་ནི་ཐེག་པ་ཆེན
218b3 པོའི་རྩ་བ་ཡིན་ཏེ། བྱང་ཆུབ་ཀྱི་རྒྱུ་དང་མྱ་ངན་ལས་འདའ་བའི་ཐེམ་སྐས་ལྟ་བུའོ། །རིགས་ཀྱི་བུ་གལ་ཏེ་སེམས་བསྐྱེད་པ་ཙམ་འམ་སྨོན་ལམ་བཏབ་པ་ཙམ་གྱིས་ཆོག་སྟེ། དགེ་བ་བཅུའི་ལས་ཀྱི་ལམ་གོམས་པར་ནན་ཏན་བྱ་མི་དགོས་པར་བྱང་ཆུབ་དང་། ཡོངས་སུ་མྱ་ངན་ལས
218b4 འ་དའ་བ་འཐོབ་ཏུ་ཟིན་ནི་བསྐལ་པ་གཅིག་ལ་ཡུད་ཙམ་ཐང་ཅིག་གིས་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་སའི་ཁམས་ཀྱི་རྡུལ་ཕྲ་མོ་སྙེད་ཀྱི་སེམས་ཅན་དག་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་ཞིང་མྱ་ངན་ལས་འདའ་བར་འགྱུར་བ་ཞིག་ན་དེ་ནི་དེ་ལྟ་བུའི
218b5 གནས་མེད་དོ། །དེ་ཅིའི་ཕྱིར་ཞེ་ན། དགེ་བ་བཅུའི་ལས་ཀྱི་ལམ་ནི་འཇིག་རྟེན་དང་འཇིག་རྟེན་ལས་འདའ་བའི་འབྲས་བུའི་ཁྱད་པར་དང་ཡོན་ཏན་གྱི་རྒྱུར་འགྱུར་རོ། །རིགས་ཀྱི་བུ་གལ་ཏེ་དགེ་བ་བཅུའི་ལས་ཀྱི་ལམ་ལ་ནན་ཏན་དུ་མ་བྱས་ན་ཕྱོགས་བཅུའི་སངས་རྒྱས་ཀྱི་ཞིང་ཐམས་ཅད་ཀྱི་རྡུལ
218b6 ཕྲ་མོ་སྙེད་ཀྱི་བསྐལ་པར་བ་དག་ནི་ཐེག་པ་ཆེན་པོ་པའོ་ཞེས་ཟེར་ཏེ། འཆད་དམ། ཉན་ཏམ། སེམས་བསྐྱེད་དམ། སྨོན་ལམ་བཏབ་ཀྱང་བྱང་ཆུབ་དང་། མྱ་ངན་ལས་འདའ་བ་འཐོབ་པར་མི་འགྱུར་ལ་གཞན་ཡང་འཁོར་བའི་སྡུག་བསྔལ་ལས་འདོན་མི་ནུས་སོ། །རིགས་ཀྱི་བུ་དགེ་བ
218b7 བཅུའི་ལས་ཀྱི་ལམ་ལ་ནན་ཏན་བྱས་པས་འཇིག་རྟེན་ན་རྒྱལ་རིགས་དང་། བྲམ་ཟེ་ལ་སོགས་པ་རིགས་ཆེན་པོ་དང་། རྒྱལ་ཆེན་རིས་བཞིའི་ལྷ་ནས་འདུ་ཤེས་མེད་འདུ་ཤེས་མེད་མིན་སྐྱེ་མཆེད་སྟེངས་ཀྱི་བར་དུ་ཡོད་པ་དང་། ཉན་ཐོས་ཀྱི་ཐེག་པ་དང་། རང་སངས་རྒྱས་ཀྱི་ཐེག་པ་དང་། བླ་ན
iiif viewer powered by OpenSeadragon
