| e-texts navigator |
| Wylie |
217b1 སྟེ། ཤིན་ཏུ་ཚེ་རིང་བ་དང་། ཐེག་པ་ཆེན་པོའི་རོ་གཅིག་ལ་ལོངས་སྤྱོད་པར་འགྱུར་བ་དང་། དེ་བཞིན་གཤེགས་པའི་ཚེའི་ཚད་ཀྱང་དཔག་ཏུ་མེད་དེ། སེམས་ཅན་དག་ཅིས་འདུལ་བ་བཞིན་དུ་ཆོས་སྟོན་པ་དང་། ཡོངས་སུ་མྱ་ངན་ལས་འདས་ནས་ཀྱང་དམ་པའི་ཆོས་ཡུན་རིང་དུ
217b2 གནས་ཤིང་། སེམས་ཅན་ཚད་མེད་པ་ལ་ཕན་པ་དང་། བདེ་བའི་དོན་དུ་རོ་གཅིག་པའི་ཆོས་བསྟན་པ་ལ་རྩོད་པ་མེད་པས་ཡོངས་སུ་རྒྱས་པར་བྱེད་ཅིང་བགེགས་དང་བར་ཆད་མེད་པར་འགྱུར་རོ། །རིགས་ཀྱི་བུ་འདི་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ལོག་པར་ལྟ་བ
217b3 ཡོངས་སུ་སྤངས་པའི་འཁོར་ལོ་བཅུ་པའོ། །བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་ལོ་རྣམ་པ་བཅུ་པོ་འདི་དང་ལྡན་པས་ཉན་ཐོས་ཀྱི་ཐེག་པ་ལ་འཁྲུལ་པ་མེད་པར་འགྱུར། ཉན་ཐོས་ཀྱི་ཐེག་པའི་གང་ཟག་ལ་འཁྲུལ་པ་མེད་པར་འགྱུར་རོ། །རང་སངས་རྒྱས་ཀྱི་ཐེག
217b4 པ་ལ་འཁྲུལ་པ་མེད་པར་འགྱུར། རང་སངས་རྒྱས་ཀྱི་ཐེག་པའི་གང་ཟག་ལ་འཁྲུལ་པ་མེད་པར་འགྱུར་རོ། །ཐེག་པ་ཆེན་པོ་ལ་འཁྲུལ་པ་མེད་པར་འགྱུར། ཐེག་པ་ཆེན་པོའི་གང་ཟག་ལ་འཁྲུལ་པ་མེད་པར་འགྱུར་རོ། །དཀོན་མཆོག་གསུམ་གྱི་གདུང་ཡོངས་སུ་འཕེལ་བ
217b5 དང་། དེ་བཞིན་གཤེགས་པའི་བསྟན་པ་ལ་རབ་ཏུ་བྱུང་བའི་ཉེ་གནས་ཆོས་ཀྱི་སྣོད་དམ། ཆོས་ཀྱི་སྣོད་མ་ཡིན་པ་ལ་ཡང་རུང་ཆུང་ངུ་ན་ཆོས་གོས་ཀྱི་ཚལ་བུ་གྱོན་ཅིང་སྐྲ་དང་ཁ་སྤུ་བྲེགས་པ་ལ་འཁྲུལ་པ་མེད་པར་འགྱུར་བ་དང་། ཐེག་པ་ཆེན་པོའི་ཆོས་ལ་གོང་ནས་གོང་དུ་འཕར་ཞིང་ཕྱིར་མི
217b6 ལྡོག་པ་དང་། རྣོ་བའི་ཤེས་རབ་དང་། བསོད་ནམས་ཀྱི་ཁྱད་པར་རྟག་ཏུ་སྐྱེ་ཞིང་འཕེལ་བ་དང་། ཏིང་ངེ་འཛིན་དང་། གཟུངས་དང་། བཟོད་པ་དང་། ས་རྣམས་ཐམས་ཅད་ལ་དབང་དུ་འགྱུར་ཞིང་ཕྱིར་མི་ལྡོག་པ་དང་། རྟག་ཏུ་དགེ་བའི་བཤེས་གཉེན་དང་ཕྲད་ཅིང་རྗེས་སུ
217b7 སློབ་པ་དང་། རྟག་ཏུ་སངས་རྒྱས་ཐམས་ཅད་མཐོང་བ་དང་མི་འབྲལ་ཞིང་། བྱང་ཆུབ་སེམས་དཔའ་དང་། ཉན་ཐོས་ཀྱི་ཉེ་གནས་མཐོང་བ་དང་མི་འབྲལ་བ་དང་། ཆོས་ཐོས་པ་དང་མི་འབྲལ་བ་དང་། དགེ་འདུན་ལ་མཆོད་པ་དང་། བསྙེན་བཀུར་བྱེད་པ་དང་མི་འབྲལ་བ་དང་།
iiif viewer powered by OpenSeadragon
