| e-texts navigator |
| Wylie |
218a1 དགེ་བའི་རྩ་བ་ཐམས་ཅད་ཚོལ་བ་ལ་བརྩོན་པས་སེམས་མི་ངོམས་པ་དང་། བྱང་ཆུབ་ཀྱི་སྤྱོད་པ་དང་། སྨོན་ལམ་དང་། ཕ་རོལ་ཏུ་ཕྱིན་པ་དྲུག་ལ་སེམས་མི་ངོམས་པར་འགྱུར་ཏེ། འབྲས་བུ་གཞན་འཐོབ་པ་ཡང་ཇི་སྐད་བཤད་པ་བཞིན་ནོ། །རིགས་ཀྱི་བུ་བྱང་ཆུབ
218a2 སེམས་དཔའ་སེམས་དཔའ་ཆེན་པོ་གང་འཁོར་ལོ་རྣམ་པ་བཅུ་པོ་དེ་དག་དང་ལྡན་ན་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འགྱུར་རོ། །དེ་ཅིའི་ཕྱིར་ཞེ་ན། སྔ་མ་འདས་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར
218a3 རྫོགས་པའི་སངས་རྒྱས་ཐམས་ཅད་ཀྱང་མི་དགེ་བ་བཅུའི་ལས་ཡོངས་སུ་སྤངས་ནས་ཐམས་ཅད་ཀྱིས་དགེ་བ་བཅུའི་ལས་ཀྱི་ལམ་གྱི་འབྲས་བུ་བསྔགས་ཤིང་བསྟོད་དེ། སེམས་ཅན་ཐམས་ཅད་ལ་བདེ་བ་དང་ཕན་པའི་དོན་དང་། བྱང་ཆུབ་ཀྱི་ལམ་སྐྱེ་ཞིང་འཕེལ་བར་བྱ་བ་དང་།
218a4 སེམས་ཅན་ཐམས་ཅད་ཀྱི་ལས་དང་ཉོན་མོངས་པའི་སྡུག་བསྔལ་ལྷག་མ་མ་ལུས་པར་བསལ་བར་བྱ་བ་དང་། ངན་སོང་གསུམ་བསྐམ་པར་བྱ་བ་དང་། དཀོན་མཆོག་གསུམ་གྱི་གདུང་བསབ་པར་བྱ་བ་དང་། ཁམས་གསུམ་གྱི་སྲིད་པ་ཡོངས་སུ་གཅད་པར་བྱ་བ་དང་། ཕུང་པོ
218a5 དང་། ཁམས་དང་། སྐྱེ་མཆེད་གཅད་པར་བྱ་བ་དང་། ཐམས་ཅད་མྱུར་དུ་འཇིགས་པ་མེད་པའི་མྱ་ངན་ལས་འདའ་བའི་གྲོང་ཁྱེར་དུ་གཟུད་པའི་ཕྱིར་ཇི་སྐད་བཤད་པ་བཞིན་དུ་མི་དགེ་བ་བཅུའི་ལས་ཀྱི་འབྲས་བུ་ཡོངས་སུ་སྤོང་ངོ་། །དེ་བས་ན་རིགས་ཀྱི་བུ་གལ་ཏེ་ཡང་དག་པ་ཇི་ལྟ་བ
218a6 བཞིན་དུ་དགེ་བ་བཅུའི་ལས་ཀྱི་ལམ་འདི་མ་བསྒྲུབས་པར་མངོན་པར་འཚང་རྒྱ་བའམ། ཆུང་ངུ་ན་ཡང་དག་པ་ཇི་ལྟ་བ་བཞིན་དུ་དགེ་བ་བཅུའི་ལས་ཀྱི་ལམ་འགའ་ཙམ་ཡང་མི་སྲུང་བར་ང་ནི་ཐེག་པ་ཆེན་པོ་ཡང་དག་པར་སྤྱོད་པའོ་ཞེའམ། ང་ནི་བླ་ན་མེད་པ་ཡང་དག་པར་རྫོགས་པའི་བྱང
218a7 ཆུབ་སྒྲུབ་པའོ་ཞེས་ཟེར་ན། གང་ཟག་དེ་ནི་ཤིན་ཏུ་པར་སྨྲ་བ་སྟེ། ཕྱོགས་བཅུའི་སངས་རྒྱས་བཅོམ་ལྡན་འདས་ཀྱི་སྤྱན་སྔར་འཇིག་རྟེན་སླུ་བ་དང་། འཛེམ་པ་དང་། ངོ་ཚ་བ་མེད་པ་ཡང་སྟོང་པར་སྨྲ་ཞིང་ཆད་པར་ལྟ་བ། གླེན་པ་མི་ཤེས་པ་སླུ་བ་ཅན་ཡིན་ཏེ། དེ་ཚེ་འཕོས
iiif viewer powered by OpenSeadragon
