| e-texts navigator |
| Wylie |
217a1 ལོག་པར་ལྟ་བ་དང་བྲལ་བར་འགྱུར་རོ། །འཆི་འཕོ་བའི་དུས་བྱེད་པ་ན་ཡང་ལུས་དང་སེམས་ལ་སྡུག་བསྔལ་གྱིས་མི་གདུང་ཞིང་ཡིད་དུ་འོང་བའི་བུ་དང་། ཆུང་མ་དང་། འཁོར་ཐམས་ཅད་ཀྱིས་ཡོངས་སུ་བསྐོར་བས་འཆི་འཕོ་བའི་དུས་བྱེད་པར་འགྱུར་གྱི། ཤིན་ཏུ་འཇིགས་པའི
217a2 གཤིན་རྗེའི་ཕོ་ཉ་མཐོང་བར་མི་འགྱུར་རོ། །ཡིད་དུ་འོང་བའི་དགེ་བའི་བཤེས་གཉེན་ཆོས་ཀྱིས་དུལ་བ་ཚུལ་ཁྲིམས་དང་ཡོན་ཏན་དུ་ལྡན་པ། བསོད་ནམས་ཀྱི་ཞིང་ཡང་དག་པ་དང་ཕྲད་དེ་ལུས་དང་སེམས་རབ་ཏུ་དགའ་བ་དང་། བཀུར་སྟི་དང་བཅས་པས་ཤིན་ཏུ་དད་པ་སྐྱེ་བར་འགྱུར་རོ། །
217a3 ཚེ་འཕོས་ནས་ཀྱང་ཕྱིར་མིའི་ནང་དུ་སྐྱེ་ཞིང་དབང་པོ་ཡོངས་སུ་རྫོགས་པ་ཡན་ལག་དང་ལྡན་པ་དང་། གང་ནས་གང་དུ་སྐྱེས་པར་སེམས་རྣམ་པར་དག་ཅིང་ལོག་པར་ལྟ་བ་དང་བྲལ་བ་དང་། བྱད་གཟུགས་བཟང་བ་དང་། ཡིད་གཞུངས་པ་དང་། རབ་ཏུ་བདེ་ཞིང་སྐྱིད་པ་དང་། ཕྱིར་ཡང
217a4 ཡིད་དུ་འོང་བའི་དགེ་བའི་བཤེས་གཉེན་ཆོས་ཀྱིས་དུལ་བ། ཚུལ་ཁྲིམས་དང་ཡོན་ཏན་དུ་ལྡན་པ། བསོད་ནམས་ཀྱི་ཞིང་ཡང་དག་པ་དང་ཕྲད་དེ་དེའི་རྗེས་སུ་འཐུན་པར་སློབ་པ་དང་། ལོག་པར་ལྟ་བའི་ཆོས་ཡོངས་སུ་སྤོང་བ་དང་། སྡིག་པ་མི་དགེ་བའི་ཆོས་ཐམས་ཅད་ཡོངས་སུ་གཅོད
217a5 པ་དང་། དགེ་བའི་ཆོས་ཁྱད་པར་ཅན་ཐམས་ཅད་ཡོངས་སུ་རྫོགས་པ་དང་། ཐེག་པ་ཆེན་པོའི་ཆོས་ཀྱི་རྣམ་གྲངས་ཐམས་ཅད་ཚོལ་བ་དང་། བྱང་ཆུབ་སེམས་དཔའི་སྨོན་ལམ་དང་སྤྱོད་པ་ཐམས་ཅད་རིམ་གྱིས་གཞོལ་ཞིང་ཤིན་ཏུ་ཡངས་པའི་ཡེ་ཤེས་ཀྱི་རྒྱ་མཚོ་ལ་འཇུག་པ་ནས་བླ
217a6 ན་མེད་པའི་བྱང་ཆུབ་འཐོབ་པའི་བར་དུ་འགྱུར་རོ། །སངས་རྒྱས་ཀྱི་ཞིང་ཉན་ཐོས་དང་། རང་སངས་རྒྱས་ཀྱི་ཐེག་པ་དང་བྲལ་བ་དང་། ལྷའི་བདུད་ཀྱི་འཁོར་ཐམས་ཅད་དང་བྲལ་བ་དང་། མུ་སྟེགས་ཅན་གྱི་འཁོར་ཐམས་ཅད་དང་བྲལ་བ་དང་། རིན་པོ་ཆེ་རྣམ་པ་སྣ་ཚོགས་ཀྱིས
217a7 བརྒྱན་ཅིང་ཤིན་ཏུ་མཛེས་པ་དང་། ཡང་དག་པར་ལྟ་བ་དང་ལྡན་ཞིང་ངོ་མཚར་དང་། བཀྲ་ཤིས་དང་། ཚུལ་ངན་པའི་ལྟ་བ་སྣ་ཚོགས་དང་། རྟག་པར་ལྟ་བ་དང་། ཆད་པར་ལྟ་བ་དང་། བདག་དང་བདག་གིར་ལྟ་བ་ཐམས་ཅད་ཡོངས་སུ་སྤངས་པའི་སེམས་ཅན་དག་ཞིང་དེར་སྐྱེ
iiif viewer powered by OpenSeadragon
